ISAÍAS 50:5 - Dios Rimashcata Quillcashcami

⁵ Mandac Diosmi ñuca ringrita pascarca. Chaimantami huashaman mana cutirishpa, paita uyashpa cazurcani.

ISAÍAS 50:5 ပူးပေါင်းရင်းမြစ်များ

SALMOS 80:18

Chashna ruhuacpica, canmanta mana anchurishpa, can cushca causaihuanmi cambac shutita alabashun.

ISAÍAS 35:5

Pai shamucpica, mana ricuccunapac ñahuipish, mana uyaccunapac ringripish pascaringami.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

SAN MATEO 26:39

Jesusca ashata chainicman rishpa, pambacaman cumurishpa, Diosta mañashpaca: «Ñuca Taitalla, cai llaquita ñucamanta anchuchiyari. Shina cacpipish ama ñuca munashcata ruhuaichu, ashtahuanpish can munashcata ruhuai» nirca.

SAN JUAN 14:31

Ñuca Taitata cuyac cashcata, Taita mandashcata pactachicusha. Cai pachapi causaccuna yachachunca, chashnallatacmi cana can. Jatarichic, caimanta jacuchic— nirca.

SAN JUAN 15:10

Ima shinami ñuca Taita mandashcacunata pactachishpa, paipac cuyashca cani, chai shinallatacmi cancunatapish ñuca mandashcacunata pactachicpica cuyasha.

SAN JUAN 8:29

Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

HECHOS 26:19

Jatun mandac Agripalla, ñucaca jahua pachamanta muscuipi shina ricuchishcatami cazurcani.

DEUTERONOMIO 18:17

Shina mañacpica, Mandac Diosca: “Chashna mañashpaca allitami nishcanguichic.

FILIPENSES 2:8

Chashna aichayuc cashpapish Diosta cazuc cashcamantami, paillatac cruzpi chacatarishpa llaquita huañuchichunpish, mana misarishpa saquirca.

HEBREOS 5:8

Apunchic Jesucristoca Diospac Churi cashpapish, llaquita apashpami cazuna cashcata yachacurca.