ISAÍAS 5:21 - Dios Rimashcata Quillcashcami

²¹ ¡Aij, paicunapac yuyaipi “Alli yachaccunami canchic, alli yuyaiyucmi purinchic” niccunalla!

ISAÍAS 5:21 ပူးပေါင်းရင်းမြစ်များ

JOB 11:12

Sacha burro genteta huachacpimi, mana entendic runapish yuyaita japinman.

PROVERBIOS 26:12

¿Paipac yuyaillapi yuyaisapami cani niric runata ricushcanguichu? Chaipac randica, yuyai illac runamantami imallatapish shuyana can.

PROVERBIOS 26:16

Quilla runaca paipac shungupica alli yuyaita cuc canchis runacunatapish, yalli ashtahuan yachacmi cani yuyanmi.

PROVERBIOS 3:7

Ama canllatac yachaisapa cashcata yuyanguichu. Ashtahuanpish Mandac Diosta manchashpa, mana allimanta anchuringui.

ISAÍAS 10:13

Asiria llactata jatun mandacca: «Ñuca poderhuan, ñuca alli yuyaiyuc cashpami caitaca ruhuani. Ñucaca alli yachacmi cani. Cai tucui gentecunapac llactacunatapish, paicuna ima charishcacunatapish quichushpami, jatun mandaccunataca sinchi runacuna shina jahualla misharcani.

ISAÍAS 37:23

¿Pitatac camishpa rimarcangui? ¿Pitatac jatun tucushpa, llaquichishpa, ñahuita alzashpa rimarcangui? ¡Israelcunapac jucha illac Diostami chashna rimarcangui!

ISAÍAS 40:23

Paica jatun poderta chariccunataca yangallata ruhuan. Cai pachata mandaccunatapish yangapimi churan.

ISAÍAS 47:10

Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

SAN JUAN 9:41

Shina nicpimi Jesusca: —Ñahui mana ricuccuna cashpaca, manachari juchayuccuna canguichicman. Ashtahuanpish “ricushpami causacunchic” nishcamantacarin, juchayuccunami canguichic— nirca.

ROMANOS 1:22

Yallita yachac tucusha nishpapish, yuyai illaccunami tucushca.

ROMANOS 11:25

Cuyashca criccuna, cancuna ama jatun tucuchunmi, Dios manarac piman yachachishcata yachachun munani. Tucui mana israelcuna cringacamanmi, maijan israelcunaca sinchi shungu tucunga.

ROMANOS 12:16

Cancunapurapica shuc shinalla caichic. Ama jatun tucuichicchu, ashtahuanpish yangalla gentecunahuan tandanacuichic. Cancunapurapica ama yachac tucuichicchu.