ISAÍAS 46:6 - Dios Rimashcata Quillcashcami

⁶ Curita mochilamanta llucchishpami cullquita balanzapi pezan. Chai quipaca cullquimanta imata ruhuac runaman cushpami, shuc diosta ruhuachin. ¡Chai diospac ñaupapi cumurishpami adoran!

ISAÍAS 46:6 ပူးပေါင်းရင်းမြစ်များ

1 REYES 12:28

Chashna yuyarishcata shuccunaman parlacpi, paicuna alli nicpimi, jatun mandac Jeroboamca curimanta ishcai becicunata ruhuashpa israelcunataca: «¡Cancuna, Jerusalenman huichai rinaca mana allichu! ¡Cancunapac dioscunaca caipimi! ¡Paicunami cancunataca Egiptomanta llucchimurca!» nirca.

SALMOS 115:7

Maquita charishpapish mana maquita cunchu. Chaquita charishpapish mana purinchu. Cungata charishpapish imata mana rimarinchu.

ÉXODO 32:8

Paicunaca ñuca mandashca ñanmanta caruyashpami, shuc curi becita ruhuashpa alli nishpa, animalta cushpa rupachishpaca: “¡Caimi, israelcunata Egipto llactamanta llucchic diosca!” nishcacuna.

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

ISAÍAS 30:22

Cullquimanta ruhuashca cancuna ruhuashcalla dioscunata, jahuata curihuan llutashpa ruhuashca dioscunatapish millaichic. Chaicunataca millana mapa llachapata shina: «¡Caimanta llucshi!» nishpa, caruta shitaichic.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

JEREMÍAS 10:14

Tucui gentecunami yuyai illac, imata mana yachaccuna. Cullquita yacuyachishpa ruhuashca dioscunaca yanga llullallami. Chaicunapica samaipish mana tiyanchu. Chaimantami cullquita yacuyachishpa, yanga dioscunata ruhuac runacunaca pingai tucushca.

JEREMÍAS 10:9

Paicunaca Tarsis llactamantaca cutashca cullquita, Ufaz llactamantaca curitami apamun. Shina apamucpimi, cullquita yacuyachic runaca allichishpa shuc diosta ruhuan. Chashna ruhuashpa, azul, yana, puca churanata churachin. Tucui chaicunaca yachac runacuna ruhuashcallami.

JEREMÍAS 50:38

Yacucunata chaquichicpimi, yacuca mana tiyanga. Chai llactapi ruhuashca dioscuna yalli tiyashcamantami chashnaca tucunga. Chaipi yalli yanga dioscuna tiyacpimi, chaipi causaccunaca yuyaita chingachinga.

DANIEL 3:1

Jatun mandac Nabucodonosormi curimanta shuc runaman ricchata ruhuarca. Chaica altomanca ishcai chunga canchis metro, anchomanca ishcai metro, canchis chunga centimetromi carca. Chai runaman ricchataca Babilonia llacta Dura pambapimi shayarirca.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

HECHOS 17:29

Diospac huahuacunatac cashpaca mana: “Diosca curimanta, cullquimanta, rumimanta ruhuashcami” nishpa, yuyanachu canchic. Chaica gentecunapac yuyaillami.