ISAÍAS 44:22 - Dios Rimashcata Quillcashcami

²² Ñucata mana cazushpa, mana allita ruhuashcatapish, cancunapac juchacunatapish puyuta shinami anchuchircani. Ñucami cancunataca quishpichircani. Chaimanta ñucapacman cutimuichicyari» ninmi.

ISAÍAS 44:22 ပူးပေါင်းရင်းမြစ်များ

2 SAMUEL 12:13

Shina nicpimi, Davidca Natantaca: —Chashna juchallishpaca, Mandac Diosta piñachishcanimi— nirca. Shina nicpimi, Natanca: —Mandac Diospish cambac juchata perdonashcami. Chaimanta mana huañunguichu.

2 CRÓNICAS 6:21

Canta servic ñucapish, can acllashca israelcunapish cai huasipi canta mañacucpica uyanguiyari. Can causacuc jahua pachapi uyashpa, ñucanchic juchacunata perdonanguiyari.

NEHEMÍAS 4:5

Paicuna pircata shayachiccunata piñashcamantaca, paicuna mana allita ruhuashcatapish, juchallishcatapish ama cungaringuichu» nishpami mañarcani.

JOB 37:11

Puyupi yacuta tandachicpimi, puyuca relampata caita chaita cachan.

SALMOS 103:12

Inti llucshinamanta inti tigranaca carupimi. Juchacunata ñucanchicmanta anchuchishpaca chashnami caruyachirca.

SALMOS 109:14

Quipa tiyashca huahua huahuacunapish tucui tucuchishca cachun. Paipac taitacuna yallita mana allita ruhuashcataca Mandac Dios yuyaricuchunlla. Paipac mamapac juchatapish ama anchuchishca cachun.

SALMOS 130:8

Paimi tucui israelcunapac juchacunataca perdonanga.

SALMOS 51:1

Ñuca Dioslla, can llaquic cashca shinallatac ñucata llaquiyari. Can yallita llaquic cashcamanta ñuca mana cazushcata pichaiyari.

SALMOS 51:9

Ñuca juchacunataca ama ricuichu. Tucui ñuca mapacunata pichailla.

ÉXODO 18:9

Jetroca Mandac Dios israelcunaman allitami ruhuashpa, Egiptomanta llucchishcata yachashpami yallita cushicurca.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 1:27

Sión llactata quishpichishpami, ñucapacman cutin cutichisha. Chaipi causaccuna ñucapacman cutirishcamantaca cashcata ruhuashpami quishpichisha.

ISAÍAS 31:6

¡Israelcunalla, cancuna yallita mana cazushpa, llaquichishca Mandac Diospacman cutichicyari!

ISAÍAS 33:24

Chaipi causaccunamanta maijan: «Ungushcami cani» mana ningachu. Sión llactapi causac gentecuna mana allita ruhuashcataca perdonangami.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 43:1

Jacobopac huahua huahua Israel llactata callarichic Mandac Diosca: «Ama manchaichu, Ñucami quishpichircani. Cantaca shutipimi cayarcani, ñucapacmi cangui.

ISAÍAS 43:25

Chaica, ñucami, ñucallatac munashcamanta cancuna mana cazushpa, juchacunata ruhuashcata pichashpa, mana cutin yuyarisha.

ISAÍAS 48:20

¡Babilonia llactamanta llucshichic! ¡Caldeocunamanta miticushpa richic! Caicunataca cushicuihuan huillaichic. Cai pacha tucuricaman huillashpa: “Mandac Diosca, paita servic Jacobopac huahua huahuacunataca quishpichircami.

ISAÍAS 51:11

Mandac Dios quishpichishcacunaca cutinllatacmi Sión llactaman cantashpa yaicunga. Paicunaca huiñaitami cushicunga. Paicunaca yallita cushicuihuanmi canga. Nanaipish, llaquipish, huacaipish illangami.

ISAÍAS 52:9

Jerusalén llactalla, Mandac Diosmi llaquimata quishpichishpa cushichishca. Chaimanta tandanacushpa cushicuihuan cantaichicyari.

ISAÍAS 55:7

Diosta mana manchac runapish mana alli causaita saquichun. Millaita ruhuac runapish mana alli yuyaita saquishpa, Mandac Diospacman cuti richun. Diosca llaquingami. Paipacman cutiricpica, paica perdonangami.

JEREMÍAS 18:23

Mandac Dioslla, paicuna ñucata huañuchingapac yuyaricushcataca yachanguimi. Paicunapac juchacunata ama cungaringuichu. Paicuna mana allita ruhuashcataca ama perdonanguichu. ¡Paicuna cambac ñaupapi urmachun, nina japiric shina piñariyari!

JEREMÍAS 3:1

Mandac Diosca: “Maijanpish paipac huarmita shitacpi, chai huarmi paipacmanta rishpa, shuc carihuan tandaricpica, ¿punta cusaca chai huarmihuan cutin tandari pudingachu? Cutin tandarishpaca, tucui llactatami mapayachin. Canca achca caricunahuanmi chayarinacushpa causarcangui. Chashna cacpipish, ñucapacman cutimui” ninimi.

JEREMÍAS 33:8

Ñucata llaquichishpa, millaita ruhuashpa juchallishcatapish tucuimi pichasha. Ñucata mana cazushpa, juchacunata ruhuashcatapish, jatun tucushcatapish perdonashami.

JEREMÍAS 50:20

Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.

EZEQUIEL 16:63

Can tucui millaita ruhuashcata perdonashca quipami, chaicunata yuyarishpa pingangui. Ña mana pingashpa rimaringuichu. Chaitaca Mandac Dios ñucami nini” ninmi ningui» nirca.

MIQUEAS 7:18

Dioslla, saquirishca can acllashcacuna mana allita ruhuashcata perdonashpa, juchacunata cungaricca, ¿pi shuctac Diosta tiyanyari? Canca llaquic cashpami, mana huañui causaita piñaringui.

ZACARÍAS 1:3

Chaimantami: Tucuita Mandac Diosca: Ñucapacman cutimuichic. Ñucapish cancunapacman cutishami.

ZACARÍAS 3:4

Chai angelca paipac ñaupapi shayacuccunata mandashpaca: «Chai mapa churanata llucchichic» nirca. Chai quipami Josuetaca: «Riqui, cambac juchacunata anchuchishpami sumac churanata churachini» nirca.

1 CORINTIOS 6:20

ashtahuanpish Diosmi cancunataca tucuimanta yalli valic-huan randirca. Chashna cashcamanta cancunapac cuerpohuan, espirituhuan Diosta alli nina nichic. Cuerpopish, espiritupish Diospacmi can.

DEUTERONOMIO 32:43

¡Llactacunalla, Dios acllashca llactata alli nichicyari! Paipac servicta huañuchiccunataca huañuchingami. Paimi, paita piñaccunata huañuchinga. Pai acllashca llactacunapac juchata pichangapacmi chashnaca ruhuanga» nirca.