ISAÍAS 49:1 - Dios Rimashcata Quillcashcami

¹ ¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

ISAÍAS 49:1 ပူးပေါင်းရင်းမြစ်များ

SALMOS 22:10

Manarac sajuarishpa ñuca mamapac huicsapi cashparacmi cambac maquipi mingashca carcani. Canca ñuca Diosmi cangui.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 24:15

Chaimantami inti llucshina ladopi causaccunapish, mama cucha patapi causaccunapish israelcunata Mandac Diosta jatunyachishpa, alli ningacuna.

ISAÍAS 33:13

Caru llactapi causaccunalla, ñuca ruhuashcata ricuichicyari. Cuchulla llactapi causaccunalla, ñuca poderta ricsichicyari» ninmi.

ISAÍAS 41:1

Mama cucha patapi causaccuna uyaichic. Tucui mashna sinchiyashpa, ñucapacman shamuichic. Ñucapacman cuchuyashpa rimaichic. Taripangapac caiman tandanacuichic.

ISAÍAS 42:12

Mandac Diosta sumaimanami cangui nichicyari. Mama cucha patacunapi huillashpa paita cushichichicyari.

ISAÍAS 44:2

Ñucaca cancunata ruhuac, mamapac huicsapi cacpirac huiñachic Mandac Diosmi cani. Ñucata servic Jacobopac huahuacunalla, ama manchaichicchu. Ñuca acllashca Jerusalenlla, ama manchaichu.

ISAÍAS 44:24

Mamapac huicsapi cacpirac cuidac, cancunata quishpichic Mandac Diosca: «Ñucami tucuita ruhuac Mandac Diosca cani. Ñucallami jahua pachatapish, cai pachatapish pañota tendic shina churarcani.

ISAÍAS 45:22

¡Tucui cai pachapi tiyac llactacunapi causaccuna ñucata catichicyari, quishpiringuichicmi! ¡Ñucami Diosca cani, ashtahuan shucca mana tiyanchu!

ISAÍAS 45:3

Chaipi sumac pacashcacunatapish, pi mana ricushca huacaichishcatapish canmanmi cusha. Israelcunata Mandac Diosca, ñuca cashcata yachachun, shinallatac canta shutipi cayashcata yachachunmi chashnaca ruhuasha.

ISAÍAS 46:3

Mandac Diosca: «Jacobopac huahua huahuacunalla, israelpuramanta maijan saquirishcacunalla uyaichicyari. Ñucami mamapac huicsapi cacpirac cuidashpa charini. Manarac huacharicpimi, marcac shina pushamurcani.

ISAÍAS 49:12

Riquichic, maijancunaca caru llactamantapish, jahua ladomantapish, inti tigrana ladomantapish, Sinim llactamantapishmi shamunga.

ISAÍAS 49:5

Mandac Diosca ñuca mamapac huicsamanta pachami paita servichun acllarca. Jacobopac huahua huahua israelcunata paipacman tandachimuchunmi acllarca. (Mandac Diospac ñaupapimi yallita alli nishca cani. Ñuca Diosmi sinchiyachin).

ISAÍAS 51:5

Ñami cashcata ruhuagrini. Quishpichina punzhaca ñami callarishca. Ñuca poderhuanmi alli ricushpa, tucui llactacunata mandasha. Mama cucha patapi tiyac llactapi causaccunapish ñuca mandachun, ñuca rigrahuan ayudachunmi shuyacun.

ISAÍAS 52:13

Riquichic, ñucata servic runaca jatunyachishcapish, alli nishcapishmi canga. Tucui pai ruhuashcaca allimi llucshinga.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

ISAÍAS 57:19

Carupi causaccunatapish, cuchullapi causaccunatapish rimashpaca: “¡Cushi causai tiyachun, cushi causai tiyachun, paicunataca alliyachisha!” Chaitaca Mandac Dios ñucami nini» ninmi.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 66:19

Ñucaca paicunapica shuc señaltami churasha. Chai quipami miticushpa quishpirishcacunataca shuc llactacunaman cachasha. Chashnami Tarsis llactaman, arcocunahuan macanacuc Fut, Lidia llactacunaman, Tubal, Grecia llactaman cachasha. Shinallatac ñucata mana uyac, ñuca poderta mana ricuc llactaman, mama cucha patacunapi tiyac caru llactacunamanmi cachasha. Paicunami ñuca poderyuc cashcataca shuctac llactacunapi huillanga.

ISAÍAS 7:14

Cunanca, Mandac Diosllatacmi shuc señalta ricuchigrin. Carihuan manarac chayarishca solterami huicsayuc tucushpa shuc cari huahuata charinga. Chai huahuataca Emanueltami shutichinga.

ISAÍAS 9:6

Shuc cari huahuami huacharishca. Shuc churitami ñucanchicman cushca. Mandanaca paipac maquipimi. Paipac shutica “Mancharina cunac”, “Imatapish ruhuac Dios”, “Huiñaita causac Taita”, “Cushi causaita cucmi” canga.

JEREMÍAS 1:5

«Cantaca mamapac huicsapi manarac tiyacpimi, ña ricsircani. Manarac huacharicpimi, ñucapaclla cachun chicanyachishpa, llactacunapi ñuca ima nishcata huillachun churarcani» nirca.

SOFONÍAS 2:11

Mandac Diosca paicunahuan yallita piñarishpa, cai pachapi tiyac dioscunataca tucui chingachishpami, yallita manchachinga. Tucui yacu patapi cac llactacunapi causaccunami paicuna maipi causashcallapitac cumuringa.

SAN LUCAS 1:15

Paica Diospac ñaupapica alli nishcami canga. Paica vinotapish, machachic yacutapish mana ubiangachu. Mamapac huicsamanta pachami, Diospac Espíritu junda canga.

SAN LUCAS 1:31

Canca huicsayuc tucushpami, shuc cari huahuata charingui. Chai huahuataca JESUSTAMI shutichingui.

SAN JUAN 10:36

Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

GÁLATAS 1:15

Shina cacpipish ñuca manarac huacharicpimi, Diosca ñucata mai cuyashpa, chicanyachishpa acllarca. Chashna acllashpaca, pai munashca pachami

EFESIOS 2:17

Sumac apanacuita cuc alli huillaita pai apamushpami, Diosmanta carupi causac cancunamanpish, Diosmanta cuchullapi causaccunamanpish yachachirca.

HEBREOS 12:25

Dios rimashcata uyaichic. Pacta mana uyashun ninguichicman. Cai pachapi Dios rimashcata mana uyashun niccunaca, tucuimi llaqui tucurca. Ñucanchiccarin jahua pachamanta rimacuctaca cazunatacmi canchic.

1 PEDRO 1:20

Diosca cai pachata manarac ruhuashpami, Cristotaca huañushpa gentecunata quishpichichun nishca. Shina cashpami, cai tucuri punzhacunapi cancunapac allipac quishpichingapac shamurca.