ISAÍAS 47:11 - Dios Rimashcata Quillcashcami

¹¹ Cantaca cungaillami jatun llaqui japinga. Chai llaqui maimanta shamuctaca mana yachanguichu. Shinallatac chai llaquimantaca mana llucshi pudinguichu. Can mana yachashca horas shamushpami chai llaquica yallita llaquichinga.

ISAÍAS 47:11 ပူးပေါင်းရင်းမြစ်များ

NEHEMÍAS 4:11

Cutin ñucanchicta piñaccunaca: «Paicuna ama pircata ruhuashpa catichunca, pacalla paicunapac chaupiman yaicushpa, huañuchishun» nircacuna.

SALMOS 35:8

Paicunata cungaimanta llaqui japishca cachun. Pacalla churashca tucllallapitac paicunallatac urmashpa, jatun llaqui tucuchun. Jatun llaqui tucushpa chingachishca cachun.

SALMOS 50:22

Ñucata cungarishpa causaccuna caita alli yuyarichic. Pacta cancunata tucui tucuchiman. Chashna tucuchicucpica pi mana quishpichingachu.

SALMOS 55:15

Cungailla huañui japichun, Seolman causac chayagrishca cachun. Paicunapac huasipipish, paicunapac chaupipish millaillatami ruhuancuna.

SALMOS 73:19

¡Cungaillami llaquica japinga! Yallita mancharishpami tucuringacuna.

PROVERBIOS 13:21

Juchayuccunataca llaquimi catiranga. Ashtahuanpish cashcata ruhuaccunaca imapish allicunatami japinga.

ISAÍAS 13:6

Mandac Dios llaquichina punzhami chayamun. Chaimanta caparishpa huacaichicyari. Paica tucui poderhuanmi llaquinayaita tucuchingapac shamun.

ISAÍAS 29:5

Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.

ISAÍAS 30:13

Chaimantami cancunapac juchaca jatun pirca chictarishpa urmac shina, jatun pirca chaupirishpa, cungailla urmashpa cancunata ñitinga.

ISAÍAS 37:36

Chai tutallatacmi Mandac Diospac angelca asiriocunapac carpacunaman rishpa, patsac pusac chunga pichca huaranga soldadota huañuchirca. Cayandi tutamanta jatarishpaca, tucui huañushpa siricuctami ricurca.

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

ISAÍAS 47:9

Shina yuyacucpipish, cai ishcai llaquicunami cungailla japinga. Yachac cacpipish, brujeriata ruhuacucpipish, chai llaquicunaca japingami. Chai punzhallapitacmi viudapish, cusa illacpish saquiringui.

ISAÍAS 48:8

Caicunata manarac uyashpa, manarac ricsishpami causarcanguichic. Cancunapac ringrica mana alli uyacchu carca. Ñucaca cancuna mana cazugricushcataca yacharcanimi. Chaimantami mamapac huicsapi cacpirac “mana cazuccunami canguichic” nircani.

ISAÍAS 57:1

Cashcata ruhuac runa huañucpica, pipish mana yuyarinchu. Llaquic runa chingaricpica, pipish mana entendinchu. Chashna huañushpa llaquimanta anchuchishcataca pi mana yuyarinchu.

JEREMÍAS 51:29

Mandac Diosca Babilonia llactata tucuchishpa pipish mana causana shitashca pambata ruhuangapac yuyarishcataca pactachigrinmi. Chaimantami cai pachaca cuyurishpa chucchunga.

JEREMÍAS 51:43

Tucui chai llactacunaca chaquishca, shitashca pambami saquirishca. Chaipica pipish mana causangachu. Pipish chaita mana pasangachu.

JEREMÍAS 51:8

Babilonia llactaca cungaillami urmashpa ñuturirca. Paimanta huacaichicyari, Pai nanaita pasachichunca bálsamo jambita churaichicyari. Chashna ruhuacpica, alliyangapishchari» ninimi.

LAMENTACIONES 1:21

Ñuca llaquihuan caparishcata gentecuna uyashpapish, pi mana cushichircachu. Can ñucata llaquichishcata ñucata piñaccuna uyashpaca yallitami cushicurca. ¡Paicunapish ñuca llaquita apacuc shina, llaquita apachun, huillashca shina llaqui punzhacunata cachaiyari!

EZEQUIEL 7:26

Jatun llaquicunaca catipi, catipimi shamunga. Llaqui huillaccunapish catipi catipimi uyaringa. Ñuca ima nishcata huillactapish yangami mashcanga. Curacunapish mandashcacunata ña mana yachachingachu. Pushac yuyaccunapish mana cunangachu.

SAN MATEO 18:34

Chashna piñarishpami, tucui debishcata cutichingacaman carcelpi llaquita apachun churachirca— nirca.

SAN LUCAS 12:59

Chaimantaca tucui cullquita cungacaman mana llucshinguichu. Chaica chashnatacmi canga» nirca.

SAN LUCAS 17:27

Noé jatun barcoman yaicuna punzhacamanca, gentecunaca micushpa, ubiashpa, cazarashpa, cazarachishpami causacurca. Chashna causacucpimi, yacu juizhu shamushpa, tucuita tucuchirca.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

APOCALIPSIS 3:3

Callaripi ima shina yachacushcata, uyashcata cazushpa, Diosman cutirishpa catirai. Can mana chashna ruhuacpica can mana yuyashca horasmi shuhua shina cambacman shamusha.