ISAÍAS 5:30 - Dios Rimashcata Quillcashcami

³⁰ Chai punzhapica mama cucha huacashpa jataric shinami, yallita caparinga. Shina caparinacucpi, chai llactata ricpica, manchana puyu tapashca jatun llaquimi ricuringa. Jahua pacha achicpish ricuringami.

ISAÍAS 5:30 ပူးပေါင်းရင်းမြစ်များ

ECLESIASTÉS 12:2

Chaimanta intipish, quillapish, lucerocunapish amarac amsayacpi, tamyashca quipa puyu mana achicyaricpi Diosta yuyaringui.

ISAÍAS 13:10

Jahua pacha lucerocunapish, tandanacushca lucerocunapish, quillapish mana achicyachingachu. Intipish llucshishcahuanmi amsayanga.

ISAÍAS 13:4

Urcucuna jahuapica achca gentecuna caparinacushca shina, jatun mandaccuna llactacunapi causaccuna tandanacushpa caparinacushca shinami uyarin. Tucuita Mandac Diosmi macanacungapac soldadocunata yupan.

ISAÍAS 17:12

¡Aij, mama cucha shina huaj nicuc tandanacushca gentecunalla! Achca yacu huaj nicuc shinami, shuc llactamanta runacunaca yallita caparishpa shamunga.

ISAÍAS 30:6

Neguevpi tiyac sacha animalcunata Dios llaquichinamanta huillashpaca: «Llaquihuan huacana pambata, leoncuna, millai culebracuna, alasyuc manchana culebracuna causana pambatami paicunapac charishcacunata, sumac valishcacunata burrocunapi, camellocunapi cargashpa, manapish ayudai pudic runacunaman cungapac apancuna.

ISAÍAS 59:9

Chaimantami cashcata ruhuashpa quishpichinapish ñucanchicmanta caruyashca. Allita ruhuanapish mana ñucanchicpacman cuchuyanchu. Achiclla punzhata shuyacucpica, pura tutami shamun. Achicta shuyacushpapish, tutapi shinami purinchic.

ISAÍAS 8:22

Shinallatac cai pachata urai ricushpapish mancharina purata, mancharina llaquillatami ricunga. Paicunaca maita mana llucshipac jutcupi shitashcami canga» nirca.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

JEREMÍAS 30:5

rimashpaca: «Paicuna yallita mancharishpa sinchita caparishcatami uyani. Cushi causaica mana tiyanchu. Yalli manchaillami tiyan.

JEREMÍAS 50:42

Babilonia llactapi causaccunalla, sinchi gentecunami arcohuanpish lanzahuanpish shamun. Paicunaca mana llaquishpami huañuchinga. Mama cucha yacu jatarishpa huacac nic shinami manchanayaita shamunga. Cancunahuan macanacungapac allichirishpami caballocunapi shamunga.

JEREMÍAS 6:23

Paicunaca flechacunahuan, lanzacunahuanmi shayaringa. Paicunaca mana llaquic, yalli millai gentecunami. Mama cucha manchanayaita jataric shinami, tulun nishpa shamun. Sión llactapi causaccunalla, cancunahuan macanacungapacca caballocunapimi shamun» ninmi.

LAMENTACIONES 3:2

Ñucatami luzmanta caruyachishpa, pura tutapi pusharca.

EZEQUIEL 26:3

Chaimantami Mandac Dios ñucaca: Tiro llactahuanca piñarishcami cani. Ñucami canta llaquichichun llactacunata cachagrini. Paicunaca mama cucha jatarishpa shamuc shinami tucuchinga.

JOEL 2:10

Paicunapac ñaupapica cai pachapish, jahua pachapish chucchungami. Intipish, quillapish purayangami, lucerocunapish mana ashtahuan achicyachingachu.

AMÓS 5:18

¡Aij, Mandac Dios shamuna punzhata shuyaccunalla! Pai shamuna punzhaca achic canapac randica tutami canga. ¿Imapactac Mandac Dios shamuna punzhata shuyanguichic?

AMÓS 8:9

Mandac Diosca: «Ñuca llaquichicui punzhapica, intica chaupi punzhami tigranga. Punzha pachami tutayanga.

SAN MATEO 24:29

Chai llaqui punzhacuna tiyashca quipaca, intipish amsayangami, quillapish mana achicyachingachu. Lucerocunapish urmangami. Jahua pachapi tiyac jatuncunapish chucchungami.

APOCALIPSIS 6:12

Suctaniqui sellota Pactalla Oveja pascacpica, allpami ima mundota chucchurca. Chaipica intipish yana churana shinami yana tucurca, quillapish pucayashpami yahuar shina tucurca.