ISAÍAS 45:24 - Dios Rimashcata Quillcashcami

²⁴ Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

ISAÍAS 45:24 ပူးပေါင်းရင်းမြစ်များ

GÉNESIS 49:10

Judá, cambac mandana varataca pi mana quichungachu. Varataca chasquingacamanmi charicunguilla. Cantaca tucui gentecunami cazunga.

SALMOS 110:2

Mandac Diosca can mandana varataca Sión pueblomantami cachanga. Canta piñaccunapac chaupipimi mandanga.

SALMOS 71:16

Mandac Dioslla, pi mana ruhuaipaccunata can ruhuashcataca huillacushallami. Can ruhuashcacunataca yuyaricushallami.

SALMOS 72:9

Paipac ñaupapica shitashca pambacunapi causaccunapish cunguringacunami. Paita piñaccunaca allpatami lambingacuna.

SALMOS 89:17

Canmi sumaimanapish, sinchiyachicpish cangui. Can yallita cuyashpami ñucanchic mandanataca sinchiyachingui.

ISAÍAS 26:4

Mandac Diosca huiñaipac jarcarina jatun rumi shinami. Chaimanta paipi huiñaita shunguta churaichicyari.

ISAÍAS 41:11

Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.

ISAÍAS 44:8

Ama manchaihuan chucchuichicchu. ¿Manachu utcapi cancunaman huillashpa uyachircani? Chaitaca cancunallatacmi yachanguichic. ¿Ñucamanta shuctac Diosca tiyanchu? Mana, mana ñuca shina jatun poderta charic Diosca tiyanchu. Mana ricsinichu” ninimi» nirca.

ISAÍAS 45:25

Mandac Dios ñucahuanmi israelcunaca atinga. Huahua huahuacunapish alli nishcami canga» ninmi.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 55:5

Riqui, canca mana ricsishca runacunatami cayangui. Shinallatac canta mana ricsic runacunami cambacman callpamunga. Israelcunapac jucha illac, Mandac Diosta alli nishcamantami chashna shamunga.

ISAÍAS 60:21

Tucui gentecunami cashcata ruhuaccuna canga. Llactataca huiñaita causangapacmi japingacuna. Paicunaca ñuca tarpushca yura sapimanta huiñashca yura shinami canga. Ñucata alli ningapacca ñuca maquihuan ruhuashca chagra shinami canga.

ISAÍAS 60:9

Mama cucha patapi causaccunaca ñucatami shuyanga. Utca pachamanta Tarsis llactapi tiyac jatun barcocunapish cambac huahuacunatami paicunapac cullquindi, curindi caru llactamanta pushamunga. Israelcunapac jucha illac Mandac Diospac shutita jatunyachingapacmi pushamunga. Pai Diosmi sumaimanata ruhuarca.

ISAÍAS 61:10

Mandac Dios-huanmi yallita cushicusha. Ñuca Dios-huanmi tucui almahuan cushicusha. Paica churanata churachic shinami quishpichirca. Jahualla churanata churachic shinami, cashcata ruhuarca. Novioman shinami sumacta churachirca. Noviaman shinami sumac curita churachirca.

ISAÍAS 61:11

Mandac Diosca allpapi huiñac yura shina, huertapi muyu urmashpa, llucshic shinami cashcata ruhuanatapish, alli nishca canatapish tucui llactacunapi ricuchinga.

JEREMÍAS 33:16

Chai punzhacunapimi, Judá llactapi causaccunapish, Jerusalenpi causaccunapish imata mana manchashpa, sumacta causanga. Paicunaca: “Mandac Diosca ñucanchicman cashcata ruhuacmi” ningacuna.

HABACUC 3:19

¡Mandac Diosca ñuca jarcarina sinchi torre shinami! Paica ñuca chaquicunata tarugapac chaqui shinata ruhuashpami, jahua urcucunata purichinga.

ZACARÍAS 10:12

Mandac Dios ñucami paicunataca sinchiyachisha. Chaimantami ñuca shutita mañashpa puringa» ninmi.

ZACARÍAS 10:6

Ñucaca Judapac huahuacunataca sinchiyachishami. Josepac huahuacunataca quishpichishami. Paicunata llaquichishpami cutichimusha. Paicunaca jaicapi mana pingai tucushca shinami canga. Ñucaca Mandac Dios cani. Paicuna mañashcataca uyashami.

ZACARÍAS 12:5

Judá llacta soldadocunata mandaccunaca paicunapac shungupica: “¡Jerusalenpi causaccunaca tucuita Mandac Diosmantami fuerzata charin!” ninga.

ZACARÍAS 8:23

Chai punzhacunapica tauca llactacunamanta chican rimaicunata rimac chunga runacunami shamunga. Paicunaca Judá llactamanta runata jahualla churanapi japirishpa: “¡Ñucanchicpish cancunahuan rinatami munanchic. Mandac Diosca cancunahuan cactami yachanchic!” ninga» nirca.

SAN LUCAS 13:17

Jesús chashna nicpica, paita piñaccunaca pingarcami. Ashtahuanpish chaipi cac gentecunaca Jesús sumacta ruhuacta ricushpaca, yallitami cushicurca.

SAN LUCAS 19:27

Cutin, ñucata piñashpa mana mandac cachun munaccunataca apamushpa, ñuca ñaupapi huañuchichic” nircami» nirca.

SAN JUAN 12:32

Caspipi jahuaman huarcushca cashpami, tucuita ñucapacman pushamusha— nirca.

SAN JUAN 7:37

Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

1 CORINTIOS 1:30

Ashtahuanpish Diosllatacmi cancunataca Cristo Jesus-huan shucllata ruhuarca. Diosmi Cristomantaca jatun yachacta, cashcata ruhuacta, jucha illacta ruhuashpa quishpichirca.

2 CORINTIOS 5:21

Cristo mana juchayuc cacpipish, Diosca ñucanchic juchacunamantami llaquita apachun curca. Shina cacpica, Jesusmantami Dios-huan alli tucunchic.

EFESIOS 3:16

Paipac sumaimana charishcacunata cancunaman cushpa, paipac Espirituhuan yuyaita allichishpa, sinchi criccunata ruhuachunmi, Diosta mañacuni.

EFESIOS 6:10

Chaimanta cunanca Apunchic Jesus-huan shuclla cashcamanta, pai imatapish ruhuaclla cashcahuan sinchi tucuichic.

FILIPENSES 4:13

Imatapish ruhuaclla Cristohuanca tucui imatapish ruhuai pudini.

COLOSENSES 1:11

Dios paipac sumaimana poderhuan cancunata sinchiyachichunmi, paiman mañacunchic. Shina cacpimi, cancunaca ima llaquita apashpapish mana piñarishpa,

2 PEDRO 1:1

Ñucaca Jesús acllashca apóstol, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

APOCALIPSIS 11:18

Tucui llactacunapi causaccunami piñarishca. Can piñarishpa llaquichina punzhami chayamushca. Chai punzhaca huañushcacunata taripana, cambacta ruhuac can ima nishcata huillaccunaman, cambaclla caccunaman, cambac shutita alli niccunaman, jatunman cashpa, uchillaman cashpa japina cashcata cuna punzhami can. Shinallatac cai pachata llaquichiccunata tucuchina punzhami chayamushca» nircacuna.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.