ISAÍAS 5:10 - Dios Rimashcata Quillcashcami

¹⁰ Quimsa hectaria uvas chagramantaca quimsa chunga canchis litro vinollatami llucchinga. Chunga quintal chaupi muyumantaca chaupi quintal granollatami japinga” nircami.

ISAÍAS 5:10 ပူးပေါင်းရင်းမြစ်များ

ÉXODO 37:22

Manzanacunapish, maquicunapish candeleropica shucllata ruhuashcami carca. Tucui chaicunataca martillohuan alli curita huactashpami ruhuarca.

ISAÍAS 32:13

Ñuca acllashcacunapac llactapica cashacuna, cardoscunami jundanga. Cushicuna huasi jahuacunapipish, cushicuna plazacunapipish chashnami canga.

ISAÍAS 7:23

Chai huatapica chunga shuc kilo yalli pezac cullqui valic huaranga uvas yuracunata tarpuna pambapica cashacuna, cardos yuracunami huiñanga.

JEREMÍAS 48:33

Moabitacunapac alli pucuc pambacunapi cushicushpa caparinaca tucuringami. Vinota ruhuana tanquecunapipish, vinoca mana tiyanchu. Cantashpa uvasta sarunapish tucuringami. Cushicushpa caparinaca ña mana tiyangachu.

JOEL 1:17

Muyucunaca allpallapitacmi chaquishca. Trillana pambacunapish shitashcami. Grano mana tiyashcamantami grano huacaichina ucucunapish mana tiyan.

LEVÍTICO 26:26

Cancunapac micunata ñuca chingachicpica, chunga huarmimi shuc hornollapi tandata cusanga. Shina cusashpaca, cancunamanca pezashpami raquinga. Shina raquicpica, cancuna micushpapish mana micushca shinallatacmi saquiringuichic.

LEVÍTICO 27:16

Maijanpish paipac allpamanta asha allpata Mandac Dios ñucapaclla cachun cucpica, chai allpa chunga almud cebada muyu yaicuipac cacpica, pichca chunga siclos cullquimi valin ningami.

HAGEO 1:6

Cancunaca achcata tarpushpapish, ashallatami japinguichic. Micushpapish mana sacsanguichicchu. Yacuta ubiashpapish, yacunayaita mana pasachinguichicchu. Churarishpapish, mana cunuringuichicchu. Cullquimanta trabajac runaca lliqui mochilapimi cullquita huacaichin.

HAGEO 2:16

¿Imatac tucurcanguichic? Maijan ishcai chunga quintal caipac montonman shamushpaca, chunga quintal-llatami tarirca. Pichca chunga puñu vino llucshic uvasta cutana pushtuman apashpaca, ishcai chunga puñullatami llucchirca.

DEUTERONOMIO 28:38

Cancunaca achca muyuta tarpushpapish langostacuna micucpimi, ashallata cosechanguichic.

DEUTERONOMIO 28:39

Uvasta tarpushpapish, jallmashpapish curucuna micucpimi, mana pallanguichic, shinallatac vinotapish mana ubianguichicchu.