ISAÍAS 54:17 - Dios Rimashcata Quillcashcami

¹⁷ Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 54:17 ပူးပေါင်းရင်းမြစ်များ

JOB 1:11

Ashtahuanpish cambac maquihuan tuparishpa, pai ima charishcacunata quichui. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 2:5

Ashtahuanpish cunanca cambac maquihuan paipac tullupipish, aichapipish ungüita churai. Shina ruhuacpica, cantaca cambac ñaupallapitacmi mana alli nishpa rimanga— nirca.

JOB 42:7

Mandac Dios Jobta tucuita rimashca quipami, temanitapuramanta Elifazta rimashpaca: «Cancunaca ñucata servic Job shina ñucamantaca mana allichu huillacunguichic. Chaimantami canhuanpish, caishuc ishcai runacunahuanpish yallita piñarini.

SALMOS 32:6

Chashna cacpimi, canta cazuccunaca can uyana punzhapi mañangacuna. Jatun yacu jundac shina shamushpapish paicunataca manatac japingachu.

SALMOS 61:5

Dioslla, canman imata ruhuasha nishcataca chasquishcanguimi. Canta manchaccunaman cuna cashcataca cushcanguimi.

SALMOS 71:16

Mandac Dioslla, pi mana ruhuaipaccunata can ruhuashcataca huillacushallami. Can ruhuashcacunataca yuyaricushallami.

SALMOS 71:19

Dioslla, jahua pachaman chayactami cashcata ruhuashcangui. Canmi jatun mancharinacunata ruhuashcangui. ¡Dioslla, can shinaca pi mana tiyanchu!

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

ISAÍAS 26:2

Cashcata ruhuac, Diosta cazuc runacuna yaicuchun llacta pungucunata pascaichic.

ISAÍAS 29:8

Yarcanayaihuan sueñushpa, micucushcata muscushpapish riccharishpaca yarcanayaihuan cac runa shina, yacunayaihuan sueñushpa, yacuta ubiacushcata mushcushpapish riccharishpaca yacunayaihuan cunga chaquishca runa shinami tucunga. Chashnami Sión urcupi causaccunahuan macanacungapac tucui llactamanta shamuc soldadocunaca tucunga.

ISAÍAS 3:10

Cashcata ruhuaccunataca “allitami causangui” nichic. Paipac maquihuan imatapish ruhuashpami micunata japinga.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 41:11

Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.

ISAÍAS 46:13

Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

ISAÍAS 50:8

Ñucata cuidacca ñuca ladopimi. Chaimanta, ¿pitac ñucahuan shayaringa? ¡Tandanacuichic! ¿Pitac ñucata juchanchicca? ¡Ñucapacman cuchuyamuichiclla!

ISAÍAS 50:9

Riquichic, ñucataca Mandac Diosmi ayudanga. ¿Pitac ñucata juchanchi pudinga? Tucui paicunami churana shina, maucayashpa tucuringa. Polilla curumi micushpa tucuchinga.

ISAÍAS 51:5

Ñami cashcata ruhuagrini. Quishpichina punzhaca ñami callarishca. Ñuca poderhuanmi alli ricushpa, tucui llactacunata mandasha. Mama cucha patapi tiyac llactapi causaccunapish ñuca mandachun, ñuca rigrahuan ayudachunmi shuyacun.

ISAÍAS 54:15

Llaquichiccuna shamushpapish mana ñuca cachacpichu shamunga. Canta llaquichingapac pacalla jatariccunaca cambac ñaupapimi urmanga.

ISAÍAS 54:16

Riqui, ninata pucushpa fierrota rupacyachishpa, trabajana fierrota ruhuac runataca ñucami ruhuarcani. Tucuchishpa llaquichic runatapish ñucallatacmi ruhuarcani.

ISAÍAS 58:14

Mandac Dios ñucaca cushichishami. Cancunataca urcucunamanmi cutin huichai pushashpa, taita Jacoboman cushca allpacunapi pucushcata carasha. Chaitaca Mandac Diosmi nini» ninmi.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

JEREMÍAS 23:6

Pai mandacui punzhacunapica Judá llactapi causaccunaca quishpiringami. Israelcunapish imata mana manchashpami Mandac Diospi shunguta churashpa causanga. Chaimantami: “Mandac Diosca ñucanchicman cashcata ruhuacmi” nishpa cayangacuna.

DANIEL 3:26

Chaimanta Nabucodonosorca chai rupacuc horno pungu cuchuman cuchuyashpaca: —¡Jahua pacha Diosta servic Sadrac, Misac, Abed-nego, chaimanta llucshishpa shamuichic!— nirca. Shina nicpimi, Sadracpish, Misacpish, Abed-negopish chai nina chaupimanta llucshirca.

DANIEL 6:20

Chai jutcu cuchuman chayashpa Danielta llaquilla tucushpa cayashpaca: —¡Causac Diosta servic Daniel-lla! Punzhanta can servina cambac Diosca, ¿leoncunapac jutcumanta quishpichishcachu?— nirca.

SAN MATEO 16:18

Ñucapish cantaca Pedromi cangui ninimi. Cai rumi jahuapimi iglesiata chayachisha. Chai iglesiataca huañuipish mana ati pudingachu.

ROMANOS 10:4

Maijanpish crishpalla Dios chasquishca cachunca, Cristollami mandashcacunata pactachirca.

ROMANOS 3:22

Diosca Jesucristota crishcamantami, tucui criccunata chasquin. Diospac ñaupapica tucui gentecunami chashnallatac can.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

FILIPENSES 3:9

Cristohuan causana yuyailla cashpami, mandashcacunata pactachishpalla alli ricurinataca mana munani. Ashtahuanpish Cristota crishcallamantami, Diosca paihuan alli tucuchun ñucataca chasquirca.

JOSUÉ 24:10

Shina cacpipish, Balaam mañashcataca mana uyasha nircanichu. Chaipac randica cancunata bendiciashpami paicunapac maquimanta quishpichircani.

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

APOCALIPSIS 12:10

Shina tucushca quipami jahua pachamanta sinchita caparishpaca: «Cunanmi quishpirinapish, Diospac imata ruhuanapish, Dios mandanapish, pai cachashca Quishpichic Cristo mandanapish chayamushca. Tutapish, punzhapish Diospac ñaupapi ñucanchic huauquicunata juchanchishpa llaquichictaca ñami caimanta llucchishpa shitashca.

1 SAMUEL 23:17

Jonatanca: —Ama manchaichu, ñuca taita Saúl canta mashcacushpapish mana taringachu. Canmi israelcunata jatun mandac tucungui. Ñucaca cambac catic mandacmi tucusha. Chaitaca ñuca taita Saulpish allimi yachan— nirca.