ISAÍAS 46:13 - Dios Rimashcata Quillcashcami

¹³ Cashcata ruhuanaca mana carupichu. Mana caruyangachu. Ñuca quishpichinaca mana unayangachu. Sión llactapimi quishpirinataca churasha. Ñucaca Israel llactapica sumaimana nishcami casha” nini» nirca.

ISAÍAS 46:13 ပူးပေါင်းရင်းမြစ်များ

SALMOS 14:7

¡Israelcunata quishpichicca Sionmanta shamushpachari alli canman! Mandac Diosca, pai acllashca israelcunapuramanta prezu apashcacunata cutichimushpami alli canman. Chaipica Jacobopac tucui huahua huahua israelcunami cushicunga.

SALMOS 46:1

Diosca muyundita jatun pircashca shina ñucanchicta cuidashpa huacaichicmi. Shinallatac llaquihuan cacpipish, utca ayudacmi.

SALMOS 46:5

Diosmi chai pueblo chaupipi tiyacun. Chai pueblotaca pi mana cuyuchingachu. Tutamanta achicyanataca Diosmi ayudanga.

SALMOS 85:10

Cuyaihuan, cashcata ninahuanmi tupanacurca. Cashcata ruhuanahuan, cushi causaihuan muchanacurca.

SALMOS 85:9

Ñallami paita manchaccunata quishpichinga. Chashna ruhuacpica, ñucanchic llactapimi sumaimana Diosca ñucanchic-huan causanga.

ISAÍAS 12:2

¡Mandac Diosca ñucata quishpichicmi! ¡Ñucata sinchiyachic, ñuca cantana, ñucata quishpichic Diosmi! Chaimanta paipi shunguta churashpaca imatapish mana manchashachu» ningui.

ISAÍAS 28:16

Chaimantami Mandac Diosca: «Riquichic, ñucaca Sión llactapimi huasita ruhuashpa callaripi churana acllashca sumac sinchi rumita shina churarcani. Chai rumita cricca mana manchashpa callpangachu.

ISAÍAS 43:7

Ñuca shutipi cayashcacunataca tucuita cachaichic. Paicunataca sumaimana cachunmi ruhuarcani» ninmi.

ISAÍAS 44:23

Mandac Diosmi jahua pachataca ruhuarca. Chaimanta sumac cantocunahuan cantaichicyari. Cai pacha ucucunapipish cushicuihuan caparichicyari. Lomacunapish caparishpa alabaichicyari. Sachacunapish, chaipi tiyac yuracunapish alabaichicyari. Mandac Diosmi Jacobopac huahua huahuacunataca quishpichirca. Chaimantami israelcunapish sumacmari cangui ningacuna.

ISAÍAS 45:8

Jahua pacha, jahuamanta tamyata cachac shina, cashcata ruhuana yuyaita cachaiyari. Puyupish tamyata cachac shina, cashcata ruhuana yuyaita cachaiyari. Allpapish quishpirina tiyachun, cashcata ruhuana yuyai tiyachun pascariyari. Mandac Dios ñucami chaicunataca ruhuarcani.

ISAÍAS 51:5

Ñami cashcata ruhuagrini. Quishpichina punzhaca ñami callarishca. Ñuca poderhuanmi alli ricushpa, tucui llactacunata mandasha. Mama cucha patapi tiyac llactapi causaccunapish ñuca mandachun, ñuca rigrahuan ayudachunmi shuyacun.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 56:1

Mandac Diosca: «Ñuca quishpichina punzhapish, ñuca cashcata ruhuana punzhapish ñami chayamugrin Chaimanta allita ruhuashpa, cashcata ruhuashpa causaichic» ninmi.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

ISAÍAS 61:3

Sión llactapi llaquilla causaccuna uchupahuan cahuirishca canapac randica, corona churashca cachun, llaquilla canapac randica, cushicuihuan cachun, shungupi llaquilla canapac randica, jahualla churanata churaric shina, cushilla cachunmi huillac cacharca. Paicunaca Mandac Dios sumaimana cashcata ricuchingapacmi, pai tarpushca encina yura shina cangacuna.

ISAÍAS 62:1

Sión llactata cuyashcamantaca mana upallachu casha. Jerusalenta cuyashcamantaca mana samarishachu. Cashcata ruhuana achicyachic inti shina ricuringacaman, quishpirina luzta japichishca shina, ricuringacamanmi chashna casha.

ISAÍAS 62:11

Mandac Diosca tucui cai pacha tucuri punzhacunapi causaccunataca: «Sión urcupi causaccunataca: “¡Cancunata quishpichicca ñami shamun! ¡Cancunaman cunatami apamun! ¡Pai ruhuashcacunaca ñaupashpami shamun!” nishpa huillaichic» nirca.

JEREMÍAS 33:9

Jerusalenpi ñuca allicunata ruhuashcata tucui llactacunapi uyashpami, ñucataca alli nishpa, sumaimanami cangui ningacuna. Chaimantami Jerusalenpi causaccunahuan yallita cushicusha nini” ninmi» nirca.

JOEL 2:32

Mandac Dios ñucata mañaccunallami quishpiringa. Ñuca huillashca shinami, quishpirishcacunaca Sión urcupipish, Jerusalenpipish canga. Chai quishpirishcacunaca Mandac Dios ñuca cayashcacunami canga» ninmi.

JOEL 3:17

Mandac Diosca: «Ñucapaclla cac Sión urcupi causac cancunapac Mandac Diosca ñucami cani. Chaitaca yachaichicyari. Ñucapaclla Jerusalentaca shuctac gentecunaca mana ashtahuan pasangachu.

MIQUEAS 7:9

Ñuca juchata ruhuashcamantami Mandac Diosca piñarirca. Chaimanta cunanca, pai taripashpa, cashcata ruhuangacaman pai llaquichishcataca apacushallami. Paimi ñucataca achic luzman llucchinga. Chashna llucchicpica, pai cashcata ruhuac cashcatami ricusha.

HABACUC 2:3

Muscuipi shina ricushcaca tauca huatacunata mana pactashpapish, mana llullangachu, pactangatacmi. Mana utca pactacpipish chaparacuilla, pactangatacmi, mana unayangachu.

HAGEO 1:8

Urcumanta caspicunata apamushpa, ñuca huasita cutin shayachichic. Chashna ruhuacpimi, yallita cushicushpa, alli nishcapish casha. Chaitaca tucuita Mandac Dios ñucami nini.

SAN JUAN 17:10

Tucui cambac cashcacunaca ñucapacmi, ñucapac cashcacunaca cambacmi. Paicunamantami jatunyachishca cani.

ROMANOS 1:17

Chai alli huillaimi crishcallamanta Dios-huan alli tucushcata, cashcata ruhuac cashcata ricuchin. Chaica, Dios quillcachishcapica: «Runaca crishcallamantami causanga» ninmi.

EFESIOS 1:6

Chashnaca Dios mai cuyashpa, paipac cuyashca Churimanta allicunata cushcamantami, ¡paitaca alli nicunalla canchic!

2 TESALONICENSES 1:10

Chai punzhapi Apunchic Jesucristo cutimucpica, tucui paipaclla cac criccunaca mancharishpami paita alli ninga. Cancunapish ñucanchic huillashcata crishcamantaca chaipimi canguichic.

2 TESALONICENSES 1:12

Chashnami cancunaca ñucanchic Apunchic Jesustaca alli ninguichic, shinallatac cancunatapish Paica alli ningami. Chashnami ñucanchic Diospish, Apunchic Jesucristopish mai cuyashcamanta alli ninga.

HEBREOS 10:37

Dios quillcachishcapica: «Shamucca ñallami shamunga, mana unaiyangachu.

1 PEDRO 2:6

Shina cashcamantami Dios quillcachishcapica: «Tucuimanta yalli huasita callaringapac acllashca, mai valishca Rumitami Sión pueblopi churani. Maijanpish chai Rumipi shunguta churacca, mana pingaichishcachu canga» ninmi.