ISAÍAS 44:5 - Dios Rimashcata Quillcashcami

⁵ Maijanca: “Ñucaca Mandac Diospacmi cani” ningami. Maijanca: “Jacobopac huahuacunami cani” ningami. Maijanca: “Mandac Diospacllami cani” nishpami, paipac maquipi quillcanga. Paipac shutita yapachishpaca: “Israel” nishpami quillcanga.

ISAÍAS 44:5 ပူးပေါင်းရင်းမြစ်များ

2 CRÓNICAS 36:23

Persia llactata jatun mandac Ciroca: «Jahua pachapi causacuc Mandac Diosmi ñucataca cai pachapi tiyac tucui llactacunata mandachunpish, Judá llactapi tiyac Jerusalenpi paipac huasita shayachichunpish mandarca. Shina cashcamanta cancunapurapi Pai acllashca Mandac Diosta caticcuna caipi tiyashpaca, tucui Judá llactaman cutichuncuna. Paicunata Mandac Diosca paicunahuan cachun» nishpami huillarca.

NEHEMÍAS 9:38

Tucui cai llaquicunamantami, ñucanchicca pactachingapac ari nishpa quillcanchic. Chai quillcapica ñucanchic mandaccuna, levitacuna, curacunami firmancuna.

SALMOS 116:16

Mandac Dioslla, ñuca mañashcata uyaiyari. Ñucaca canta servicmi cani. Canta servic huarmipac huahua, canta servicmi cani. Canmi huatashcamanta cacharichircangui.

ÉXODO 13:9

Mandac Diosca paipac poderhuanmi Egiptomanta llucchirca. Chaimantami Mandac Diospac mandashcacunata punzhanta rimachunca maquipi, ñahuipi señal canga.

ISAÍAS 2:3

Achca gentecuna shamushpaca: «Mandac Dios munashca shina causanata yachachicpi, allita yachacushpa, paipac alli ñanta catingapac paipac urcuman rishunchic. Jacobopac Diospac huasiman jacuchic» ningami. Chaica Sión llactamantami mandashcacunaca llucshinga. Jerusalenmantami Mandac Dios rimashcaca llucshinga.

JEREMÍAS 32:10

Chai quipaca testigocunapac ñaupapimi randishca documentota ruhuashpa, cullquita balanzapi pezashpa curcani.

JEREMÍAS 50:5

Sionman rina ñanta tapushpami, chai ñanta catishpa, Mandac Dios ñucahuan ari ninacushpa, huiñaita mana cungarishpa causangapac shamunga.

MIQUEAS 4:2

Achca llactacunamanta shamushpaca: “Mandac Dios causacuc urcuman rishunchic. Jacobopac Mandac Diospac huasiman jacuchic. Chaipimi alli ñanta purinata yachachinga. Shina yachachicpimi, alli ñanpi purishun” ningacuna. Sionmantami mandashcacunaca llucshinga. Jerusalenmantami Mandac Dios rimashcaca llucshinga.

ZACARÍAS 13:9

Chai quimsa partepi chicanyachishcataca ninapi churashpami ricusha. Cullquita yacuyachic shinami yacuyachisha. Ninapi churashpa alli curita ricuc shinami ricusha. Shina ruhuacpimi, paicunaca ñuca shutita mañanga. Paicuna mañashcata ñuca uyashpaca: “Ñuca acllashcacunami canguichic” nishami. Cutin paicunaca: “Ñucanchicta Mandac Diosmi cangui” ningami» ninmi.

2 CORINTIOS 8:5

Paicuna cushpaca, mana ñucanchic yuyacushca shinachu curcacuna, ashtahuanpish paicunallatacmi puntaca Apunchic Jesucristoman curishpa quipaca Dios munashca shinami, ñucanchicpacta ruhuanatapish munarcacuna.

GÁLATAS 6:16

Cai ñuca nishca shina causaccunamanpish, Dios tucui acllashcacunamanpish Dios llaquishpa, sumac causaita cushca cachun ninimi.

GÁLATAS 6:17

Ñuca Apunchic Jesusta caticushcamanta chugririshpa alli tucushca señalmi, paipacta ruhuac cashcataca ricuchin. Caimanta ñaupamanca pi ama ñucataca piñachun.

1 PEDRO 2:9

Ashtahuanpish cancunaca Dios acllashpa chicanyachishcacuna, Jatun Mandacpacta ruhuac curacuna, Diospaclla cac gentecuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.