ISAÍAS 47:10 - Dios Rimashcata Quillcashcami

¹⁰ Canca: “Ñucataca pipish mana ricucunchu” yuyashpami, jatun mana allicunata ruhuana yuyailla causarcangui. Can yachacushcallatac, cambac alli yuyaicunallatacmi cantaca pandachirca. Cambac shungupica: “Ñucallami cani, ñucamanta ashtahuan shucca mana tiyanchu” yuyarcanguimi.

ISAÍAS 47:10 ပူးပေါင်းရင်းမြစ်များ

SALMOS 10:11

Paipac shungupica: «Diosca cungarishcami. Paipac ñahuica tapashcami. Jaicapi manatac ricungachu» nishpami yuyan.

SALMOS 52:7

«¡Riquichic, chai runaca Diosta paipac jatun pirca shina jarcac cachunca mana chasquircachu! ¡Ashtahuanpish paipac charishcacunallapi shunguta churashpami, mana allicunallata ruhuashpa causarca!» ningacuna.

SALMOS 64:5

Mana allita ruhuangapacmi paicunapura cushichinacuncuna. Chashna cushichinacushpa, pacalla tucllata churashpaca: «¿Pitac caitaca ricungayari?» nincuna.

ECLESIASTÉS 8:8

Runaman causaita cuc samai ama llucshichunca pi mana jarcai pudinchu. Shinallatac huañuna punzhata jarcacpish mana tiyanchu. Huañuimantaca ima macanacunahuanpish mana quishpiri pudinchu. Diosta mana manchac runatapish, pai ruhuashca juchaca mana quishpichingachu.

ISAÍAS 28:15

Cancunaca: «Ñucanchicca huañuihuanpish, Seolhuanpish ari ninacurcanchicmi. Ñucanchictaca llullami miticuna huasi shina jarcacun. Chaimanta yacu jataric shina, shamushpapish ñucanchictaca mana llaquichingachu. Llullana huasipimi miticushun» nircanguichic.

ISAÍAS 29:15

¡Aij, paicuna yuyarishcata ruhuangapac Mandac Diosmanta miticuccunalla! Paicunaca: «¿Ñucanchictaca pitac ricucun? ¿Pitac yachan?» nishpami, amsa tutapi imatapish ruhuancuna.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 47:8

Sumac churanata churarishca, ima llaqui japinata mana yuyarishpa causac huarmilla, cunanca caita alli uyai. Canca cambac shungupica: “Ñucallami mandac cani, shuctac mandacca mana tiyanchu. Viudapish, huahuacuna illacpish mana tucushachu” yuyarcanguimi.

ISAÍAS 5:21

¡Aij, paicunapac yuyaipi “Alli yachaccunami canchic, alli yuyaiyucmi purinchic” niccunalla!

ISAÍAS 59:4

Cashcata ruhuachun caparishpa mañacca pipish mana tiyanchu. Pipish mana cashcata ruhuangapac juezpacman rinchu. Ashtahuanpish yanga juchanchishpa, rimangapacllami rin. Millaita huicsayuc shina tucushpaca, imatapish mana allitami sajuarin.

JEREMÍAS 23:24

¿Maijanpish ñuca ñaupamantaca miticui pudingachu? ¿Manachu ñucaca tucui jahua pachapipish, tucui cai pachapipish cani?

JEREMÍAS 9:23

Mandac Diosca: «Yachac runapish, pai yachashcamantaca ama allimi cani nichun. Sinchi runapish, sinchi cashcamanta ama allimi cani nichun. Chayuc runapish, chayuc cashcamantaca ama jatun tucuchun.

EZEQUIEL 8:12

Chaipimi ñucataca: «Huañunalla runa, ¿israelcunata pushac yuyaccuna tuta imata ruhuacucta ricunguichu? Tucui paicunami huasi ucupi imamanpish riccha dioscunata pintashca. Paicunaca: “Mandac Diosca ñucanchicmanta anchurishcami, mana ricucunchu” nincunami» nirca.

EZEQUIEL 9:9

Shina mañacpimi paica: «Israelcunapish, Judá llactapi causaccunapish yallitami millaita ruhuashcacuna. Cai llactapica huañuchiccunami yalli tiyan, cai pueblopi causaccunaca millaita ruhuana yuyaillami. Paicunaca: “Mandac Diosca ñucanchicmanta anchurishcami, paica mana ricucunchu” nincunami.

DANIEL 4:27

Chaimanta jatun mandaclla, ñuca cunashcata uyaiyari. Cashcata ruhuashpa, juchamanta llucshiyari. Huacchacunata llaquishpa, millaita ruhuanamanta anchuriyari. Chashna cushilla causanguipishchari.

SOFONÍAS 2:15

Riquichic, chai llactapica imata mana manchashpa cushicushpami causarca. Chaimantami chaipi causacca: “Ñucallami cani, pipish mana tiyanchu” nicmi carca. ¡Cunanca ima shinami shitashca saquirishca, sacha animalcuna causanami tucushca! Tucui chaita pasaccunaca maquita huactashpami burlashpa asinga.

ROMANOS 1:22

Yallita yachac tucusha nishpapish, yuyai illaccunami tucushca.

1 CORINTIOS 3:19

Cai pacha gentecuna yachashcallaca, Diospac ñaupapica imata mana yachashca shinami. Dios quillcachishcapica: “Diosca chai jatun yachaccunataca, paicunapac yachashcallahuantacmi tucllapi shina urmachin” ninmi.