ISAÍAS 44:14 - Dios Rimashcata Quillcashcami

¹⁴ Sachapi huiñashca cedro, ciprés, encina yuracunatami pitin. Chai quipaca tamyahuan huiñachunmi pino yurata tarpun.

ISAÍAS 44:14 ပူးပေါင်းရင်းမြစ်များ

ISAÍAS 40:20

Huaccha runa ofrendata cungapacca, mana polillac caspitachu mashcan. Chai quipaca imamanpish ricchata ruhuachunmi, alli yachac runata mashcashpa, mana cuyuric diosta ruhuachin.

ISAÍAS 44:13

Carpinteroca caspipi shuc reglata churashpami lapiz-huan señalan. Chai quipaca cepillohuan llambushpami compas-huan runaman ricchata ruhuashpa, huasipi churan.

ISAÍAS 44:15

Chai yuracunallatatacmi rupachishpa cunurin. Hornopi rupachishpami tandata cusan. Chai caspillatatacmi allichishpa shuc yanga diosta ruhuan. Chashnami shuc yanga diosta ruhuashpa, paipac ñaupapi cumurishpa alli nin.

OSEAS 4:12

Ñuca acllashcacunaca imatapish yachangapacmi paicunapac yanga diosman tapun. Chai caspihuanmi ima tucunata huillasha. Paicunataca huainayana yuyaimi pandachin. Chai shina huainayashpa causangapacmi Mandac Diosmanta anchurin.

HABACUC 2:19

¡Canca caspi diostami: “Ricchariyari” ningui! ¡Mana rimac rumi diostami: “Jatariyari” ningui! ¡Aij, imachari tucungui! ¿Chai diosca imatapish yachachi pudingachu? Chai diosca jahuallata curihuan, cullquihuan tapashcami. Samaitapish mana charinchu.