ISAÍAS 46:7 - Dios Rimashcata Quillcashcami

⁷ Chai diostaca huandushpami shuc pushtupi churan. Chaimantaca mana cuyurinchu. Maijan ima llaquimanta quishpichichun mañacpipish, mana quishpichinchu.

ISAÍAS 46:7 ပူးပေါင်းရင်းမြစ်များ

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

1 REYES 18:29

Paicunaca chaupi punzha quipapish chishiyangacamanmi yuyaita chingachishca shina caparishpa catircacuna. Chaicamanca ñami animalta cushpa huañuchina horas tucurca. Chashna caparicucpipish, pi rimashcapish mana uyarircachu. Mañashcata pi cutichicpish mana tiyarcachu.

1 REYES 18:40

Chaimantami Eliasca: «¡Baal diosmanta huillaccunata shucllapish ama miticuchun, tucui japichi!» nirca. Shina nicpimi, tucui japircacuna. Shina japicpica, Cisón huaicuman apashpami, chai huillaccunataca cungata pitishpa huañuchirca.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

ISAÍAS 40:20

Huaccha runa ofrendata cungapacca, mana polillac caspitachu mashcan. Chai quipaca imamanpish ricchata ruhuachunmi, alli yachac runata mashcashpa, mana cuyuric diosta ruhuachin.

ISAÍAS 41:28

Ñuca ricucpica, pipish mana ricurircachu. Ñucaca tucui chaicunatami tapurcani. Chaita tapucpi, ima yuyaita cucca pipish mana tiyarcachu. Paicunata tapucpica, shuc rimaillatapish mana rimarcachu.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

ISAÍAS 41:7

Caspita llacllacca cullquimanta imatapish ruhuactami cushichin. Martillohuan huactashpa, llambucllata ruhuacca yunquepi fierrocunata huactactami: «¡Cai fierroca allimi llucshishca!» nishpa cushichin. Chai quipaca clavocunahuan clavashpami yanga dioscunata alli shayachin.

ISAÍAS 44:12

Fierreroca fierrota rupachishpa, tenazata japishpa, paipac fuerzahuanmi sumacta ruhuan. Chai quipaca yarcachishpa, shaicushpa, yacuta mana ubiashpaca, imata mana ruhuai pudinchu.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 46:1

¡Bel diosca urmashcami! ¡Nebo diospish urmashcami! Chai dioscunataca cargana animalcunamanmi apachirca. Chai dioscunata apashpami animalcunaca shaicushca.

ISAÍAS 47:15

Can huambramanta pachami yachaccunahuan apanacushpa, randishpa, catushpami causarcangui. Tucui paicunami quiquin ñanta japishpa ringa. Cantaca pipish mana quishpichi pudingachu» ninmi.

JEREMÍAS 10:5

Pepino chagra chaupipi volac animalcunata manchachichun churashca shinami, mana rimarishpa shayacun. Mana puri pudicpimi, huandushpa apan. Chaicunaca ima allitapish, ima mana allitapish mana ruhuai pudinchu. Chaimanta ama manchaichicchu» ninmi.

JEREMÍAS 11:12

Judá llactacunapi causaccunapish, Jerusalenpi causaccunapish paicuna inciensota cushnichishpa adorana dioscunata caparishpa mañangapac ringacunami. Chai dioscunaca paicuna llaqui punzhapi cacpica, mana quishpichi pudingachu.

JEREMÍAS 2:28

Judá llactapi causaccunalla, cancunaca achca dioscunatami charinguichic. ¿Chai dioscunaca maipitacyari? ¡Llaqui punzhacunapi, quishpichingapac jatarichun!

DANIEL 3:1

Jatun mandac Nabucodonosormi curimanta shuc runaman ricchata ruhuarca. Chaica altomanca ishcai chunga canchis metro, anchomanca ishcai metro, canchis chunga centimetromi carca. Chai runaman ricchataca Babilonia llacta Dura pambapimi shayarirca.

JONÁS 1:5

Chaimantami barcota purichiccunaca yallita mancharishpa, paicunapac diosta caparishpa, mañarca. Shinallatac barco pangalla tucuchunmi, cargacunataca yacupi shitarca. Ashtahuanpish Jonasca chai barco ucuman yaicushpami, yallita sueñucurca.

1 CORINTIOS 12:2

Cancuna manarac cric cashpaca, mana rimaric ruhuashcalla dioscuna umashcami carcanguichic. Chaitaca cancunallatac yachanguichicmi.

1 SAMUEL 5:3

Asdod pueblopi causaccuna cayandi tutamanta jatarishpaca Dagón diosca Mandac Diospac Arca ñaupapi urai singa urmashpa siricushcatami ricurca. Chaimantaca tucuilla jatarichishpami, pai tiyacushca pushtullapitac cutin churarca.