ISAÍAS 45:9 - Dios Rimashcata Quillcashcami

⁹ ¡Aij manga callana shina cashpapish ñucata piñachiccunalla! Callanata ruhuana allpaca paita ruhuactaca: “¿Imatatac ruhuangui” ningachu? ¿Imata pai ruhuashcaca: “Canca maqui illacmi cangui” ningachu?

ISAÍAS 45:9 ပူးပေါင်းရင်းမြစ်များ

JOB 10:9

Ñucata allpamanta ruhuashcataca yuyariyari. ¿Ñuto allpallamantacchu tigrachigringui?

JOB 33:13

¿Ima nishpatac runa mañashcataca mana uyanchu nishpa, paitaca piñarishpa rimanguiyari?

JOB 40:2

«¿Canca tucuita ruhuac Dios-huanchu cariyashpa chimbapurasha ningui? Maijanpish Dios-huan chimbapurasha nishpaca caicunatami cutichina can» nirca.

JOB 9:12

Pai imata quichucpipish, ¿Pitac cutin chasqui pudingayari? Pitac: “¿Imatatac ruhuangui?” ningayari.

JOB 9:4

Paipac shungupica tucuita yachanmi. Tucui imatapish ruhuacmi. ¿Pitac paita mana cazushpaca alli llucshingayari?

PROVERBIOS 21:30

Alli yachaipish, ima yuyaipish, ima cunashcapish Mandac Diostaca mana ati pudinchu.

ECLESIASTÉS 6:10

Cunan imapish tiyacca ñami shutiyuc carca. Runa ima shina cactapish yachanimi. Runaca paita yalli fuerzata charic-huanca mana chimbapurai pudinchu.

ISAÍAS 10:15

¿Hachaca yantata chictac runata yallichu canga? ¿Serruchopish cuchuc runataca yallichu canga? ¡Shina cashpaca, tauna caspipish paita apacuc runata apanmanmi! ¡Shinallatac ñañu varapish, racu caspita apanmanmi!

ISAÍAS 29:16

¡Yallita millaitamari yuyanguichic! ¿Allpamanta mangata ruhuacca mangata ruhuana allpa shinachu canga? ¿Pai ruhuashca mangaca: «Mana canchu ñucataca ruhuarcangui» nishpa tapunchu? ¿Manga ruhuana allpapish mangata ruhuactaca: «Ima ruhuacushcata mana yachanguichu» ninchu?

ISAÍAS 45:10

Aij, taitata: “¿Imapactac ruhuarcangui?” niccunalla, mamata: “¿Imapactac sajuarircangui?” niccunalla» ninmi.

ISAÍAS 64:7

¡Cambac shutita mañacca pipish mana tiyanchu! ¡Pipish canhuan cangapac mana sinchiyanchu! Chaimantami cambac ñahuitaca ñucanchicmanta pacarcangui. Ñucanchic mana allicunata ruhuashcacunallatac mandac shina, charicucpimi, anguyac shina, llaquita apachun saquircangui.

ISAÍAS 64:8

Mandac Dioslla, cunanca canmi ñucanchic Taita cangui. Ñucanchicca allpa turullami canchic. Canmi ñucanchictaca ruhuarcangui. Ñucanchicca can ruhuashcami canchic.

JEREMÍAS 18:6

«Israelcunalla, ¿manachu cancunatapish mangata ruhuac runa shina ruhuai pudini? Mangata ruhuac runapac maquipi, manga ruhuana allpa shinami cancunaca ñuca maquipica canguichic. Chaitaca Mandac Dios ñucami nini.

JEREMÍAS 36:29

Chai quipaca Judá llactata jatun mandac Joacimtaca: “Mandac Diosca: Punta quillcata can rupachishpaca: ‘Cai carapica, ¿imamantatac Babilonia llactata jatun mandac shamushpa, cai llactatapish, gentecunatapish, animalcunatapish tucui tucuchinga’ nircangui?

JEREMÍAS 50:24

Babilonia llactalla, ñucallatacmi tucllata churarcani. ¡Chaipi urmashpa prezu japi tucunataca mana yacharcanguichu! Mandac Dios ñucata mana cazushcamantami chashnaca tucurcangui.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

1 CORINTIOS 10:22

¿Apunchic Jesustachu piñachisha ninguichic? ¿Ñucanchicca paita yallichu canchic?