ISAÍAS 49:8 - Dios Rimashcata Quillcashcami

⁸ Mandac Diosca: «Mañashcata uyana punzhami cantaca uyarcani. Quishpirina punzhami cantaca ayudarcani. Cai llactata cutin allichishpa, shitashca pambata cutin japichunmi cantaca huacaichishpa, israelcunahuan ari ninacusha.

ISAÍAS 49:8 ပူးပေါင်းရင်းမြစ်များ

2 SAMUEL 7:13

Paimi ñuca huasitaca shayachinga. Paimanca huiñaita mandanatami cusha.

SALMOS 2:8

Llactacunatapish cambac cachun mañailla, ñucaca cushallami. Cai pacha tucuricamanmi cambaclla canga.

SALMOS 69:13

Shina cacpipish Mandac Dioslla, can ñucata llaquina punzhapimi mañacuni. Dioslla, can yallita llaquic cashcamanta, ñuca mañashcata cutichiyari. Can cashcata nic cashcamanta quishpichiyari.

SALMOS 75:3

Allpa, chaipi causaccunandi chucchucpica, ñucallatacmi pilarcunata charisha» ninmi.

ISAÍAS 26:3

Mandac Dioslla, canta mana cungarishpa can yuyailla causaccunata cuidangui. Cushi causaita cunguiyari. Paicunata canpi shunguta churashpami causan.

ISAÍAS 27:3

Chai chagrataca Mandac Dios ñucami cuidashpa, yacutapish punzhanta churasha. Pipish ama yaicushpa dañachunmi punzhapish, tutapish cuidasha.

ISAÍAS 41:10

Ñucaca cancunahuanmi cani. Chaimanta ama manchaichicchu. Ñucaca cancunapac Diosmi cani. Chaimanta ama manchaichicchu. Ñucaca cashcata ruhuashpami cancunapac tucui causaipi ayudasha.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 42:6

«Mandac Dios ñucami cantaca cashcata ruhuachun cayashpa, maquimanta aisashpa cuidasha. Cantaca ñuca acllashcacunahuan ari nishcata ruhuachun, shuc llactapi causaccunapac luz shina cachun,

ISAÍAS 44:26

Ñucami ñucata serviccuna huillashcatapish, ñuca cachashca huillaccuna huillashcatapish pactachini. Ñucallatacmi Jerusalentaca: “Cambac llactacunapica cutinmi causangapac shamungacuna” nini. Judapi tiyac llactacunataca: “Cutinmi allita shayachishca canguichic. Tucui urmashpa siricushcatapish cutinmi shayachishpa allichisha” nini.

ISAÍAS 49:19

Cambac llactaca tucuchishca, chingachishca shitashca pamba cacpipish, cunanca achca gentecunami jundanga. Canta tucuchiccunaca carupimi canga.

ISAÍAS 51:16

Cancunapac shimipimi ñuca rimashcata churashpa, cancunataca maquihuan llanduc shina cuidani. Ñucami jahua pachatapish ruhuarcani. Cai pacha callari rumitapish ñucami churarcani. Shinallatac Sión llactapi causaccunataca: “Cancunaca ñuca acllashcacunami canguichic” ningui» nirca.

ISAÍAS 51:3

Mandac Dios ñucaca Sión llactapi causaccunata cushichishatacmi. Tucui llaquilla caccunatami cushichisha. Shitashca pambataca sumac sisa huerta shinata, chaquishca pambataca Mandac Dios ñucapac huertata shinatami ruhuasha. Chaipica yallita cushicushpami, ñucata alli nishpa cantangacuna.

ISAÍAS 54:3

Cambac huahua huahuacunaca alli ladomanpish, lluqui ladomanpish jundashpami, achca llactacunata japishpa, shitashca llactacunapipish causanga.

ISAÍAS 55:6

¡Mandac Diostaca tarinalla cacpi, mashcaichicyari! ¡Cancunapac ladopi cacpi, cayaichicyari!

ISAÍAS 57:13

¡Can mañacpica, ruhuashcalla dioscuna quishpichichun! Tucui chaicunatami huaira shamushpa apanga. Ashtahuanpish ñucapi miticurishpa causacca llactata japingami. Ñucapaclla urcupimi causanga.

ISAÍAS 58:12

Ñaupa huatamanta pacha rumi montón shina siricuc Jerusalentaca quipa huiñaicunami allichinga. Unaita tallirishca siricuc pircatami callari rumita cutin churashpa shayachingui. Chaita ruhuacpimi cancunataca: “Tallirishca huasicunata allichiccunami, ñancunata allichiccunami” ningacuna.

ISAÍAS 58:5

¿Shuc punzha ayunashpa llaquirichunchu acllarcani? ¿Carrizo shina cumurishpa, sharpa churanata churarishpa, uchupapi siririnachu cancunapac ayuno? ¿Cancunaca: “Chashna ayunashpami Mandac Diosta cushichinchic” ninguichicchari?

ISAÍAS 61:2

Mandac Dios quishpichina huata chayamucushcatapish, ñucanchic Dios llaquichina punzha chayamucushcata huillachunpish, shinallatac llaquilla causaccunata cushichichunpishmi cacharca.

ISAÍAS 61:4

Ñaupa huatacunapi tigrachishca pircacunatami cutinllatac allichinga. Tauca huatacunata tigrashpa, llaquinayaita siricuc huasicunatami cutin allichinga.

ISAÍAS 65:9

Jacobomantaca huahua huahuacunata mirachishami. Ñuca urcucunataca Judapac huahua huahuacunami japinga. Ñuca acllashcacunami llactataca paicuna causangapac japinga. Chaipica ñucata serviccunami causanga.

SAN MATEO 26:28

Caica, Dios cancunahuan mushuc ari nishca yahuarmi. Caimi achca runacunapac juchacunata perdonangapac jichana ñuca yahuarmi.

2 CORINTIOS 6:2

Dios quillcachishcapica: «Cancunata ayudana punzhapimi uyarcani. Quishpichina punzhapimi quishpichircani» ninmi. ¡Shina cashcamanta cunanmari Diosca ayudasha nicun! ¡Cunanmari Diosca quishpichisha nicun!

EFESIOS 1:6

Chashnaca Dios mai cuyashpa, paipac cuyashca Churimanta allicunata cushcamantami, ¡paitaca alli nicunalla canchic!

HEBREOS 12:24

Mushuc ari ninacuita pactachic Jesuspacman, pai ñucanchicmanta jichashca yahuarmanmi chayarcanguichic. Chai yahuarmi Abelpac yahuarta atishpa, Dios ruhuasha nishcata ashtahuan allita ricuchin.

HEBREOS 5:7

Apunchic Jesucristoca cai pachapi causacushpami, huañuimanta quishpichic Diosta caparishpa, huacashpa mañarca. Jesusca Diosta yallita cazushpami causarca. Chaimantami Diosca uyarca.

HEBREOS 8:6

Ashtahuanpish ñucanchic jatun mandac curaca, Apunchic Jesucristomi. Paica caishuc curacunata atishpami, ruhuangapac chasquishca. Paica tucuimanta yalli ari ninacuitami ruhuashca, chai ari ninacuimi yallita valin.