ISAÍAS 52:11 - Dios Rimashcata Quillcashcami

¹¹ ¡Babilonia llactamanta anchurichic, anchurichic! Chaimanta llucshichic. Imapish mapapica ama tuparichicchu. Chai llacta chaupimanta llucshichic. ¡Mandac Diospac caccunata apaccunapish mapa illac tucuichic!

ISAÍAS 52:11 ပူးပေါင်းရင်းမြစ်များ

1 CRÓNICAS 15:12

cayashpaca: «Cancunami levitacunapac familiacunata mandac canguichic. Chaimanta israelcunata Mandac Diospac Arcata ñuca acllashca pushtuman apamungapac cancunapish, cancunapac aillucunapish Diospaclla tucushpa chuyayaichic.

ÉXODO 30:19

Chai yacuhuanmi Aaronpish, paipac churicunapish chaquita, maquitapi jahuanga.

ISAÍAS 1:16

Jahuarichic, picharichic. Cancuna mana allita ruhuashcataca ñuca ñaupamanta anchuchichic. Mana allita ruhuanata saquishpa,

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

ISAÍAS 66:20

Paicunami tucui cancunapac huahuacunataca tucui llactamanta pushamunga. Ñucaman cungapacmi caballocunapi, carretacunapi, tuldushca huandunacunapi, mulacunapi, camellocunapi montachishpa, ñucapaclla Jerusalenpi tiyac urcuman pushamunga. Israelcunaca Mandac Dios ñucaman cungapacmi ofrendata mapa illac imapish charinacunapi ñucapac huasiman apamushpa cuc shina, ñuca ñaupapi churanga.

JEREMÍAS 31:21

Mandac Diosca: «Can rishca ñanta unanchishpa saquingui. Rishca ñanta yuyaringui. Carihuan manarac chayarishca soltera shina Israel-lla, can maita rishca ñanllatatac cai llactaman cutimui.

JEREMÍAS 50:8

Caldeocuna causana llactata saquishpa Babilonia llactamanta llucshichicyari. Shuc carnero manada ovejacunata ñaupac shina, pushashpa llucshichicyari.

JEREMÍAS 51:45

¡Ñuca acllashcacunalla, chai llacta chaupimanta llucshichicyari! Mandac Dios nina japiric shina, yallita llaquichinamanta llucshichicyari.

JEREMÍAS 51:6

¡Babilonia llactapi causaccunapac juchamanta mana huañungapac chaimanta llucshichicyari! Paicuna llaquichishca shinallatac paicunatapish Mandac Dios llaquichina punzhami chayamushca. Paicunaman cuna cashcatami cugrin.

EZEQUIEL 44:23

Ñuca acllashca gentecunataca imacunalla ñucapaclla cashcata, mana ñucapaclla cashcatami yachachina can. Shinallatac imacunalla mapa cashcata, mana mapa cashcatami ricuchishpa, yachachina can.

LEVÍTICO 10:3

Chaimantami Moisesca Aarontaca: «Cashna tucunata utcapi Mandac Dios huillashpaca: “Ñucapacman cuchuyamucmanmi ñuca jucha illac cashcata ricuchisha. Israelcunamanmi ñuca sumaimana cashcata ricuchisha” nircami» nirca. Chaimantami Aaronca upalla saquirirca.

LEVÍTICO 11:45

Ñucaca cancunata Mandac Diosmi cani. Cancunapac Dios cangapacmi Egipto llactamanta huichai llucchimurcani. Chaimantami cancunapish jucha illac cana canguichic” ningui.

LEVÍTICO 11:47

maijanlla mapa cashcata, maijanlla mana mapa cashcata, maijanllata micuna cashcata, maijancunata mana micuna cashcata yachachunmi cashca» nirca.

LEVÍTICO 21:6

Paicunaca ñucaman cushpa rupachiccunami. Chaimantami ñucapac shutita mana mapayachingapac, ñucapaclla chicanyarishca, jucha illac cana can.

ZACARÍAS 2:10

Mandac Diosca: «Sión llactapi causaccunalla, ñucaca cancunapac chaupipi causangapacmi shamuni. Chaimanta cushicushpa cantaichicyari.

ZACARÍAS 2:11

Chai punzhapica achca llactacunami Mandac Dios ñucapacman tandanacunga. Paicunaca ñuca acllashcacunami canga. Ñucaca cancunapac chaupipimi causasha» ninmi. Chaita ricushpami, Mandac Diosllatac cancunapacman ñucata cachashcata yachanguichic.

NÚMEROS 16:26

Moisés chayashpa, chaipi cac tucui israelcunataca: —¡Diosta mana manchac gentecunapac chaupimanta anchurichic! Paicunapac ima tiyashcata ama japinguichicchu. Pacta paicunapac juchamanta cancunapish llaquichishca canguichicman— nirca.

NÚMEROS 19:11

Maijanpish, huañushcapi tuparishpaca canchis punzhacamanmi mapa canga.

NÚMEROS 19:16

Espadahuan huañuchishca mai pambapi siricucpi, mana cashpaca ungüihuan huañushcapi, mana cashpaca huañushcapac tullupi, mana cashpaca huañushcata enterrashcapi tuparishpaca, canchis punzhacamanmi mapa canga.

NÚMEROS 8:6

«Levitacunataca israelcunamanta chicanyachishpa, mapa illacllata ruhuangui.

HECHOS 10:14

Shina nicpimi Pedroca: —Mana, Apunchic Jesús. Mapa animalcunataca mana micushachu, jaicapi mana micushcanichu— nirca.

HECHOS 10:28

Chaipimi Pedroca: —Israelcuna, mana israelcunahuan mana tandanacuc cashcataca, cancunallatac yachanguichicmi. Paicunapac huasillamanpish mana chayarina cashcatapish yachanguichicmi. Shina cacpipish, Dios ñucaman ricuchishpaca: “Pitapish ama mana alli nishpa, millanguichu” nirca.

ROMANOS 14:14

Mana imapish paillatac mapaca tiyanchu. Apunchic Jesusmantami chashna nini. Ashtahuanpish maijan mapa cashcata yuyacpica, paimanmi mapa can.

2 CORINTIOS 6:17

Chaimantami tucuita Mandac Diosca: «Paicunapuramanta llucshichic. Paicunamanta chicanyarichic. Imapish mapayachic-huanca ama chapurichicchu, chaipica ñucaca chasquishami.

EFESIOS 5:11

Amsapi causac, mana allita ruhuaccuna shina yangallaca ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

1 PEDRO 2:11

Cuyashca criccuna, cancunaca caru llactamanta shamushpa, causac shinallami cai pachapica canguichic. Shina cashcamanta cancunapac almahuan macanacucuc jucha munaicunamantaca huacaichiringuichic ninimi.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

APOCALIPSIS 18:4

Cutinllatac jahua pachamanta shuc rimashca uyarishpaca: «¡Ñuca acllashca huahuacunalla! Paicunahuan pacta mana llaquichishca cangapac, paicuna shina mana juchata ruhuangapacca, chai pueblota shitashpa llucshichic.