ISAÍAS 52:12 - Dios Rimashcata Quillcashcami

¹² Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

ISAÍAS 52:12 ပူးပေါင်းရင်းမြစ်များ

1 CRÓNICAS 14:15

Bálsamo yuracuna jahuata puric shina uyaricpica, filisteocunahuan macanacungapac llucshingui. Chaipica Mandac Dios ñucami filisteocunata huañuchingapac ñaupashpa risha» nirca.

ÉXODO 12:11

Cancunaca chai aichataca alli chumbillishpa, chaquipipish ushutata churarishpa, shinallatac tauna caspita maquipi apashpami, utcashpa micuna canguichic. Chai tutaca Mandac Dios ñucapac Pascuami canga.

ÉXODO 12:33

Tucui Egipto runacunaca: «Tucuimari huañugrinchic» nishpami, tucui israelcunata utca llucchishpa cacharca.

ÉXODO 12:39

Egiptomanta apashca, levadura illac chapucunatami tandata ruhuashpa cusashpa micurca. Egiptomanta utca llucchishpa cachacpimi, paicunaca micunatapish mana allichi pudirca.

ÉXODO 14:8

Mandac Dios Egipto llactata jatun mandac Faraonpac shunguta sinchiyachicpimi, israelcunata catirca. Ashtahuanpish israelcunaca imatapish mana manchashpami llucshirca.

ISAÍAS 26:7

Cashcata ruhuacpac causaica jucha illacmi. Canca cashcata ruhuac Dios cashpami, cashcata ruhuaccunapac causaita ricucungui.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 45:2

«Ñucami cambac ñaupata rishpa, urcucunatapish pambayachisha. Bronce pungucunatapish paquishpami, fierro aldabacunataca ñutuchisha.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 49:11

Tucui ñuca lomacunatami ñanta ruhuasha. Ñuca ñancunatapish cutin allichishami.

ISAÍAS 51:14

Utcami prezu caccunaca llucchishca canga. Mana huañungacaman prezu causangacunachu. Paicunamanca micunapish mana illangachu.

ISAÍAS 57:18

Chashna ruhuacuctami ricurcani. Paicunataca ñucallatac allichishpami michic shina pushasha. Paicunatapish, paicunahuan llaquilla causaccunatapish cushichishami.

ISAÍAS 58:8

Chaita ruhuacpica, inti llucshic shinami achicyachinga. Shinallatac utcami alli tucunguichic. Cashcata ruhuashcami cancunapac ñaupata ringa. Mandac Dios ñucapac achic nicucmi huashata cuidashpa catinga.

MIQUEAS 2:13

Ñanta pascacmi, paicunapac ñaupataca huichai rishpa, punguta llucshinga. Paicunata jatun mandacca ñaupashpami ringa. Tucuipac ñaupata ricca Mandac Dios ñucami casha» ninmi.

NÚMEROS 10:25

Quipataca Dan aillupac soldadocunami banderahuan cuidashpa rirca. Paicunataca Amisadaipac churi Ahiezermi mandacurca.

DEUTERONOMIO 16:3

Chai aichataca levadura illac tandahuan micunguichic. Egipto llactamanta ima shina llucshishca punzhataca tucui cancunapac causaipi yuyaringuichic. Canchis punzhacunata levadura illac tandata micunguichic. Chai tandaca llaquita yuyarina tandami. Egiptomantaca huacta huactami llucshircanguichic.

DEUTERONOMIO 20:4

Mandac Diosmari cancunamanta cancunata piñaccunahuan macanacungapac rin. Paimi macanacuita mishachinga” nirca.

JOSUÉ 4:11

Tucui israelcuna ña pasacpica, curacunapish paicunata catishpami Diospac Arcata apashpa pasarca.

JOSUÉ 6:9

Macanacungapac allichirishca caricunaca gachucunapi tocashpa ricuc curacunapac ñaupatami rirca. Cutin caishuccunaca Arcata apaccunapac huashatami rirca. Gachucunapica tocacurcacunallami.

JUECES 4:14

Chaimantami Deboraca Baractaca: «¡Jatari, cunan punzhami Mandac Diosca Sisarata cambac maquipi churagrin. Mandac Diosca cambac macanacuc runacunapac ñaupatami ricun!» nirca. Baracca chunga huaranga macanacuc runacunata catichishpami, Tabor urcumanta shamurca.