ISAÍAS 5:17 - Dios Rimashcata Quillcashcami

¹⁷ Cari ovejacunatami paicuna michinapica michinga. Chayuccunapac pambacunapi pucushcataca huahua chivocunami micushpa tucuchinga.

ISAÍAS 5:17 ပူးပေါင်းရင်းမြစ်များ

NEHEMÍAS 9:37

Ñucanchic llactacunapi, yallita pucushca granocunapish, ñucanchic juchamantami, jatun mandaccunapac tucushca. Jatun mandaccuna cashcamantaca, ñucanchictapish, ñucanchic animalcunatapish, paicuna munashcata ruhuashpami charicun. Chaimantami ñucanchicca yalli llaquihuan causacunchic» nircacuna.

SALMOS 119:70

Paicunapac shunguca huira tapashca shinami rumi shungu tucurca. Ashtahuanpish ñucaca can mandashcacunahuanmi cushicuni.

SALMOS 17:10

Chaicunaca huira tapashca shungucunami. Jatun tucushpami imatapish rimancuna.

SALMOS 17:14

Paicunapac maquimantaca cambac maquihuan cacharichiyari. Mandac Dioslla, paicuna japinataca ñami cai pachapi charincuna. Paicunaca can cushcatami huicsa pactata micuncuna. Huahuacunamanpish yallitami charincuna. Quipa huahuacunamanpish puchunmi.

SALMOS 73:7

Ñahuicuna llucshirictami huirayancuna. Shungu yuyashcatami yalli millaita ruhuancuna.

ISAÍAS 1:7

Cancunapac llactaca shitashcami. Pueblocunapish rupachishcami. Pambacunapi pucushcacunatapish shuctac llacta gentecunami cancunapac ñaupallapitac micushca. Shuctac llacta gentecunami shitashca pambata saquishca.

ISAÍAS 10:16

Chaimantami tucuita Mandac Diosca sinchi soldadocunaman ungüita cachanga. Paicuna sumaimana cacpipish paicunapac chaupipi ninata japichicpimi, ninaca ucllaric shina tucuchinga.

ISAÍAS 17:2

Aroer llacta ladopi tiyac llactacunaca shitashcami. Animalcuna shayana pambami tucunga. Chaipi animalcuna sueñucucpica, pipish mana manchachingachu.

ISAÍAS 32:14

Mandashpa tiyana huasipish shitashcami canga. Llactapi causac achca gentecuna bullashcapish mana uyaringachu. Lomapish, chapana torrecunapish sacha burrocuna huiñaita causana, ovejacuna shayanami tucunga.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

ISAÍAS 7:25

Azadonhuan tarpuna lomacunapica cashacuna, cardos yuracuna junda cacpimi, manchashpa pipish mana yaicunga. Ashtahuanpish huagracuna, ovejacuna michina pambami canga— nirca.

JEREMÍAS 5:28

Chashnami huirayashpa puca ñahuicuna tucurca. Paicunaca yalli mana allitami ruhuarca. Taita mama illac huahuacunamanpish ima allita mana ruhuancunachu. Huacchacunata llaquichicucpipish, mana misancunachu.

LAMENTACIONES 5:2

Ñucanchic allpataca mana ricsishca gentecunami japishca. Huasicunataca shuctac llacta gentecunami charicun.

OSEAS 4:16

Israelcunaca quita vaquilla shinami mana cazun. ¿Cunanca Mandac Diosca malta ovejacunata shinachu, jatun pambapi michinga?

OSEAS 8:7

Paicunaca huairata tarpushpaca acapana huairatami cosechanga. Ima cosechanapish mana tiyangachu. Trigopish cutachingapac mana tiyangachu. Trigo pucucpipish, caru llacta runacunami micunga.

MIQUEAS 2:12

Jacobopac huahua huahuacunataca tucuimi tandachisha. Tucui saquirishca israelcunataca ovejacunata corralpi tandachic shina, shinallatac sumac quihuapi tandachic shinami tandachisha. Chaipica achca runacuna cashcamantami yallita bullanacucunga.

SOFONÍAS 2:14

Chaipica charina animalcuna, sacha animalcuna shayanami tucunga. Tutaca pucucuna, erizo animalcunami huasi pilarcunapi sueñunga. Ventanacunapica huacacungami. Cedro vigacunapish paquirishpami ricunalla siricunga.

SOFONÍAS 2:6

Mama cucha patapi tiyac llactaca michina pambacuna, oveja corralcunami tucunga.

SAN LUCAS 21:24

Maijantaca espadahuanmi huañuchinga. Maijantaca huatashpami, tucui llactacunaman prezu apanga. Dios llaquichichun saquishca punzhacuna pactangacamanmi, Jerusalenpi causaccunataca shuctac llactacunaca paicuna munashcata ruhuashpa llaquichinga.

DEUTERONOMIO 28:33

Cancunapac allpapi pucushcatapish, cancuna trabajashcatapish cancuna mana ricsishca gentecunami micunga. Cancunaca punzhanta llaquita servishpallami causanguichic.

DEUTERONOMIO 32:15

Jesurunca yallita huirayashpa, huira tapashpa cashpami paita ruhuac Mandac Diostaca mana cazurca. Quishpichic jatun Rumi shina Diostaca mana chasquircachu.