ISAÍAS 46:3 - Dios Rimashcata Quillcashcami

³ Mandac Diosca: «Jacobopac huahua huahuacunalla, israelpuramanta maijan saquirishcacunalla uyaichicyari. Ñucami mamapac huicsapi cacpirac cuidashpa charini. Manarac huacharicpimi, marcac shina pushamurcani.

ISAÍAS 46:3 ပူးပေါင်းရင်းမြစ်များ

SALMOS 28:9

Mandac Dioslla, can acllashcacunata quishpichiyari. Cambaclla gentecunataca bendiciaiyari. Paicunataca huiñaita michishpa, cuidashpa pushaiyari.

SALMOS 71:6

Ñucataca mamapac huicsapi cacpiracmi cambac maquipi charircangui. Ñuca mamapac huicsamantapish canmi llucchircangui. Chaimantami canllata alabasha.

ÉXODO 19:4

“Cunanmi Egipto runacunata ñuca imata ruhuashcatapish, chaimanta cancunata jatun angapac alaspi churac shina, pushamushcatapish ricunguichic.

ISAÍAS 1:9

Mandac Dios ñucanchicta ashallatapish mana saquishca cacpica, Sodoma, Gomorra shinami, chingarinchicman carca.

ISAÍAS 10:20

Chai punzhacunapica israelpuramanta, Jacobopac huasi ucupuramanta puchushcacunaca ña mana ashtahuan paicunata llaquichiccuna parte tucungachu. Ashtahuanpish israelcunata Mandac jucha illac Diosllatami tucui shunguhuan yuyarishpa causanga.

ISAÍAS 10:21

Jacobopac huahua huahuapuramanta saquirishcacunaca jatun poderyuc Diospacmanmi cutiringa.

ISAÍAS 10:22

Israelcunaca, mama cucha patapi tiyac tiyu shina achca cashpapish maijancunallami cutiringa. Mandac Diosca paicunata llaquichinata yuyarishcami. Cashcata ruhuashpami llaquichinga.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 37:4

Asiria llactata jatun mandac quipa mandacta Mandac Diosta camishpa rimarishcata uyashpa, llaquichishca cashpachari alli canman. Chaimanta cunanca, caipi maijan saquirishcacunamanta Mandac Diosta mañaiyari” ninmi— nirca.

ISAÍAS 4:3

Shinallatac Sionpi, Jerusalenpi saquirishcacunaca Diospaclla chicanyachishca nishcami canga. Jerusalenpi saquirishcacunapac shutita quillcashcami canga.

ISAÍAS 44:21

Mandac Diosca: «Jacobopac huahua huahuacunalla, israelcunalla, cancunaca ñucata serviccunami canguichic. Chaitaca alli yuyarichicyari. Israelcunalla, cancunataca ñucami ruhuarcani. Ñucata serviccunami canguichic. Ñucata ama cungarichicchu.

ISAÍAS 46:12

Cashcata ruhuanata mana munac, sinchi shungucuna uyaichicyari.

ISAÍAS 48:1

Israel shuti, Jacobopac huahuacuna, caita uyaichic. Cancunaca Judapac huahua huahuacunami canguichic. Mandac Diospac shutipi ari nishpapish, israelcunapac Diosta mañashpapish mana ciertota yuyaringuichicchu. Ashtahuanpish jahua shungullami canguichic.

ISAÍAS 51:1

Mandac Diosca: «Cashcata ruhuanata munaccunapish, ñucata mashcaccunapish uyaichicyari. Jatun rumimanta anchurishcacuna chai jatun rumita ricuichicyari. Cancuna llucchishca jatun rumita ricuichicyari.

ISAÍAS 51:7

Cashcata ruhuanata yachaccunapish, ñuca mandashcata shungupi chariccunapish uyaichicyari. Shuccuna pingaichinata ama manchaichicchu. Paicuna mana alli nishpa rimacpipish, ama irquiyaichicchu.

ISAÍAS 63:9

Paicuna llaquilla japicpica, paipish llaquillami tucurca. Paica, mana paipac angelta cachashpachu quishpichirca. Ashtahuanpish pai llaquishcamanta, yallita cuyashcamantami quishpichishpa pushamurca. Chashnami sarun huatacunapi shina, tucui punzhacunapi jatarichishpa pushamurca.

DEUTERONOMIO 1:31

Shitashca pambapi imata ruhuashcatapish ricurcanguichicmi. Ñucanchicta Mandac Diosca shuc taita churita maquimanta aisashpa shamuc shinami, cancunataca tucui ñanpi cuidashpa, caicaman apamurca” nircani.