ISAÍAS 51:1 - Dios Rimashcata Quillcashcami

¹ Mandac Diosca: «Cashcata ruhuanata munaccunapish, ñucata mashcaccunapish uyaichicyari. Jatun rumimanta anchurishcacuna chai jatun rumita ricuichicyari. Cancuna llucchishca jatun rumita ricuichicyari.

ISAÍAS 51:1 ပူးပေါင်းရင်းမြစ်များ

2 CRÓNICAS 15:2

Shina shamucpi, Asahuan tupangapac llucshishpaca: «Canpish, Judá llacta, Benjamín llacta tucui soldadocunapish uyaichic. Cancuna Mandac Dios-huan cacpica, paipish cancunahuanmi canga. Cancuna paita mashcashpaca taringuichicmi. Ashtahuanpish cancuna paita saquicpica, paipish cancunata saquingami.

2 CRÓNICAS 15:4

Ashtahuanpish paicunaca jatun llaquipi cashpami, israelcunata Mandac Diospacman cutirishpa, paita mashcarcacuna. Shina mashcashpami paitaca tarircacuna.

SALMOS 24:6

Jacobopac Dioslla, cambac ñahuita ricusha nishpa, mashcaccunaca chashnami cana canchic.

SALMOS 94:15

Ashtahuanpish mandaccunaca cashcatami ruhuai callaringa. Shungupi ima millai yuyaita mana chariccunaca chaitami catingacuna.

PROVERBIOS 15:9

Mana manchac runapac causaica Mandac Diosmanca millanayaimi Ashtahuanpish cashcata ruhuashpa causactaca cuyanmi.

PROVERBIOS 21:21

Cashcata ruhuashpa, llaquishpa causacca alli nishcapish, cashcata ruhuac nishcapish cangami. Shinallatac causaitapish charingami.

ISAÍAS 45:19

Ñucaca cai pachapica mana pacalla amsapichu rimarircani. Jacobopac huahua huahuacunataca: “Ñucataca yangami mashcanguichic” mana nircanichu. Ñucaca cashcata, allita rimac Mandac Diosmi cani.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 48:12

Jacobopac huahua huahuacunalla, ñuca cayashca israelcunalla uyaichicyari. Ñucallami Dios cani. Ñucallatacmi callaripish, tucuripish cani.

ISAÍAS 51:4

Ñuca acllashcacunalla, ñuca llactalla, ñucata uyaichicyari. Ñucami mandashcacunata huillasha. Cashcata ruhuanaca gentecunapac luz shinami canga.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

AMÓS 5:6

Mandac Diospacman cuchuyaichic, causanguichicmi. Pacta Josepac huahua huahuacuna shina, ninapi rupanguichicman. Pacta pipish ninata mana huañuchicpi, Bet-el llacta tucui rupanman.

SOFONÍAS 2:3

Cai pacha humilde runacuna, Mandac Dios mandashcata cazuccuna, Mandac Diospacman cutirichicyari. Cashcata ruhuanata, mana piñarinata munaichicyari. Mandac Dios piñarishpa llaquichi punzhapica, paillatac huacaichingapishchari.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN MATEO 6:33

Tucuimanta yallica, Dios mandacucta, shinallatac cashcata ruhuanata mashcaichic. Cancunapac ima illashcataca chasquinguichicllami.

ROMANOS 10:3

Paicunaca Dios chasquisha nicucpipish mana entendishpami, quiquin ruhuashcahuan Dios chasquishca canata munarcacuna.

ROMANOS 14:19

Chaimanta shuctac criccunahuan cushilla causashpa, Jesusta criccunata sinchiyachishunchic.

FILIPENSES 3:13

Cuyashca criccuna, chayana cashcaman ña chayashcataca mana yuyanichu. Ashtahuanpish caillatami ruhuacuni: Utcaman ima shina cashcatapish cungarishpa, japina cashcata japingapacmi chutaricuc shina ricuni.

1 TIMOTEO 6:11

Ashtahuanpish canca Diospacta ruhuac cashcamantaca, tucui chai mana allicunamanta anchurishpa, cashcata ruhuashpa, Diosllata yuyarishpa, crishca yuyailla cuyaihuan mana piñariclla, shinallatac cuyac shunguhuan causanata munachunmi nini.

2 TIMOTEO 2:22

Huambracunapac yuyaita saquishpa, imapish cashcallata ruhuashpa, alli crishpa, tucui shungumanta Diosta mañaccunahuan tandarishpa, cuyaihuan apanacushpa sumacllata causangui.

HEBREOS 12:14

Tucuihuan cushi causaita mashcaichic, jucha illac causanata munaichic. Mana chashna causashpaca, pipish mana Apunchic Jesusta ricungachu.