ISAÍAS 53:10 - Dios Rimashcata Quillcashcami

¹⁰ Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

ISAÍAS 53:10 ပူးပေါင်းရင်းမြစ်များ

SALMOS 110:3

Can sumaimana cashcahuan imatapish ruhuai punzhami, cambac soldadocunaca quiquin munaimanta shamungacuna. Tutamanta garua tamyahuan mushucyac shinami, punzhanta mushucllatac cangui.

SALMOS 147:11

Mandac Diosca paita manchaccunahuan shinallatac pai llaquichun shuyaccunahuanmi cushicun.

SALMOS 149:4

Mandac Diosca pai acllashcacunahuanmi cushicun. Yangalla gentecunataca quishpichishpami sumacta ruhuanga.

SALMOS 21:4

Causaita mañacpipish curcanguimi. Unaita causachunmi achca huatacunata curcangui.

SALMOS 22:30

Quipa huahua huahuacunapish Mandac Diostami servingacuna. Mandac Dios ruhuashcataca quipa huahuacunamanpish huillangacunami.

SALMOS 22:31

Pai cashcata ruhuashcata ashtahuan quipaman manarac huacharishcacunaman huillashpaca: «Paimi tucui allicunata ruhuarca» nishpami huillangacuna.

SALMOS 69:26

Paicunaca llaquihuan cac runatami llaquichincuna. Can nanachishca runatami mana alli nishpa parlancuna.

SALMOS 72:17

Jatun mandacpac shutica huiñaitami causanga. Inti tiyashcacaman paipac shutica alli nishcami canga. Paimantami tucui shuctac llactapi causaccunaca bendiciashca canga. Paicunaca yallita cushicushpami alli ningacuna.

SALMOS 72:7

Pai mandacuc punzhacunapi cashcata ruhuanaca sisa shinami canga. Quilla tucuringacamanmi cushilla causaica tiyanga.

SALMOS 89:29

Paipac huahua huahuacunataca huiñaitami mandac cachun churasha. Pai mandashpa tiyarinapish jahua pacha shinami huiñaita canga.

SALMOS 89:36

Huiñaitami paipac huahua huahuacunaca causanga. Pai mandashpa tiyarinapish ñuca ñaupapica inti shinami canga.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

ISAÍAS 49:4

Ashtahuanpish ñucaca: «Yangallami trabajashcani. Imatapish mana japingapacmi ñuca fuerzata tucuchishcani. Shina cacpipish, ñuca imata ruhuashcataca Mandac Diosmi ricucushca. Imata ñuca ruhuashcamantaca ñuca Diosmi cunga» yuyarcanimi.

ISAÍAS 53:12

Chaimantami Diosca paitaca alli nishcacunahuan pacta churanga. Sinchi runacunahuanmi quichushcacunataca chaupinacunga. Chaica, paica huañungacamanmi yallita llaquita aparca. Paica achcacunapac juchata aparishpami juchayuc shina tucurca. Juchayuccunamantami mañarca.

ISAÍAS 54:3

Cambac huahua huahuacunaca alli ladomanpish, lluqui ladomanpish jundashpami, achca llactacunata japishpa, shitashca llactacunapipish causanga.

ISAÍAS 61:9

Paicunapac huahua huahuacunapish, retoñac shina llucshishca huahuacunapish llactacunapac ricsiscami canga. Paicunata ricuccunaca “Mandac Dios ñuca bendiciashca huahua huahuacunami” ningacunami» ninmi.

ISAÍAS 66:22

Cutinllatac Mandac Diosca: «Ñuca ruhuashca mushuc jahua pachapish, mushuc cai pachapish huiñaicamanmi ñuca ñaupapi canga. Cancunapac huahua huahuacunapish huiñaicaman mana chingaringa.

ISAÍAS 9:7

Jatun mandac Davidpac tiyarinapi tiyarishpami, huiñaita cushi causaita cushpa, cashcata ruhuashpa, cunanmanta huiñaicaman mandanga. Pai mandanaca mana tucuringachu. Tucuita Mandac Diosca pai yallita cuyashcamantami chaitaca pactachinga.

JEREMÍAS 32:41

Ñucaca paicunaman allita ruhuashpami cushicusha. Cai llactataca tucui shunguhuan, tucui almahuanmi tarpuc shina churashpa, maita mana cuyuchipacta ruhuasha.

EZEQUIEL 33:11

Mandac Dios ñuca shutipimi nini: Ñucata mana manchac runa huañuchunca mana munanichu. Ashtahuanpish pai millaita ruhuanata saquishpa, causaita charichunmi munani. Chaimanta millaita ruhuanata saquishpa tigramuichic. Israelcuna, ¿imamantatac huañugringuichicyari? ninmi.

EZEQUIEL 37:25

Ñucata servic Jacoboman cushca, ñaupa taitacuna causana llactapimi causanga. Chaipimi paicunapish, huahuacunapish, nietocunapish huiñaita causanga. Ñucata servic Davidmi huiñaita paicunapac jatun mandac canga.

DANIEL 9:24

Israelcunapacpish, Diospac acllashcacunapacpishmi canchis chunga semanacunata chicanyachishca tiyacun. Chai semanacunapimi mana cazunatapish, juchata ruhuanatapish saquinga. Shinallatac chai semanacunallapitacmi mana allita ruhuashcatapish pichanga, huiñaita cashcata ruhuanga. Muscuipi shina ricushcatapish, Dios huillachishcatapish sellanga. Shinallatac Diospac caccunata aceitehuan cahuishpa ashtahuan Diospacllata ruhuanga.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

SOFONÍAS 3:17

Mandac Diosca cancunapac chaupipimi. ¡Paica quishpichingami! ¡Paica yallita poderyuc Diosmi! Paica cancunamanta yallita cushicungami. Paica cuyacmi, cushicushpa cantangami.

ZACARÍAS 13:7

Tucuita Mandac Diosca: «¡Espadalla, michictapish, ñuca ricsiccunatapish llaquichingapac jatariyari! Chai michicta can chugrichicpi, ovejacuna caita chaita ricpica, ñucami huahua ovejacunata llaquichisha.

NÚMEROS 7:15

Shinallatac tucui rupachingapacca shuc becita, shuc cari ovejata, shuc huatayuc cari ovejatami apamurca.

SAN MATEO 17:5

Pedro rimacucpillatacmi, yuranlla puyu paicunata taparca. Chai puyu ucumanta rimashpaca: «Caimi ñuca cuyashca Churi. Paimi ñucataca cushichin. Paita uyanguichic» nirca.

SAN MATEO 3:17

Jahua pachamanta rimashpaca: «Caimi ñuca cuyashca Churica. Paillami ñucataca cushichin» nishcami uyarirca.

SAN LUCAS 1:33

Taita Jacobopac huahua huahua israelcunatami huiñaita mandanga. Pai mandanaca manatac tucuringachu— nirca.

SAN JUAN 1:29

Cayandi punzhami Juanca Jesús paipacman chayamucucta ricurca. Chaimantami Juanca: «Paimi gentecunapac juchacunata anchuchichun, Dios cachashca Pactalla Ovejaca.

SAN JUAN 12:24

Trigo muyu allpapi mana urmashpa, mana huañushpaca paillami saquirin. Ashtahuanpish allpapi urmashpa, huañushpaca achcatami pucun. Chaica chashnatacmi can.

SAN JUAN 13:32

Dios ñucamanta jatunyachishca cashpaca, Runa Tucungapac shamushca ñucatapish jatunyachingami. Chaitaca utcami ruhuanga.

ROMANOS 6:9

Cristo huañushcacunapuramanta causarishpaca, ña mana huañuna cashcatapishmi crinchic. Huañuica paitaca ña imata mana ruhuai pudingachu.

ROMANOS 8:32

Diosca, paipac quiquin Churitapish tucui ñucanchicmanta llaquita apachun, mana jarcarishpa, cushpaca, ¿manachu paipac Churita cushca shina imatapish cunga?

ROMANOS 8:8

Jucha munashcata ruhuashpa causaccunaca, Diosta mana cushichi pudincunachu.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

GÁLATAS 3:13

Chaimantami mandashcacunata mana pactachishpa, llaquiman rinalla cacpi Cristoca ñucanchicpac randi cruzpi llaquita apashpa quishpichirca. Dios quillcachishcapica: «Maijanpish cruzpi chacatashca huañucca, Dios llaquichishcami huañun» ninmi.

EFESIOS 1:5

Jesucristohuan shuc shinalla tucushcamantami ñucanchictaca paipac huahuata shina ruhuashpa, ñaupaman pai ima shina munacushcata pactachirca.

EFESIOS 1:9

pai munashcamanta ñaupaman cusha nishca pacashcataca, Cristomanta ñucanchic japichun ricuchirca.

EFESIOS 5:2

Jesucristo ñucanchicta cuyac shinallatac, cancunapish cuyanacushpa causaichic. Paica Diosman cushpa rupachishca mishquiman ashnacuc shina cangapacmi pai quiquinllatac japi tucushpa, ñucanchicmanta huañurca.

2 TESALONICENSES 1:11

Chaimantami Dios paipac poderhuan pai munashca shinata ruhuachichun, cancuna crishcamanta alli ruhuaicunatapish, alli yuyaicunatapish cuchun, cayashcacuna cashcatatac ricuchichun nishpami cancunamanta punzhanta mañacunchiclla.

HEBREOS 2:13

Shinallatac: “Paita crishpami shuyasha” ninmi. Cutinllatac: “Caipica Dios cushca huahuacunahuanmi cani” ninmi.

HEBREOS 7:27

Jesusca mana shuctac curacuna shina puntaca paipac juchacunamanta, quipaca tucui gentecunapac juchacunamanta animalta Diosman cushpa, rupachicchu, ashtahuanpish Apunchic Jesucristoca huiñaipac shuc cutinlla huañushpami, paillatac Diosman curishpa huañurca.

HEBREOS 9:14

¡Apunchic Jesuspac yahuarcarin, tucuimanta yalli valishcami! Paica huiñaita causacuc Diospac Espirituhuan cashpami, ima millaita mana ruhuac cashpapish, pai quiquin Diosman curishpa huañurca. Paipac yahuarmi millai yuyaicunahuan mana allita ruhuashpa, causacucpi, causacuc Diosta servicta ruhuan.

1 PEDRO 2:24

Ñucanchic juchata mana ruhuangapac huañushca shina tucushpa, cashcata ruhuashpa causachunmi, Cristollatac paipac cuerpopi ñucanchic juchacunata apashpa, cruzpi huañurca. Cancuna alliyachunmi, Cristoca chugririshca carca.

APOCALIPSIS 1:18

Ñucaca causacunimi. Huañushcami carcani, cunanca huiñaipacmi causacuni. Ñucami huañuipacpish, ucu pachapacpish llavecunata charicuni.