ISAÍAS 48:18 - Dios Rimashcata Quillcashcami

¹⁸ ¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

ISAÍAS 48:18 ပူးပေါင်းရင်းမြစ်များ

SALMOS 119:165

Can mandashcacunata cuyaccunaca yallita cushillami causancuna.

SALMOS 36:8

Cambac huasi ucupi tiyac micunatami huicsa pactata micungacuna. Cambac sumaccunataca yacuta ubiachic shinami cungui.

ISAÍAS 33:21

Chaipimi Mandac Diosca ñucanchicta sinchiyachinga. Chaipica tendirishpa, callpacuc yacu shinami canga. Chaitaca uchilla barcocunapish, jatun barcocunapish mana puringachu.

ISAÍAS 42:24

Jacobopac huahuacunataca, ¿pitac prezuchircayari? ¿Pitac israelcunataca shuhuaccunapac maquipi churarcayari? ¿Manachu Mandac Dios ñucanchic mana cazushcamanta llaquichicun? Pai mandashcacunata mana cazushpami, pai munashca shina mana causarca.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.

ISAÍAS 54:13

Cambac huahuacunataca Mandac Dios ñucami yachachisha. Cambac huahuacunaca ashtahuan cushi causaitami causanga.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

ISAÍAS 62:1

Sión llactata cuyashcamantaca mana upallachu casha. Jerusalenta cuyashcamantaca mana samarishachu. Cashcata ruhuana achicyachic inti shina ricuringacaman, quishpirina luzta japichishca shina, ricuringacamanmi chashna casha.

ISAÍAS 66:12

Chaimantami Mandac Diosca: «Riquichic, ñucaca paimanca cushi causaitami jatun yacuta shina churani. Llactapi causaccunamanca yacu tallirishpa shamuc shinami, ima charinacunata cusha. Paicunami cancunataca chuchuchinga. Rigrapi marcashpami apamunga. Changa jahuapi churashpami cuyachishca cangui.

OSEAS 10:12

Chaimanta cunanca, alli muyuta tarpuc shina cashcata ruhuaichic. Mandac Diospac cuyaitaca cosechac shina japichic. Cunan punzhacunaca Mandac Dios ñucata mashcana punzhacunami. Chaimanta allpata tarpungapac allichichic. Ñuca shamushpa cashcata ruhuanata yachachingacamanmi chashna allichirina canguichic.

AMÓS 5:24

Ashtahuanpish allita mandanaca yacu shina callpacuchun. Cashcata ruhuanaca mana tucuric callpacuc yacu shina cachun.

SAN MATEO 23:37

¡Jerusalén, Jerusalén! ¡Canmi Dios ima nishcata huillaccunata huañuchingui! Dios huillachun cachashcacunatapish rumihuanmi shitangui. Tauca cutinmi mama huallpa chuchicunata ucllac shina, tandachisha nircani. Chashna tandachisha nicucpipish, mana uyarcanguichu.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

DEUTERONOMIO 32:29

¡Yuyaisapa cashpaca entendinmanmi! ¡Ima tucugricushcata yachanmanmi!

DEUTERONOMIO 5:29

¡Paicunaca shungumanta manchashpa, tucui punzhacuna tucui ñuca mandashcacunata cazushpa causashpami alli canman! Shina ruhuashpami, paicunapish, paicunapac huahuacunapish tucui causaipi alli canga.