ISAÍAS 51:19 - Dios Rimashcata Quillcashcami

¹⁹ Cai ishcai llaquicunami cantaca japirca. Cambac llactaca llaquinayaita tucuchishcami carca. Yarcaipish, jatun macanacuipishmi llaquichirca. ¿Pitac cantaca llaquingayari? ¿Pitac cantaca cushichingayari?

ISAÍAS 51:19 ပူးပေါင်းရင်းမြစ်များ

JOB 2:11

Jobpac quimsa ricsishcacunami chai tucui llaquita apacun nicta uyashpa, paicunapac llactamanta shamurca. Paicunamanta shucca temanitapuramanta Elifazmi carca. Caishucca suhitapuramanta Bildadmi carca. Chaishucca namatitapuramanta Zofarmi carca. Paicunaca Jobta llaquinacushpa cushichingapacmi quimsa tucushpa shamunata yuyarircacuna.

JOB 42:11

Chai quipami paipac huauquicunapish, panicunapish, tucui ñaupa ricsishcacunapish paihuan micungapac huasiman shamurcacuna. Mandac Dios paita llaquichishcamantami paicunapish llaquishcata ricuchingapac, cushichingapacpish shamurcacuna. Tucui paicunami cullquitapish, curi sortejascunatapish caishuc chaishuc cungapac apamurcacuna.

SALMOS 69:20

Camishpami ñuca shungutaca yallita llaquichincuna. Urmashpa mana jataripacmi cani. Maijanpish ñucata llaquingapishchari yuyarcanimi. Shina cacpipish mana pi tiyarcachu. Maijanpish ñucata cushichingapishchari nishpami mashcarcani. Shina mashcashpapish mana tarircanichu.

ECLESIASTÉS 4:1

Tigrarishpa ricushpaca cai pachapi tucuita ruhuashpa, yallita llaquichicuctami ricurcani. Llaquihuan huacacucpipish pi mana cushichircachu. Poderta chariccunapish llaquichiccuna parte carca. Cushichiccunaca shucllapish mana tiyarcachu.

ISAÍAS 14:30

Huacchacunapac punta huahuacunaca micunata charingami. Imata mana charic huacchacunaca samaringami. Ashtahuanpish cambac huahua huahuacunataca yarcaihuanmi huañuchisha. Maijan saquirishcacunatapish tucuitami tucuchisha.

ISAÍAS 22:4

Chaimantami ñucaca: «Yallita caparishpa huacangapac ñucamanta caruyai. Ñuca llactapi causaccunapac llaquimanta huacacpi, ama cushichinguichicchu» nircani.

ISAÍAS 47:9

Shina yuyacucpipish, cai ishcai llaquicunami cungailla japinga. Yachac cacpipish, brujeriata ruhuacucpipish, chai llaquicunaca japingami. Chai punzhallapitacmi viudapish, cusa illacpish saquiringui.

ISAÍAS 54:11

Mandac Diosca: «¡Jerusalenlla, canca huairahuan, tamyahuan llaquichishcami pipish mana cushichishca llaquilla causangui! Ñucami cantaca callaripi turquesa rumicunata churashpa shayachisha. Pircata callaringapacca zafiro rumicunatami churasha.

ISAÍAS 60:18

Cambac llactapica llaquica jaicapi mana uyaringachu. Llaquichishpa tucuchicpish mana tiyangachu. Chaipac randica llacta muyundi pircataca: “Quishpichicmi” nishpami cayangui. Cutin llacta pungu aldabataca: “Diosta alli ninami” nishpami cayangui.

ISAÍAS 61:2

Mandac Dios quishpichina huata chayamucushcatapish, ñucanchic Dios llaquichina punzha chayamucushcata huillachunpish, shinallatac llaquilla causaccunata cushichichunpishmi cacharca.

ISAÍAS 8:21

Paicunaca yallita shaicushpa, yarcaihuanmi cai pachapica puringa. Chashna yarcaihuan cashcamanta piñarishpami, huichaita ricushpa, paicunata jatun mandactapish, paicunapac Diostapish mana alli ninga.

ISAÍAS 9:20

Tucuimi paipac alli lado rigrata micunga. Shina micushpapish yarcachingami. Cutin shucca paipac lluqui lado rigratami micunga. Shina micushpapish yarcachingami. Tucuimi paicunapac rigrallatatac micunga.

JEREMÍAS 15:5

Jerusalenlla, ¿pitac cantaca llaquingayari? Can llaquita apacucpica, ¿pitac huacangayari? ¿Pitac “allilla causangui” ningayari?

JEREMÍAS 24:10

Paicunataca jatun macanacuipi, yarcaipi, mancharina ungüihuan llaqui tucuchunmi saquisha. Paicunamanpish, paicunapac ñaupa taitacunamanpish cushca llactapi tucuringacamanmi chashna llaquichisha» nirca.

LAMENTACIONES 1:12

Caita pasac maijancunaca, ¿manachu ñucata llaquinguichic? Mandac Dios nina japiric shina piñarishca punzhapi, ¿ñucata llaquichishca shina, llaquita ricushcanguichicchu?

LAMENTACIONES 1:9

Churanatapish mapayachircami. Pai huañunataca mana yuyarircachu. Chaimantami paica cungailla urmarca. Pipish paitaca mana cushichircachu. Shina cashpami paica: “¡Mandac Dioslla, ñuca llaquita ricuiyari! ¡Ñucata piñaccunaca yallita jatun tucushcami!” nicun.

LAMENTACIONES 3:47

Ñucanchicca manchaihuan cashpami umashcanchic. Jatun llaquihuan tucuchishcami canchic” nichicyari.

EZEQUIEL 14:15

Cai llactaman piña animalcunata cachashpa, llaquinayaita tucuchicpica, chai llacta chaupitaca pipish mana pasai pudinmanchu, cai llactaca shitashcami saquirinman.

EZEQUIEL 14:21

Mandac Dios ñucaca: “Jerusalenpi causacuc gentecunata, animalcunata tucuchingapacca, jatun macanacuitapish, yarcaitapish, piña animalcunatapish, ungüicunatapishmi cachasha. Chai chuscu llaquicunahuanmi tucuchisha.

AMÓS 7:2

Chai langostacuna tucui llactapi quihuata micushpa tucuchicpimi ñucaca: «¡Mandac Dioslla, cunanca paicuna mana allita ruhuashcata perdonaiyari! Jacobopac huahua huahuacunataca, ¿pitac ayudangayari? Paicunaca uchillami» nircani.

NAHÚM 3:7

Can chashna cacta tucui gentecuna ricushpa, canmanta caruyashpaca: “¡Nínive llactaca llaquinayaitami tucurishca! ¿Pitac paitaca llaquingayari? ¿Maipitac cushichictaca taringayari?” nishpami mancharinga.

2 CORINTIOS 7:13

Tucui caicunami ñucanchictaca cushichirca. Shina cacpipish cancuna Titota ashtahuan catina yuyaita cushpa cushichishcamantami ashtahuan cushicurcani