ISAÍAS 49:23 - Dios Rimashcata Quillcashcami

²³ Jatun mandaccunami cambac huiñachic taitacuna shina canga. Jatun mandac huarmicunami huiñachic mamacuna shina canga. Cantaca cumurishpami alabanga. Cambac chaqui allpata lambingacunami. Chashna ruhuacpimi, ñuca Mandac Dios cashcata yachangui. Shinallatac ñucata shuyaccunaca mana pingaichishcachu canga.

ISAÍAS 49:23 ပူးပေါင်းရင်းမြစ်များ

GÉNESIS 27:29

Achca gentecuna canta servichun, jatun llactacunapi causaccunapish cambac ñaupapi cumurichun. Canmi huauquicunataca mandangui. Cambac mamapac huahuacunapish cambac ñaupapimi cumuringa. Canta maldiciaccunataca maldiciashca cachun. Cutin canta bendiciaccunataca bendiciachun» nirca.

GÉNESIS 43:26

José huasiman chayamucpica, paicuna apamushca convidanacunata apamushpami, paipac ñaupapi pambacaman cumurirca.

SALMOS 138:4

Mandac Dioslla, can nishcacunata uyashcamantami cai pachapi causac tucui jatun mandaccunaca alli ningacuna.

SALMOS 25:3

Maijanpish canpi shunguta churaccunaca mana pingaichishcachu canga. Llullashpa cambac contra jatariccunami pingaichishca canga.

SALMOS 34:22

Ashtahuanpish paita serviccunapac almataca Mandac Diosmi quishpichinga. Tucui paipi shunguta churaccunaca mana llaquichishcachu canga.

SALMOS 68:31

Egipto llactata jatun mandaccunami shamungacuna. Etiopía llactapi causaccunaca paicunapac maquitami Mandac Diospac ladoman chutanga.

SALMOS 69:6

Tucuita Mandac Dioslla, canta yuyarishpa shuyaccuna ñucamanta ama pingaichishca cachun. Israelcunata Mandac Dioslla, canta mashcaccunaca ñucamanta ama llaqui tucuchun.

ÉXODO 6:7

Ñucapaclla acllashca llactata ruhuashpami, cancunapac Dios casha. Chaimantami Egiptopi sinchi trabajacushcamanta llucchic, shinallatac cancunata Mandac Dios cashcata yachac chayanguichic.

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 14:2

Shuctac llactapi causaccunami paicunataca Israel llactaman pushamunga. Chashna shamucpimi, israelcunaca caricunatapish, huarmicunatapish Mandac Diospac llactapi servicta ruhuanga. Chaipimi paicunata prezuccunatapish prezunga. Paicunata utcapi llaquichiccunatapish llaquichinga.

ISAÍAS 25:9

Chai punzhapi maijanca: «¡Riquichic, paimi ñucanchic Diosca! Paitami shuyarcanchic. Paimi ñucanchicta quishpichirca. ¡Paica Mandac Diostacmi! Paitami ñucanchicca shuyacunchic. ¡Pai quishpichishcamantaca yallitami cushicunchic!» ningami.

ISAÍAS 26:8

Mandac Dioslla, cantaca cashcata ruhuachunmi shuyarcanchic. Cambac shutita mana cungarishpa, causanatami ñucanchicca tucui shunguhuan munanchic.

ISAÍAS 29:22

Chaimantami Abrahamta quishpichic Mandac Dios Jacobopac huahua huahuacunataca: «Cunanca, Jacoboca mana ashtahuan pingaichishpa, ñahui pucayachishcachu canga.

ISAÍAS 41:20

Israelcunapac jucha illac Mandac Dios ñuca maquihuan ruhuacta tucui mashna ricushpa entendichunmi chashnaca ruhuasha» ninmi.

ISAÍAS 43:10

Cancunami ima tucushcata huillaccuna canguichic. Ñucata servic, ñuca acllashcacunami canguichic. Chaica, cancuna ñucata ricsishpa crichun, ñuca pi cashcata yachachunmi acllarcani. Ñucapac puntaca pi dios mana tiyarcachu, quipapish mana tiyangachu.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ISAÍAS 49:7

Israelcunata quishpichic, jucha illac Diosmi shuctac llactacuna mana ricunayachishpa millana servic gentecunata: «Mandac Dios ñuca cancunata acllashcamanta, pactachic, jucha illac Dios cashcamantami jatun mandaccunapish, shamushpa cancunapac ñaupapi cumuringa» ninmi.

ISAÍAS 50:7

Chaica, Mandac Dios ayudacpimi, ñucaca mana pingaichishca carcani. Chaimantami ñucaca ñahuita sinchi rumita shina ruhuashpa, llaquita aparcani. Ñuca mana pingaichishcachu casha.

ISAÍAS 52:15

Chashnallatacmi quipaman paita ricushpaca, tauca llactacuna yallita mancharinga. Jatun mandaccunapish paipac ñaupapi mana imatapish rimai pudishpami upalla saquiringa. Paicunaca jaicapi pi mana ricushcata, mana uyashcatami ricunga, shinallatac entendinga.

ISAÍAS 52:6

Chai punzhacunapimi ñuca acllashcacunaca ñuca shutita ricsinga. Chaipimi ñuca: “Ñucaca chaipimi casha” nishcata yachanga» ninmi.

ISAÍAS 60:14

Llaquichiccunapac churicunaca cambac ñaupaman shamushpami cumuringa. Tucui canta millanayachiccunami cambac chaqui ñaupapi cunguringa. Paicunami “Israelcunapac jucha illac Mandac Dios causana Sión llacta” ninga.

ISAÍAS 60:16

Shuc huahua lecheta chuchuc shinami, shuctac llactacunamanta imacunata chasquishpa causangui. Mama chuchuchic shinami, jatun mandaccunaca imatapish caranga. Shina ruhuacpimi, Mandac Diosca quishpichic cashcata, Jacobota sinchiyachic cashcata yachangui.

ISAÍAS 60:3

Shuctac llactacunapi causaccunapish, jatun mandaccunapish cambac achicyachic luzpimi puringa.

ISAÍAS 62:2

Chashna cacpimi, shuctac gentecunaca can cashcata ruhuac cashcata ricunga. Shinallatac jatun mandaccunaca can alli nishca cashcatami ricunga. Mandac Diosllatacmi cantaca mushuc shutita shutichinga.

ISAÍAS 64:4

Canta yuyarishpa shuyaccunaman ima ruhuashcataca jaicapi pipish mana uyashcachu, mana ricushcachu. Can shina shuctac Dios tiyashcataca pipish mana ricushcachu.

EZEQUIEL 37:6

Cancunapica angucunatapish, aichatapish churashpami jahuataca carahuan tapasha. Causaita cuc samaita churashpami, causaiyucta ruhuasha. Chaita ricushpami, ñucataca Mandac Dios cashcata yachanguichic” ninmi ningui— nirca.

JOEL 2:27

Shina ruhuacpimi, cancunaca ñucaca cancunapac chaupipi cashcata, ñucaca Mandac Dios cashcata, ñucapac randi shuctac dios mana tiyashcata yachac chayanguichic. Pai acllashcacunaca jaicapi mana pingaichishcachu canga.

MIQUEAS 7:17

Paicunaca culebra shina, llucashpa puric animalcuna shinami ñuto allpata micunga. Culebra mancharishpa jutcumanta llucshic shinami chucchunga. Mandac Diospacmanmi manchaihuan chucchushpa cutiringa. Can llaquichinatami manchanga.

NÚMEROS 11:12

Ñaupa taitacunaman cusha nishca llactaman chayangacamanmi chuchucuc huahuacunata shina apachun ningui. Ñucaca paicunapacca, ¿taita mamachu cani?

SAN MATEO 25:16

Chai pichca talento cullquita japicca chai cullquihuanca randishpa catushpami, pichca talento cullquihuan mirachirca.

ROMANOS 10:11

Dios quillcachishcapica: «Maijanpish paita cricca mana pingaichishcachu canga» ninmi.

ROMANOS 5:5

Diosca paipac Espirituta cachashpami, ñucanchic shungupi cuyaita churashca. Chaimantami mana yanga shuyacunchic.

ROMANOS 9:33

Chaitaca, Dios quillcachishcapica: «Sión pueblopimi shuc rumita churani. Chai rumipi mitcarishpami urmangacuna. Pipish chai rumipi shunguta churacca mana pingaichishcachu canga» ninmi.

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.