ISAÍAS 50:1 - Dios Rimashcata Quillcashcami

¹ Mandac Diosca: «¿Maipitac cancunapac mama shina, Israel llactata shitashcata ricuchic quillcaca? Mana cashpaca, ¿pimantac debimanta caturcani? Riquichic, cancuna mana allita ruhuashcamantami catushca carcanguichic. Cancunallatac mana cazushcamantami cancunapac mama shina, llactaca millana tucushca.

ISAÍAS 50:1 ပူးပေါင်းရင်းမြစ်များ

1 REYES 21:25

Acab shinaca Mandac Diospac ñaupapi millaita ruhuacca pipish mana tiyarcachu. Paitaca paipac huarmimi millaita ruhuachicurca.

2 REYES 17:17

Paicunapac churicunatapish, ushicunatapish chai diosman cushpami ninapi rupachircacuna. Adivinocunapish, brujocunapish tucurcacunami. Mandac Diospac ñaupapica mana allita ruhuashpa causashpami, yallita paitaca piñachirca.

2 REYES 4:1

Dios ima nishcata huillacpuramanta shuc runapac churipac huarmimi Eliseotaca: —Canta servic ñuca cusaca huañushcami. Canta servic ñuca cusa Mandac Diosta servic cashcataca canllatac yachanguimi. Shina cacpipish, ñucanchicman cullquita mañachic runami, ñuca ishcai huahuacunata paita servic cachun apangapac shamushca— nirca.

NEHEMÍAS 5:5

Ñucanchic huauquicuna shinallatac cashpapish, ñucanchic huahuacunapish cancunapac huahuacuna shina cacpipish ñucanchic churicunata, ushicunatami catushca shina, servishpa causachun catushcanchic. Ñucanchic ushicunamanta maijancunaca ñami catushca shina servicun. Allpacunapish, uvas chagracunapish, ña shuccunapac cashcamantami ñucanchic ushicunataca cutin randishpa mana cutichimui pudinchic» nircacuna.

ESTER 7:4

Ñucatapish, ñuca llacta gentecunatapish huañuchishpa tucui tucuchichun catushcami canchic. Servic caricuna, huarmicuna cachun catushca cacpica, mana imata nishpa upallami caiman carcani. Ashtahuanpish tucui ñucanchicta huañuchicpica, can jatun mandacmanca yalli llaquimi canga— nirca.

SALMOS 44:12

Can acllashcacunataca ashalla cullquipipish, mana caturcanguichu. Paicunamantaca imatapish mana japishcanguichu.

ÉXODO 21:7

Maijan servichun ushita catucpica, chai ushica mana cari servic shinachu llucshina can.

ISAÍAS 1:28

Ashtahuanpish cariyashpa, mana cazuc juchasapacunataca tandachishpami tucuchisha. Mandac Dios ñucata cungariccunaca tucuimi tucuchishca canga.

ISAÍAS 27:8

Paicunataca mana yallita llaquichingachu. Inti llucshina ladomanta sinchi huairahuanmi caruman apanga.

ISAÍAS 43:27

Cancunapac punta taitapish juchata ruhuarcami. Cancunata yachachiccunapish, mana cazushpami ñucata piñachirca.

ISAÍAS 46:8

Mana cazuccunalla, chai ruhuashcata yuyarishpa pingaichicyari.

ISAÍAS 52:3

Mandac Diosca: «Cancunaca mana cullquimantachu catushca causarcanguichic. Chaimantami ñucapish ima cullquita mana cushpa, cancunataca quishpichigrini» ninmi.

ISAÍAS 54:6

Diosca cantaca cusa shitashca llaquilla causac, huambrarac huarmi cacpi, cusa shitashca huarmita shinatami cayashcami.

ISAÍAS 54:7

Asha ratollatami cantaca shitarcani. Shina cashpapish yallita llaquishpami, cutin pushamugrini.

ISAÍAS 58:1

Mandac Diosca: «¡Sinchita caparishpa huillaiyari! Trompetapi tocac shina mana manchashpa capariyari. ¡Ñuca acllashcacuna mana cazushcatapish, Jacobopac huahuacuna juchata ruhuashcatapish huillaiyari!

ISAÍAS 64:6

Tucui ñucanchicmi mapayashca runa shina canchic. Ñucanchic cashcata ruhuashcapish mapa llachapa shinami. Tucui ñucanchicmi chaquishca panga shina urmashcanchic. Ñucanchic mana allita ruhuashcallatacmi huaira shina aparca.

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

JEREMÍAS 3:8

Chai mana cazuc Israel huainayac shina juchallishcamantami raquirina cartata quillcashpa curcani. Shina ruhuacpipish, mana cazuc ñaña Judaca mana manchashpami, huainayac shina, juchallingapac rirca.

JEREMÍAS 4:18

Cancuna mana allita ruhuashpa causashcallatacmi cancunataca llaquichirca. ¡Chai jayac shina llaquimi shunguman chayashpa, yallita llaquichishca!» ninmi.

OSEAS 4:5

Punzha pachami llaquipi urmanguichic. Ñucamanta huillacpish cancunahuanmi llaquipi urmanga. Cancunapac mamapish chingaringami

LEVÍTICO 25:39

Cancunapuramanta maijanpish cancunahuan causacushpa, huaccha tucushpa, canman caturicpica, ama randishca servicta shina trabajachinguichu.

SAN MATEO 18:25

Pai cutichingapac cullquita mana charicpimi, chai mandacca huarmitapish, huahuacunatapish, tucui charishcacunatapish catuchun mandarca.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?