ISAÍAS 46:10 - Dios Rimashcata Quillcashcami

¹⁰ Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

ISAÍAS 46:10 ပူးပေါင်းရင်းမြစ်များ

GÉNESIS 3:15

Canhuan, cai huarmihuan, cambac huahuacunahuan, cai huarmipac huahuacunahuan piñanacuchunmi churani. Cai huarmipac huahuaca cantaca umapimi sarunga. Canca chaqui talonllapimi caningui— nirca.

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

JOB 23:13

Ashtahuanpish pai imata ruhuasha nishcataca, ¿pitac shuctacyachingayari? Paillami imatapish ruhuan.

SALMOS 135:6

Mandac Diosca jahua pachapipish, cai pachapipish, mama cuchatapish, chaipi tucui tiyaccunatapish, yacucunapipish pai munashcatami ruhuan.

SALMOS 33:11

Ashtahuanpish Mandac Dios imata ruhuasha nishcaca huiñaipacmi can. Paipac shungupi imata yuyarishcataca huahua huahuacunami pactachicungalla.

PROVERBIOS 19:21

Runapac shungupica caita chaita ruhuana yuyaicunami tiyan. Ashtahuanpish Mandac Dios munashcami pactanga.

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ISAÍAS 10:12

Mandac Diosca Sión urcupi, Jerusalenpi ruhuashca quipaca Asiria llactata jatun mandactapish, pai jatun tucushpa, ñahuita alzashpa purishcamantami llaquichinga.

ISAÍAS 14:24

Tucuita Mandac Dios ari nishpaca: «Ñuca yuyarishcataca ruhuashatacmi. Imata ruhuanata yuyarishcataca pactachishatacmi.

ISAÍAS 25:1

¡Mandac Dioslla, canmi ñuca Dios cangui! Canca jatun mancharinacunatami ruhuashcangui. Chaimanta cambac shutitaca alli nishpa alabashami. Ñaupamanta pacha yuyarishcaca chashnatacmi, chaitaca pactachinguitacmi.

ISAÍAS 40:8

Quihuapish chaquinmi, sisapish anguyanmi. Ashtahuanpish Dios rimashcaca huiñai huiñaita causacungallami» nirca.

ISAÍAS 41:21

Jacobopac huahuacunata Mandac Diosca: «Ruhuashcalla dioscuna imatapish ruhuashpa ricuchichicyari. Cancuna imata ricuchishcatapish huillaichicyari.

ISAÍAS 41:4

¿Pitac chashna tiyachun, chashna catichun ruhuan? Callarimanta cai pacha ima shina canataca, ¿pitac yachan? Mandac Dios ñucallatacmi callaripish, tucuripish cani.

ISAÍAS 43:13

Ñaupa punzhacunamanta pachami ña tiyarcani. Ñuca maquimantaca quichucca pi mana tiyanchu. Ñuca imata ruhuanata munashcataca pi mana jarcai pudingachu» ninmi.

ISAÍAS 44:7

¿Pitac ñuca shinaca tiyan? ¡Maijan tiyacpica, shayarishpa huillachun! ¡Gentecuna causai callarishcamanta pacha ima tucushcata huillachun! ¡Quipa punzha ima tucunatapish callarishpa ñuca ñaupapi huillachun! ¡Quipa punzha ima tucunatapish shayarishpa huillachun!

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

ISAÍAS 46:11

Inti llucshina ladomanta millai alasyuc animal shina, runatami caru llactamanta ñuca yuyarishcata pactachichun cayarcani. Ñuca yuyarishcataca ruhuashatacmi.

ISAÍAS 48:14

Cancuna tandanacushpa uyaichic. Ruhuashcalla dioscunapuramanta, ¿pitac tucui caicunata huillacca tiyan? Mandac Dios ñuca cuyashca runami Babilonia llactataca ñuca munashcata ruhuanga. Paimi caldeocunataca mandanga.

ISAÍAS 48:3

Mandac Diosca: «Ñaupa ima tucushcacunataca ñucallatacmi huillarcani. Chaitaca ñuca shimihuanmi huillashpa ricuchircani. Chaicunaca chashnatacmi tucurca.

ISAÍAS 53:10

Chaica, Mandac Diosmi paita llaquichinata munarca. Ñucanchic juchacunamanta animalta tucui rupachic shina, pai tucushcataca quipa miraicuna ricungami. Shinallatac unaitami causanga. Mandac Dios munashca shinami causanga.

ISAÍAS 55:11

Chashnallatacmi ñuca rimashcapish ñucapacmanca mana chushaclla cutinga. Ashtahuanpish ñuca munashcataca ruhuangatacmi. Ñuca imapac cachashcataca pactachingatacmi.

JEREMÍAS 44:28

Jatun macanacuipi mana huañushcacunaca maijancunallami Egipto llactamanta Judá llactaman cutinga. Egipto llactaman shamushca gentecunaca paicunallatacmi ñuca rimashcacuna, mana cashpaca paicuna rimashca pactashcata ricunga.

EZEQUIEL 39:8

Mandac Dios ñucami nini: Ñuca llaquichina punzhami chayamun. Chaitaca pactachishatacmi.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

OSEAS 5:9

Llaquichi punzhapica Efraín ailluca llaquinayaitami chingaringa. Israelpac aillumanmi ima tucuna cashcataca mana llullashpa huillani.

HECHOS 15:18

Ñaupamanta pacha tucui ima tucuna cashcata huillac Mandac Dios ñucami, chashnaca nini” ninmi.

HECHOS 3:23

Pipish chai huillacta mana cazucca, israelcunapuramanta llucchishcami canga” nishcami.

HECHOS 5:39

Ashtahuanpish paicuna yachachishca Diosmanta cacpica, mana jarcai pudinguichicchu. Pacta Diospac munaita jarcashun nicunguichicman— nirca.

HEBREOS 6:17

Diosca pai cusha nishcata japiccunaman mana shuctacyachishpa, pactachingapacmi paipac shutipi ari nirca.