ISAÍAS 46:11 - Dios Rimashcata Quillcashcami

¹¹ Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.

ISAÍAS 46:11 ပူးပေါင်းရင်းမြစ်များ

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

JOB 23:13

Ashtahuanpish pai imata ruhuasha nishcataca, ¿pitac shuctacyachingayari? Paillami imatapish ruhuan.

SALMOS 119:24

Ima shina causanata can yachachishcacunaca cushichinmi, shinallatac alli yuyaitapish cunmi.

SALMOS 76:10

Gentecuna piñaricpica, canca alli nishcami cangui. Piñashpa llaquichishcamanta saquirishcacunataca canmi tucuchingui.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 18:6

Chai ramacunataca urcupi causac volac animalcuna, cai pachapi tiyac animalcuna micuchunmi saquinga. Chaipimi usyai punzhacunapica urcupi causac volac animalcuna, cutin tamya punzhacunapica cai pachapi tiyac sacha animalcuna micunga» ninmi.

ISAÍAS 22:25

Chai punzhapimi sinchi pushtupi clavashca clavoca urmanga. Paipi huarcushcacunapish urmashpa tucuimi ñuturinga. Chaitaca Mandac Dios ñucami nini” ninmi ningui» nirca.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 37:26

Chaicunataca utca huatacunallatac ruhuasha nishcata, utca punzhacunallatac yuyaricushcata, ¿manachu yacharcangui? Chaicuna cunan pactachunmi munani. Canmi muyundita jarcashca llactacunataca urmachishpa, rumi montonllata saquingui.

ISAÍAS 38:15

Paillatac chashna llaquichisha nishpa llaquichicpica, ¿imatatac nishayari? Chashnami ñuca shungupi yallita llaquirishpa causacushalla.

ISAÍAS 41:2

¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.

ISAÍAS 41:25

Jahua lado llactamantami shuc runata pushamusha. Inti llucshina lado llactamanta shamushpami, ñuca shutipi mañanga. Paica jatun mandaccunataca turuta saruc shinami mandanga. Mangata ruhuac runa turuta saruc shinami sarunga» ninimi.

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

ISAÍAS 45:13

Ñucami mandac Cirotaca cashcata ruhuanata yachachishpa, alli ñanta pusharcani. Paimi ñuca llactataca cutin shayachishpa, ñuca acllashcacunata prezumanta cacharichimunga. Paica ima cullquita, ima caranata mana japishpami chashna ruhuanga» ninmi. Chaitaca tucuita Mandac Diosmi nini.

ISAÍAS 56:9

Pambapi causac animalcunapish, sacha animalcunapish micungapac shamuichic.

JEREMÍAS 44:28

Jatun macanacuipi mana huañushcacunaca maijancunallami Egipto llactamanta Judá llactaman cutinga. Egipto llactaman shamushca gentecunaca paicunallatacmi ñuca rimashcacuna, mana cashpaca paicuna rimashca pactashcata ricunga.

JEREMÍAS 50:29

Babilonia llactapi causaccunata llaquichingapac flechacunata shitanata yachaccunata, flechayuc runacunata tandachishpa, paicunapac muyundipi shayarichic. Shucllatapish causactaca ama saquinguichicchu. Paicuna mana allita ruhuashca shinallatac llaquichichic. Paicunaca israelcunapac jucha illac Mandac Diostami piñachirca.

JEREMÍAS 50:44

León animalta japingapac Jordán yacu pata sachamanta llucshic shinami, paicunata llaquichishpa callpachisha. Ñuca acllashca runamanmi mingasha. ¿Pitac ñuca shinaca cangayari? ¿Pitac ñucahuan chimbapurai pudingayari? Ñuca llaquichicucpica, ¿pi michictac misai pudingayari?

JEREMÍAS 50:45

Chaimanta Mandac Dios ñuca Babilonia llactata ima shina llaquichinata, caldeocunata imata ruhuanata yuyarishcataca uyaichicyari. Paicunapac manada ovejacunamanta ashtahuan uchilla ovejacamanmi apanga. Ovejacuna shayanacunatapish tucui urmachishpami saquinga.

EZEQUIEL 39:4

Cambac soldadocunandi, canhuan cac gentecunandimi Israel llacta urcucunapi huañungui. Chaipica volac animalcuna, sacha animalcunami micunga.

NÚMEROS 23:19

Diosca mana aichayuc runa shina llullacchu. Paica mana runapac churi shina, quipata pandarishcanimi nicchu. Paica imata ruhuasha nishpaca, ¿manachu ruhuangatac? Imata nishcataca, ¿manachu pactachinga?

HECHOS 4:28

Chashnami can ñaupaman alli yachashpa, chashna tucuchun nishcata pactachirca.

HECHOS 5:39

Ashtahuanpish paicuna yachachishca Diosmanta cacpica, mana jarcai pudinguichicchu. Pacta Diospac munaita jarcashun nicunguichicman— nirca.

EFESIOS 1:11

Cristohuan shuclla cashcamanta pai cusha nishcata ñucanchic japichunmi, Diosca pai munashca shina ñaupaman ña acllashca. Tucui imatapish pai munashca shinami ruhuan.

EFESIOS 3:11

Chashnami Diosca ñaupamanta pacha pai imata ruhuasha nicushcata pactachirca. Chashna tucuchunmi, Apunchic Jesucristota cacharca.

APOCALIPSIS 16:12

Suctaniqui angelca Eufrates jatun yacupimi pai charicushca copata tallirca. Chashna tallicpica, inti llucshic ladomanta jatun mandaccuna shamushpa pasachunmi, chai yacuca chaquirca.