ISAÍAS 54:13 - Dios Rimashcata Quillcashcami

¹³ Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

ISAÍAS 54:13 ပူးပေါင်းရင်းမြစ်များ

SALMOS 119:165

Can mandashcacunata cuyaccunaca yallita cushillami causancuna.

SALMOS 119:33

Mandac Dioslla, mandashcacunata cazushpa causanata yachachiyari. Tucui ñuca causaipimi pactachishpa causasha.

SALMOS 147:14

Cambac llactapi cushi causaita cushpami, micuchunpish alli trigota mana nicta caran.

SALMOS 71:17

Sumac Dioslla, huambramanta pachami ñucataca yachachircangui. Chaimantami jatun mancharinacunata can ruhuashcataca huillacunilla.

ISAÍAS 11:9

Ñucapaclla chicanyachishca urcupica millaita ruhuashpa, tucuchicca mana tiyangachu. Chaica Mandac Diosta ricsina yuyaimi mama cucha yacu jundashca shina, cai pachapica junda canga.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

ISAÍAS 26:3

Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

ISAÍAS 28:9

Paicunaca: «Alli yachaica, ¿pitatac yachachin? Chai huillashcacunaca, ¿pitatac entendichin? ¿Chuchumanta cunanlla raquishca huahuacunatachu yachachin? Mana cashpaca, ¿raquishca huahuacunatachu yachachin?

ISAÍAS 29:24

Panda yuyaita chariccunaca alli yuyaita japingami. Juchanchiccunapish yachacungacunami» nirca.

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

ISAÍAS 50:4

Mandac Diosmi ñucataca shaicushca causaccunata samachichun yachachirca. Tucui tutamantami pai yachachishcata tucui shunguhuan uyachun ricchachin.

ISAÍAS 54:12

Cambac pircacunataca sumac rumicunahuan, pungucunataca berilo rumicunahuanmi ruhuasha. Muyundi jatun pircataca sumac rumicunahuanmi shayachisha.

ISAÍAS 55:12

Cushillami Babiloniamantaca llucshinguichic. Ima mana tucushpami, allilla cutinguichic. Urcucunapish, lomacunapish cancunapac ñaupapimi cantanga. Pambapi tiyac yuracunapish cushicushpami maquita huactanga.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

JEREMÍAS 33:6

Shina cashpapish ñucami cai llactapi causaccunaman jambita apamushpa alliyachisha. Chashna jambishpa sinchiyashpami, tucui llaquimanta cuidashpa, cushi causaita cusha.

EZEQUIEL 34:25

Cushi causai tiyachunmi paicunahuan ari ninacusha. Cai llacta millai animalcunataca anchuchishami. Chaimantami shitashca pambapi imata mana manchashpa causanga. Sachapi cashpapish sumactami sueñunga.

EZEQUIEL 34:28

Shuctac llactapi causaccunapish ña mana ashtahuan servichishpa llaquichingachu. Cai allpapi tiyac millai animalcunapish mana micungachu. Pipish mana llaquichingachu. Chaimantami imata mana manchashpa causanga.

EZEQUIEL 37:26

Huiñaita cushilla causangapacmi paicunahuanca ari ninacusha. Paicunata chaipi causachun churashpaca, achcatami mirachisha. Ñucapaclla huasitapish huiñaipacmi, paicunapac chaupipi shayachisha.

OSEAS 2:18

Chai punzhapimi canta ama llaquichichun sacha animalcunahuanpish, volac animalcunahuanpish, allpata aisaric animalcunahuan ari nisha. Chai llactapica jatun macanacuita chingachishpami flechacunatapish, espadacunatapish chingachisha. Chashna ruhuacpimi, canca mana manchashpa, cushilla causangui.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

ZACARÍAS 10:7

Efraín ailluca yallita sinchi runacuna shinami canga. Vinota ubiashpa cushicuc shinami shungupi yallita cushicunga. Paicunapac churicunaca chaita ricushpami, Mandac Diosmanta tucui shunguhuan cushicunga.

SAN MATEO 16:17

Shina nicpimi Jesusca: —Jonaspac churi Simón cushicui. Caitaca pi mana yachachishcachu, ashtahuanpish jahua pacha ñuca Taitami yachachishca.

SAN LUCAS 24:45

Chai ratomi paicunapac yuyaita cushpa, Dios quillcachishcata alli entendichirca.

SAN JUAN 16:33

Tucui caicunataca ñucahuan yallita cushicuita charichunmi nini. Cai pachapica llaquita apanguichicmi. Shina cacpipish, cai pacha mana allicunata ñuca atishcamanta ñucata crichic— nirca.

SAN JUAN 6:45

Dios ima nishcata huillaccuna quillcashcapica: “Tucuimi Dios yachachishca canga” nin. Chaimantami, maijanpish Dios ima nishcata uyashpa, paimanta yachacucca, ñucapacman shamunga.

HECHOS 2:39

Chaitaca Mandac Diosmi cancunamanpish, cancunapac huahuacunamanpish, tucui carupi causaccunamanpish, tucui pai acllashcacunaman cusha nishca— nirca.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

ROMANOS 5:1

Ñucanchic crishcamanta Dios chasquicpimi, Apunchic Jesucristomanta Dios-huan cushi causanchic.

1 CORINTIOS 2:10

Ashtahuanpish Diosmi paipac Espirituhuan ñucanchicman yachachishca. Diospac Espirituca tucuitami ricsin, Dios imata yuyacushcatapish yachanmi.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

EFESIOS 4:21

Cancunaca Jesusmanta cashcata nic huillashcata uyashpami, pai munashca shina causanata yachacurcanguichic. Chaitaca allitami yachani.

FILIPENSES 4:7

Chashna ruhuacpimi, cancuna Jesucristohuan shuclla cashcamanta, gentecuna mana entendishca Diospac sumac causaica cancunapac shungutapish, yuyaitapish huacaichinga.

1 TESALONICENSES 4:9

Diosllatacmi caishuc-huan chaishuc-huan cuyanacunataca ña yachachishca, chaimantami ña mana ashtahuan cuyanacunamantaca quillcana canchic.

HEBREOS 8:10

Quipa punzhacunapi israelcunahuan ari ninacushpaca, ñuca mandashcacunataca paicunapac yuyaipimi churasha. Paicunapac shungupimi, quillcashca shina churasha. Ñucaca paicunapac Diosmi casha, paicunaca ñuca huahuacunami canga.

HEBREOS 8:11

Chashna cacpica pipish paipac ricsishcacunata paipac aillucunataca “Mandac Diostaca ricsiyari” mana ningachu, ashtahuanpish uchillamanta callarishpa, jatuncunacamanmi tucui mashna ñucataca ricsic chayangacuna.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.