ISAÍAS 49:17 - Dios Rimashcata Quillcashcami

¹⁷ Canta cutin shayachiccunaca utcami shamunga. Tucuchiccunapish, canta shitashca pambata saquiccunapish llucshishpa callpangami.

ISAÍAS 49:17 ပူးပေါင်းရင်းမြစ်များ

ESDRAS 1:5

Chaimantami Judapac, Benjaminpac ñaupa taitacunapac huasi ucupuracunata mandaccunapish, curacunapish, levitacunapish Mandac Dios yuyaita cushcacunaca, Jerusalenman rishpa Diospac huasita shayachingapac allichirircacuna.

NEHEMÍAS 2:17

Chai quipami ñucaca: —Jerusalén shitashca pamba shina tucushcamanta, pungucunata rupachishcamanta ñucanchic yalli llaquilla cashcataca cancunallatac yachanguichicmi. ¡Chaimanta pipish ñucanchicta ama burlachunca, Jerusalén pircacunata allichingapac shamuichic!— nircani.

SALMOS 137:3

Chaipi prezushpa llaquichiccunaca cantachunmi mañaccuna carca. Ñucanchicta llaquichiccuna cushilla cachun mañashpaca: «Sión cantocunata ñucanchicman uyachichic» niccunami carca.

ISAÍAS 10:6

Ñucata mana manchac, ñucata piñachic llactata, ñuca piñashca gentecunata llaquichichunca paitami cachasha. Chashna cachacpimi, tucui charishcacunata quichushpa, ñanpi siric turuta shina sarunga.

ISAÍAS 37:18

Mandac Dioslla, Asiria llactata jatun mandacca shuctac llactacunatapish, allpacunatapish tucuchircami.

ISAÍAS 49:19

Cambac llactaca tucuchishca, chingachishca shitashca pamba cacpipish, cunanca achca gentecunami jundanga. Canta tucuchiccunaca carupimi canga.

ISAÍAS 51:13

¿Ñachu cancunatapish, jahua pachatapish ruhuac Mandac Diostaca cungarircangui? Cai pacha callari rumitapish ñucallatacmi churarcani. ¿Ima nishpatac cancunata llaquichiccuna yallita piñarishpa, tucuchingapac shayaricpica, punzhanta mancharicunguichic? ¿Maipitac cancunata yallita piñashpa llaquichicca?

ISAÍAS 60:4

Alzarishpa muyundita ricuiyari. Tucui paicunami tandanacushpa, cambacman shamunga. Cambac churicunaca carumantami shamunga. Cutin ushicunataca marcashpami apamunga.

ISAÍAS 62:5

Carihuan manarac chayarishca solterahuan, cunan huiñai moso cazarashca shinami, caipi causaccunapish, canhuan cazarashca shina causanga. Shuc cusa paipac huarmihuan cushicuc shinami, Diospish canhuan cushicunga.

EZEQUIEL 28:24

Mandac Diosca: Israelcunataca paicunapac muyundipi causaccunapish, piñaccunapish mana ashtahuan casha aspic shina, auja tucsic shina nanachingachu. Chaimantami ñucataca Mandac Dios cashcata yachangacuna.

EZEQUIEL 36:10

Israel llactapi causaccunataca yallitami mirachisha. Llactacunapipish achcami causanga, urmashca huasicunatapish cutinmi shayachinga.