ISAÍAS 51:15 - Dios Rimashcata Quillcashcami

¹⁵ Ñucami mama cucha yallita cuyuchishpa jatarichic Mandac Diosca cani. Ñuca shutica tucuita Mandac Diosmi.

ISAÍAS 51:15 ပူးပေါင်းရင်းမြစ်များ

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

JOB 26:12

Paipac poderhuanmi mama cuchatapish cuyuchin. Paica jatun yachac cashpami mama cuchapi cac Rahabtaca llaquichin.

SALMOS 107:25

Pai rimashpami jatun huairata cachashpa, yacutaca jahuata jatarichirca.

SALMOS 136:13

Puca cuchata ishcai partepi chaupic Diosta alabaichicyari. ¡Paica huiñaita llaquicmi!

SALMOS 74:13

Tucuita ruhuac cashpami mama cuchatapish chaupircangui. Yacupi tiyac manchana animalcunatapish umata ñutuchircanguimi.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ISAÍAS 47:4

Chashnami ñucanchicta quishpichic nin. Paipac shutica tucuita Mandac Diosmi. Israelcunapac jucha illac Diosmi. Paica:

ISAÍAS 48:2

Shina cashpapish: “Jucha illac llactamantami canchic. Israelcunapac Diosta yuyarishpami causanchic. Paipac shutica tucuita Mandac Diosmi” ninguichicmi.

ISAÍAS 51:10

¿Manachu can mama cuchata chaquichircangui? ¿Manachu can quishpichishcacuna pasachun, mama cuchata chaquichishpa ñanta ruhuarcangui?

ISAÍAS 54:5

Cambac cusaca, canman causaita Cucmi. Cusapac shutica tucuita Mandac Diosmi. Paica quishpichic, israelcunapac jucha illac Diosmi. Paipac shutica “tucui cai pachapi causaccunapac Diosmi” canga.

JEREMÍAS 10:16

Jacoboman tucuita cuc Diosca mana chai dioscuna shinachu. Paica tucui ima tiyacta ruhuacmi. Israel ailluca pai acllashcacunami. Paipac shutica tucuita Mandac Diosmi.

JEREMÍAS 31:35

Punzhanta achicyachic intita tutanta achicyachic quillata, lucerocunata churac, mama cuchata cuyuchic tucuita Mandac Diosca:

JEREMÍAS 51:5

Israelcunata Mandac Diosca chai llactapi yallita juchata ruhuashpa paita piñachicucpipish israelcunatapish, Judá llacta runacunatapish mana saquishcachu.

LEVÍTICO 11:44

Ñucaca cancunata Mandac, jucha illac Diosmi cani. Chaimanta cancunapish jucha illac caichic. Pambata aisarishpa puric animalcunata micushpa ama mapayanguichicchu.