ISAÍAS 47:2 - Dios Rimashcata Quillcashcami

² Cutana rumita japishpa, harinata cutaiyari. Umata tapashca pañotapish anchuchiyari. Churanata llucchishpa, lluchu changa tucushpa, jatun yacuta pasaiyari.

ISAÍAS 47:2 ပူးပေါင်းရင်းမြစ်များ

GÉNESIS 24:65

Shina uricushpa chai servictaca: —¿Pitac chai pambata ñucanchicpacman shamucun?— nirca. Shina nicpimi, chai servicca: —Paimi ñuca amoca— nirca. Shina nicpimi, Rebecaca ñahuita pacana pañohuan ñahuita pacarca.

1 CRÓNICAS 19:4

Shina nicpimi, Hanunca Davidta serviccunata japishpa barbasta pitichishpa, churanacunatapish cinturamanta uraiman pitishpa cacharca.

JOB 31:10

ñuca huarmipish shuc carihuan cachunlla. Shuctac caricunapish paihuan chayarichunlla.

ÉXODO 11:5

Chashna pasacpica, Egipto llactapi tucui punta churicunami huañunga. Faraón tiyarinapi tiyac churimanta callarishpa, rumipi cutac huarmicunapac punta cari huahuacamanmi huañunga. Punta huacharishca animalcunapish huañungami.

ECLESIASTÉS 12:4

Ñanman llucshina pungucunapish huichcaringami. Cutana rumipish upallayashpami catinga. Zhutacuna cantashcata uyacpica, allilla cantashcami uyaringa.

ISAÍAS 20:4

Chashnami Asiria llactata jatun mandacca Egipto llactapi, Etiopía llactapi causac quipa huiñaicunatapish, yuyaccunatapish churana illac, lluchu chaquillata prezu apanga. Egiptopi causaccuna pingai tucuchunmi, lluchu siquillata apanga.

ISAÍAS 3:17

Chaimantami Mandac Diosca Sionpi causac huarmicunataca sisu ungüihuan lluchu umata ruhuashpa, accha illacta saquisha» ninmi.

ISAÍAS 3:23

espejocunatapish, sumac lino churanacunatapish, ñutunlla churarinacunatapish, umata huatana pañocunatapishmi anchuchinga.

ISAÍAS 32:11

Ima llaqui shamunata mana yuyarishpa causac huarmicunalla, manchaihuan chucchuichicyari. Sharpa churanata churarishpa llaquilla caichicyari.

JEREMÍAS 13:22

Cambac shungupica: “¿Imamantatac cai llaquicunaca japinyari?” ninguipishchari. Chaica, can yallita juchallishcamantami japirishpa, churanata llatanashpa, lluchu changata saquic shina ruhuarca.

JEREMÍAS 13:26

Ñucallatacmi cambac churanataca ñahuicaman llatanachishpa ricuchishpa pingaichisha.

JEREMÍAS 25:10

Paicunapurapica cushicushpa asinapish, cantanapish, cushicuihuan caparinapish, noviocuna, noviacuna cushicushpa cantanapish mana tiyangachu. Cutana rumi huacashcapish mana uyaringachu. Luzpish mana tiyangachu.

JEREMÍAS 27:7

Tucui llactacunami paita, paipac churita, paipac nietota servishpa causanga. Babilonia llactaman yalli llaqui huatacuna chayamungacamanmi chashna causanga. Quipaca Babiloniapi causaccunapish shuctac llactacunata jatun mandaccunatami servishpa causanga.

LAMENTACIONES 5:13

Mosocunataca cutana rumipi cutachunmi churarca. Huambracunaca yalli yantata aparishpami, chai yanta ucullapitac huañushca shina siricurca.

OSEAS 2:3

Pacta sajuarishca punzhapi ima shina lluchulla cashca shinallatac saquiman. Pacta shitashca pambata shina ruhuashpa yacunayaihuan huañuchiman.

MIQUEAS 1:11

¡Safir llactapi causaccunalla, pingaihuan ñaupashpa richicyari! Zaanán llactapi causaccunaca mana llucshincunachu. Bet-esel llactapi causaccunaca llaquihuan cashcamantami cancunataca mana ayudanga.

SAN MATEO 24:41

Ishcai huarmipish cutacungami. Paicunamantaca shucca pushashca, shucca saquishcami canga.

SAN LUCAS 17:35

Shinallatac ishcai huarmicunami cutacunga. Paicunamantaca shucca apashca, shucca saquishcami canga.

1 CORINTIOS 11:5

Huarmicuna umata mana tapallishpa, Diosta mañashpa, mana cashpaca Diosmanta huillacushpaca cusatami pingaichin. Umata mana tapallishca huarmica, acchata pitishca shinami.

JUECES 16:21

Filisteocuna paita japishpaca ñahuita surcushpami Gaza puebloman aparca. Chaipimi bronce cadenacunahuan huatashpa carcelpi tiyac molinopi cutachun churarca.