ISAÍAS 44:17 - Dios Rimashcata Quillcashcami

¹⁷ Chai puchushca caspillahuantac ruhuashca diospac ñaupapi cumurishpa mañashpaca: «Canca ñuca diosmi cangui. Chaimanta quishpichiyari» ninmi.

ISAÍAS 44:17 ပူးပေါင်းရင်းမြစ်များ

1 REYES 18:26

Shina nicpimi, Baalmanta huillaccunaca paicunaman cushca huagrata huañuchishpa, altar jahuapi churarcacuna. Chaimantaca tutamantamanta chaupi punzhacamanmi: «¡Baal, ñucanchic mañashcata uyaiyari!» nishpa Baal diospac ñaupapi danzashpa cainarcacuna. Ashtahuanpish Baalca ima mañashcata mana uyarcachu. Paicunallatac ruhuashca altar ladopimi saltashpa muyurcacuna.

1 REYES 18:28

Paicunaca ashtahuan sinchita caparishpami, paicuna ruhuana cashca shinallatac cuchillocunahuan, lanzacunahuan chugrichishpa yahuarsapa tucurcacuna.

ISAÍAS 2:8

Shinallatac paicunapac llactapica yanga dioscunapish jundami. Paicunapac maquihuan ruhuashca dioscunatami adorancuna.

ISAÍAS 37:38

Shina cacpipish, Senaquerib paipac dios Nisrocpac huasipi paita adoracucpimi, paipac churicuna Adramelec, Sarezer espadahuan huañuchirca. Shina huañuchishpaca Ararat llactamanmi miticushpa rirca. Paipac randica paipac churi Esarhadonmi mandai callarirca.

ISAÍAS 44:15

Chai yuracunallatatacmi rupachishpa cunurin. Hornopi rupachishpami tandata cusan. Chai caspillatatacmi allichishpa shuc yanga diosta ruhuan. Chashnami shuc yanga diosta ruhuashpa, paipac ñaupapi cumurishpa alli nin.

ISAÍAS 44:16

Chai puchushca caspicunata rupachishpami, aichata cusashpa, huicsa pactata micun. Chai quipaca ninapi cunurishpaca: «¡Umm, cai ninapi cunurinimari!» ninmi.

ISAÍAS 45:20

¡Llactapi causacpuramanta saquirishcacunaca tandanacushpa shamuichic! Caspimanta ruhuashca yanga diosta huanduccuna, manapish quishpichic diosta yallita mañaccunaca imatapish mana yachanchu.

ISAÍAS 46:6

Curita mochilamanta llucchishpami cullquita balanzapi pezan. Chai quipaca cullquimanta imata ruhuac runaman cushpami, shuc diosta ruhuachin. ¡Chai diospac ñaupapi cumurishpami adoran!

JEREMÍAS 2:27

Shuc yurata: “Canmi ñuca taita cangui” niccunapish, shuc rumita: “Canmi ñuca mama cangui” niccunapish, pingai tucungami. Paicunaca ñucaman ñahuita ricuchina shinaca, huashatami ricuchin. Cutin llaqui japicpica: “¡Quishpichingapac jatariyari!” nicuncunami.

DANIEL 3:17

Chashna ruhuacpica, ñucanchic servina, ñucanchic Diosmi chai rupacuc hornomantapish, can jatun mandacpac maquimantapish quishpichinga.

DANIEL 3:29

Chaimantami ñucaca: ‘Llactapi causaccunapish, ima rimaita rimaccunapish Sadracpac, Misacpac Abed-negopac Diosta piñashpa rimacca pitinacushca canga. Paipac huasipish tucuchishcami canga. Cashna quishpichic Dios shinaca mana shuctac dios tiyanchu’ nishpami mandani» nirca.

DANIEL 6:16

Shina nicpimi, jatun mandacca Danielta apamushpa leoncuna causana jutcupi shitachun mandarca. Chashna shitacpimi, jatun mandacca Danieltaca: —¡Can punzhanta servina cambac Dios quishpichichun!— nirca.

DANIEL 6:27

Paillatacmi quishpichicpish, cacharichicpish can. Jahua pachapipish, cai pachapipish pi mana ruhuaipaccunata ruhuashpami ricuchin. Paimi leoncuna causana jutcupica cuidarca» nishpami quillcarca.

OSEAS 13:2

Cunanpish paicuna munashca shinami cullquita yacuyachishpa, imaman riccha dioscunata, ruhuashcalla dioscunata ruhuashpa yallita juchallincuna. Chashna ruhuashpami: “Cai dioscunaman animalta cushpa huañuchichic” nincuna. Shina nicpica, chai beci dioscunatami gentecunaca muchancuna.

MIQUEAS 5:12

Brujocunatapish anchuchishami. Cancunapurapica brujocunaca mana ashtahuan tiyangachu.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.

HECHOS 19:27

Mana ñucanchic cullqui japinallachu chingaringa. Ñucanchic Diana diosca tucui Asia llactapipish, shuctac llactacunapipish tucuipac alli nishcami. Cunanca jatun llaquimi tucugrin yuyachin. Diana diosta adorana huasita shitashpa, paita cungaringacunami— nirca.