ISAÍAS 49:10 - Dios Rimashcata Quillcashcami

¹⁰ Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 49:10 ပူးပေါင်းရင်းမြစ်များ

ISAÍAS 14:1

Mandac Diosca Jacobopac huahuacunata cutin llaquishpami, israelcunataca paipaclla cachun acllanga. Shina ruhuashpami, quiquin llactallamantac cutichimushpa samachinga. Shuc llactamanta shamushcacunapish Jacobopac huahuacunahuan tandanacungami.

ISAÍAS 25:4

Canca huacchacunapac jarcarinami cangui. Imata mana chariccuna llaquihuan cacpica, canmi jatun torre shina pacarcangui. Canca tamya huairamantaca pacarcanguimi. Inti rupachinamantaca llandurcanguimi. Mana llaquic runacunapac samai huaira shina shamushpapish patapi huactaric shinami tucun.

ISAÍAS 32:2

Chai jatun mandacca sinchi huairamanta, acapana huairamanta jarcac shinami canga. Chaquishca pambapi yacu llucshicuc shina, yallita rupai llandurina rumi shinami canga.

ISAÍAS 33:16

mana manchashpa causanga. Paita jarcac rumica jatun torrecunami canga. Paimanca micunapish, yacupish mana illangachu.

ISAÍAS 35:6

Suchupish taruga shinami saltanga. Mana rimai pudicpish sumactami cantanga. Shitashca pambapi allacpipish yacuca llucchingami. Chaquishca pambacunatami yacuca callpacunga.

ISAÍAS 35:7

Chaquishca rupacuc tiyupish yacu cuchami tucunga. Chaquishca allpacunataca yacumi callpacunga. Chacal animalcuna causanapica carrizocuna, totoracunami huiñanga.

ISAÍAS 4:6

Paimi punzha inti rupachinamantaca llandunga. Jatun tamya huairamantapish ucllac shinami pacanga.

ISAÍAS 40:11

Shuc michic shinami, paipac ovejacunataca michinga. Huahua ovejacunataca rigra jahuapimi apanga. Cunanlla huachashca ovejacunataca alli cuidashpami huiñachinga.

ISAÍAS 41:17

Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

ISAÍAS 43:19

Ñucaca cancuna mana ricushca mushuctami ruhuacuni Chaitaca ñallami ricuchisha. Chaitaca, ¿manachu ricunguichic? Cutinmi shitashca pambata ñanta pascashpa, chaquishca pambacunapica jatun yacucunata llucchisha.

ISAÍAS 48:17

Cancunata quishpichic, israelcunapac jucha illac, Mandac Diosca: «Ñucami cancunata Mandac Dios cani. Ñucami cancunapac allipac yachachini. Cancuna maita rina ñantapish ñucami ricuchishpa pushani.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

ISAÍAS 51:14

Utcami prezu caccunaca llucchishca canga. Mana huañungacaman prezu causangacunachu. Paicunamanca micunapish mana illangachu.

ISAÍAS 52:12

Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

ISAÍAS 54:10

Urcucuna cuyuricpipish, lomacuna chucchucpipish cantaca cuyacushallami. “Canman cushi causaita cushami” nishpa, ari nishcataca pactachishatacmi» ninmi. Chaitaca, canta llaquic Mandac Dios ñucami nini.

ISAÍAS 54:8

Ñucaca piñarishca cashpami, asha punzhacunata canta mana ricurcani. Shina cashpapish huiñai huiñaita llaquishpami cantaca cuyasha. Chaitaca canta quishpichic Mandac Dios ñucami nini.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

JEREMÍAS 31:9

Paicunaca huacashpami cutimunga. Ñucaca sumac yacu pugru pambata, maita mana mitcaripac sumac ñantami cushichishpa pushamusha. Ñucami israelcunapac taita cani. Efrainca ñuca punta churimi.

EZEQUIEL 34:23

Paicunata michichunca, ñucata servic Davidtami churasha. Paillami michinga.

JONÁS 4:8

Mandac Diosca inti llucshimucpimi, yallita rupac huairata cachashpa, Jonaspac umata yalli rupachirca. Shina rupachicpimi, huañunalla tucushpaca: —¡Causanapac randica huañuimi ñucamanca ashtahuan alli!— nirca.

MIQUEAS 7:14

Can acllashcacunataca cambac taunahuan michiyari. Paicunaca alli quihua tiyac urcupimi paicunalla causacun. Utca huatacunapi shina, Basán, Galaad urcu quihuacunaman pushaiyari.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN JUAN 6:35

Shina nicpimi Jesusca: —Ñucami huiñai causaita cuc tandaca cani. Maijanpish ñucapacman shamucca manatac yarcachingachu. Maijanpish ñucata cricca manatac yacunayachingachu.