ISAÍAS 44:9 - Dios Rimashcata Quillcashcami

⁹ Caspimanta imaman riccha dioscunata ruhuaccunaca yangallami. Paicuna ruhuashca sumac dioscunapish imapac mana valinchu. Chai yanga dioscunata alli niccunaca yuyai illac, imata mana yachaccunami. Chaimantami pingaichishca canga.

ISAÍAS 44:9 ပူးပေါင်းရင်းမြစ်များ

2 REYES 19:18

Paicunapac dioscunatapish ninapi shitashpami tucuchirca. Chaicunaca mana dioscunachu carca. Ashtahuanpish runacuna caspimanta, rumimanta maquihuan ruhuashcallami carca.

SALMOS 115:4

Paicunapac yanga dioscunaca cullquimanta, curimanta gentecunapac maqui ruhuashcami can.

SALMOS 115:8

Chaicunata ruhuaccunaca chai yanga dioscuna shinami. Chai dioscunapi shunguta churaccunapish, chaicuna shinallatacmi.

SALMOS 135:18

Chaita ruhuaccunaca paicuna shinallatacmi. Chai dioscunapi shunguta churaccunapish chashnallatacmi.

SALMOS 97:7

Rumita labrashpa ruhuashca dioscunata serviccuna, yangalla dioscunahuan cushicuccuna pingaichicyari. ¡Tucui dioscuna paipac ñaupapi cumurichicyari!

ISAÍAS 26:11

Mandac Dioslla, llaquichingapac cambac maqui alzashca cacpipish, paicunaca mana ricunchu. Can acllashcacunata ricushpa, paicuna shina canata munashpa pingachun. Canta piñaccunata nina tucuchichun.

ISAÍAS 41:24

Riquichic, cancunaca imapish mana canguichicchu. Cancuna maipi imata ruhuashcapish mana ricurinchu. Cancunata acllashpa charictaca millanayanmi.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

ISAÍAS 42:17

Ruhuashcalla dioscunata yuyarishpa causaccunaca yallita pingai tucushpami, huashaiman cutinga. Paicunaca yacuyachishpa, imamanpish ricchata ruhuashcataca: «Ñucanchic dioscunami canguichic» nincunami.

ISAÍAS 42:18

¡Ringri mana uyaccuna, alli uyaichicyari! ¡Ñahui mana ricuccunapish ñahuita pascashpa ricuichicyari!

ISAÍAS 43:8

Mandac Diosca: «Ñuca acllashcacunata llucchimuichic. Paicunaca ñahuita charishpapish mana ricunchu. Ringrita charishpapish mana uyanchu.

ISAÍAS 43:9

Tucui llactapi causaccunapish, tucui cai pachapi causaccunapish tandanacuichic. Cancunapurapica, ¿caicunata huillacpish, sarun huatacuna ima tucushcata huillacpish tiyanchu? Tiyashpaca shuccuna uyashpa: «Chaica chashnatacmi» nichun huillaccunata apamuichic.

ISAÍAS 44:11

Chai dioscunata ruhuaccunaca runacunallami. Chaimanta tucui chai dioscunata caticcunaca pingaichishcami canga. Paicuna Diospac ñaupaman tandanacumushpaca, pingaichishca cashpami, manchaihuan canga.

ISAÍAS 44:18

Chai runacunaca mana yachanchu, mana entendinchu. Mana ricunchu, ñahuica huichcashcami. Shungupish tutayashca cashpami imata mana entendin.

ISAÍAS 44:20

Uchupata micuc shinami, paipac shungupi pandarin. Paipac causaita mana quishpichinchu. Shinallatac: «Ñuca alli lado maquipica, ¿manachu yanga caspillata charicuni?» nishpapish, mana ninchu.

ISAÍAS 45:16

Yangalla dioscunata ruhuaccunami pingaichishca, cumurichishca canga. Chashnami yallita llaqui tucunga.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 57:12

Ñucami can cashcata ruhuashcatapish, shuctac ruhuashcacunatapish tucui ricuchigrini. Chai ruhuashcacunaca imapacpish mana valingachu.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

JEREMÍAS 14:22

¿Maijan llacta dioscunamanta maijan tamyachic tiyanchu? Jahua pachapish, ¿pailla tamyata cachai pudinchu? Canca, ¿manachu ñucanchicta Mandac Dios cangui? Can caipi tucui ima tiyaccunata ruhuac cashcamantami canllapi shunguta churanchic» nirca.

JEREMÍAS 2:11

¿Maijan llactatac paicunapac dioscuna yanga cacpipish, chai dioscunata saquishpa, shuctac dioscunata catishca? Ashtahuanpish ñuca acllashcacunaca paicunapac poderyuc Diosta saquishpami, ruhuashcalla dioscunata catirca.

JEREMÍAS 2:26

Shuhuac japi tucushpa, pingai tucuc shinami, israelcunaca juchata ruhuashcamanta pingai tucunga. Paicunapish, jatun mandaccunapish, paicuna churashca mandaccunapish, curacunapish, huillaccunapishmi pingai tucunga.

DANIEL 11:38

Chaipac randica macanacuipi sinchiyachic dioscunata, paipac taitacuna mana ricsishca dioscunatami alli ninga. Chai dioscunaman curita, cullquita, sumac rumicunata, ima valishcacunata cushpami alli ninga.

DANIEL 5:23

Ashtahuanpish jahua pacha Diosta llaquichishpami, paipaclla huasimanta vasocunata apachun cacharcangui. Chai vasocunapimi canpish, can churashca mandaccunapish, cambac huarmicunapish, cambac caishuc huarmicunapish vinota ubiarcanguichic. Shinallatac curimanta, cullquimanta, broncemanta, fierromanta, rumimanta ruhuashca mana uyac, mana ricuc, mana entendic dioscunatami alabarcangui. Ashtahuanpish cambac causaita paipac maquipi charicuc Diostaca mana alli nircanguichu. Tucui cambac causaitaca paimi ricucun.

ROMANOS 1:22

Yallita yachac tucusha nishpapish, yuyai illaccunami tucushca.

1 CORINTIOS 8:4

Ruhuashcalla dioscunaman animalcunata huañuchishpa, cushca aichata micunamanta nishpaca, ruhuashcalla dioscunaca cai pachapica ima mana canchu, ashtahuanpish shuclla Dios tiyashcatami yachanchic.

2 CORINTIOS 4:4

Paicunaca mana crinchu. Dios ima shina cashcata ricuchic, sumac Cristomanta achicyachic luz shina alli huillaita ama entendichunmi, paicunapac yuyaitaca cai pachapi mandac Satanasca amsayachishpa charicun.

EFESIOS 4:18

Paicunaca amsa yuyaillata charishpami, mana alli yuyaita japincuna. Diosmanta shamuc mushuc causaitaca, yuyai illac rumi shungu cashcamantami mana chasquincuna.

EFESIOS 5:8

Ñaupaca amsapimi causarcanguichic. Cunanca Apunchic Jesus-huan shuclla tucushcamanta achic luzpimi causacunguichic. Shina cashcamanta achic luzpi causacuc shina causaichic.

DEUTERONOMIO 27:15

“Caspimanta, mana cashpaca fierrota yacuyachishpa imamanpish riccha, Mandac Dios millanayachishca diosta ruhuashpa, pacallapi churacca, llaqui tucushca cachun” nishpa caparicpica, tucui gentecunami: “¡Chashna cachun!” ninga.

DEUTERONOMIO 4:28

Chai llactacunapimi gentecuna caspimanta, rumimanta ruhuashca, mana ricuc, mana uyac, mana mutquic, mana micuc yanga dioscunata servinguichic.

JUECES 10:14

¡Cunanca cancunata cai llaquimanta quishpichichunca, cancuna acllashca dioscunata caparishpa mañagrichic!— nirca.