ISAÍAS 45:1 - Dios Rimashcata Quillcashcami

¹ Mandac Diosmi Cirotaca aceitehuan cahuishpa mandac cachun churarca. Paitami alli lado maquimanta aisashpa, shuc llactapi causaccunata cumurichichun, jatun mandaccuna chumbillirishcata surcuchichun apamurca. Shinallatac paipac ñaupapi pungucuna pascashca saquirichunmi chashnaca apamurca. Mandac Diosca paitaca:

ISAÍAS 45:1 ပူးပေါင်းရင်းမြစ်များ

1 REYES 19:15

Shina nicpimi, Mandac Diosca: —Can maita shamushca ñanllatatac cutishpa ri. Damasco pueblo cuchulla shitashca pambaman chayashpaca, Hazael runata Siria llactata jatun mandac cachun aceitehuan cahuingui.

ESDRAS 1:1

Jatun mandac Ciro Persia llactata shuc huatata mandacucpimi, Mandac Diosca Jeremiasman huillachishca pactachun, Persia llactata jatun mandac Ciroman yuyaita curca. Chashna yuyaita cucpimi, jatun mandac Ciroca huillashpapish, quillcaccunata cachashpapish pai mandacuc tucui llactacunapi causaccunaman huillachishpaca:

ESDRAS 1:2

Persia llactata jatun mandac Ciroca: «Jahua pachata Mandac Diosmi tucui cai pachapi tiyac llactacunata mandachunpish, shinallatac Judá llactapi cac Jerusalenpi Diospac huasita shayachichunpish mandarca.

JOB 12:21

Jatun mandaccunatapish mana valichinllami. Alli sinchita huatallishcatapish pascachinllami.

SALMOS 73:23

Shina cashpapish canmantaca manatac caruyarcanichu. Canca alli maquimantami ñucataca charirarcangui.

ISAÍAS 13:2

Shitashca urcupi banderata shayachi. Mandaccuna yaicuna punguta soldadocuna yaicuchun sinchita caparishpa maquita alzaichic.

ISAÍAS 13:3

Ñucaca, ñuca acllashca soldadocunatami cachagrini. Piñarishpa llaquichingapacmi sinchi soldadocunata tandachircani. Paicunaca ñuca macanacuita mishacpimi cushicun.

ISAÍAS 41:13

Mandac Dios ñucami, cancunapac alli lado maquimanta pushashpaca: “Ama manchaichicchu, ñucami cancunataca ayudasha” nini.

ISAÍAS 41:2

¿Pitac jatun mandactaca ricchachishpa, inti llucshina ladomanta pushamurca? Paimanmi tucui llactacunata mandachun cunga. Chashna cucpimi, tucui jatun mandaccunata mandanga. Espadahuanmi ñuto allpata shina ruhuanga. Arcohuanca chaquishca pangata shinami maita shitanga.

ISAÍAS 41:25

Jahua lado llactamantami shuc runata pushamusha. Inti llucshina lado llactamanta shamushpami, ñuca shutipi mañanga. Paica jatun mandaccunataca turuta saruc shinami mandanga. Mangata ruhuac runa turuta saruc shinami sarunga» ninimi.

ISAÍAS 42:6

«Mandac Dios ñucami cantaca cashcata ruhuachun cayashpa, maquimanta aisashpa cuidasha. Cantaca ñuca acllashcacunahuan ari nishcata ruhuachun, shuc llactapi causaccunapac luz shina cachun,

ISAÍAS 44:28

Ñucami mandac Cirotaca: “Canmi ñuca ovejacunata michingui. Ñuca tucui imata ruhuachun nishcatami ruhuangui. Jerusalenta cutin allichi nicpi, ñuca huasitapish shayachi” nicpica, chashnami ruhuangui» ninimi.

ISAÍAS 45:5

Ñucallami Mandac Diosca cani. Shuctac Diosca mana tiyanchu. Ñucamanta shuctac Diosca mana tiyanchu. Can ñucata mana ricsicpipish, ñucami alli chumbillichic shina sinchiyachircani.

ISAÍAS 48:15

Ñucallatacmi chashna rimashpa, cayashpa pushamurcani. Chaimantami tucui pai ima ruhuashcaca alli canga.

JEREMÍAS 27:6

Cunanca, tucui cai llactacunatami Babilonia llactata jatun mandac ñucata servic Nabucodonosorpac maquipi churarcani. Sacha animalcunacamanmi paita servichun paipac maquipi churani.

JEREMÍAS 43:10

Chashna pambashpaca, israelcunapac tucuita Mandac Diosca: “Ñucata servic Babilonia llactata jatun mandac Nabucodonosortami cachagrini. Shina cachashpami, pai mandashpa tiyarinataca chai rumicunapac jahuapi churasha. Chai jahuapimi sumac carpa huasita shayachinga.

JEREMÍAS 50:3

¡Jahua llactamantami llactata llaquichingapac rishca! Paicunami tucui ima tiyashcata chingachinga. Chai llactapica runacunapish, animalcunapish mana tiyangachu. Tucuimi shitashpa ringa» ninmi.

JEREMÍAS 50:35

Babilonia llactapi causaccunatapish, caldeocunatapish espadahuanmi huañuchingapac shamunga. Paicunata mandaccunatapish, paicunapac yachaccunatapish llaquichingami.

JEREMÍAS 51:11

Flechacunata pichaichic. Escudotapish rigrapi apaichic. Mandac Diosca Babilonia llactata tucuchinatami yuyarishca. Media llactata jatun mandaccunapac shungupimi tucuchina yuyaita churashca. Mandac Diosca paipac huasita urmachishcamantami paicunatapish llaquichinga.

JEREMÍAS 51:30

Babilonia sinchi soldadocunaca macanacunata saquishpami, jatun torre ucucunapi miticushca. Fuerza illac saquirishpami, huarmicuna shina tucushca. Paicunapac huasicunaca rupashcami. Llacta pungu aldabacunapish paquirishcami.

JEREMÍAS 51:58

Babilonia llacta muyundi ancho pircapish tucuimi tuñiringa. Jatun pungucunapish uchupami saquiringa. Gentecunaca yangami trabajashca. Ninapi rupachunllami shuctac llacta gentecunapish yallita shaicushca» ninmi.

EZEQUIEL 29:20

Paipac soldadocunahuan Tiro llactata llaquichishcamantami Egipto llactataca curcani. Paicunaca ñucamanmi allita ruhuarca. Chaitaca Mandac Dios ñucami nini” ninmi.

DANIEL 5:6

Chaita ricushpami, jatun mandacca yallita mancharishpa ñahuipish irquiyashpa musparishca saquirirca. Paipac siqui tullucunapish chururic shina tucushpami, mucucunapish paicunapura huactarinacucurca.

DANIEL 7:5

Quipa animalca oso shinami carca. Chai animalpac costillasca shuc ladoca yallimi carca. Quimsa costillasta quirupi canichishpa shimipi apashcami carca. Chai animaltaca: “¡Jatarishpa, sacsangacaman achca aichata micui!” nircami.

DANIEL 8:3

Ñuca alzarishpa ricushpaca, chai yacu ladopi ishcai gachuyuc shuc cari ovejatami ricurcani. Chai gachucuna mai jatun cashpapish, shuc gachumi ashtahuan jatun carca. Chai ashtahuan jatun gachuca quipata huiñashcami carca.

DANIEL 8:4

Chai cari ovejaca inti tigrana ladoman, jahua ladoman, ura ladoman causaccunatami gachucunahuan llaquichicurca. Chai cari ovejahuanca ima animalpish mana chimbapurai pudircachu. Chai animalpac fuerzamantaca imapish mana quishpiri pudircachu. Pai munashcata ruhuashpami, punzhanta jatunyashpa caticurca.

NAHÚM 2:6

Jatun yacu jarcashca pungucuna pascarishpami, mandashpa tiyana huasitapish urmachinga.

NAHÚM 3:13

Cambac soldadocunaca huarmicuna shinami manchanga. Llacta pungucunapish, canta piñaccuna yaicuchunmi, caiman chaiman pascaringa. Pungu aldabacunataca ninami tucuchinga.