ISAÍAS 43:9 - Dios Rimashcata Quillcashcami

⁹ Tucui llactapi causaccunapish, tucui cai pachapi causaccunapish tandanacuichic. Cancunapurapica, ¿caicunata huillacpish, sarun huatacuna ima tucushcata huillacpish tiyanchu? Tiyashpaca shuccuna uyashpa: «Chaica chashnatacmi» nichun huillaccunata apamuichic.

ISAÍAS 43:9 ပူးပေါင်းရင်းမြစ်များ

SALMOS 50:1

Cancunata Mandac Dios, tucui dioscunapac Diosmi rimarca. Paimi cai pachapi causaccunataca inti llucshina ladomanta inti tigrana ladocaman tandanacuchun cayashca.

ISAÍAS 34:1

¡Tucui llactacunapi causaccuna ñucata uyangapac tandanacuichicyari! ¡Tucui gentecuna alli uyaichicyari! Cai allpapish, chaipi ima tiyaccunapish, cai pachapish, chaipi ima tiyaccunapish uyaichicyari.

ISAÍAS 41:1

Mama cucha patapi causaccuna uyaichic. Tucui mashna sinchiyashpa, ñucapacman shamuichic. Ñucapacman cuchuyashpa rimaichic. Taripangapac caiman tandanacuichic.

ISAÍAS 43:26

Ñucata yuyachichishpa, Taripachun imata cashpapish ricuchichiclla. Cashcata ruhuashca ricuringapac cancunarac rimaichiclla.

ISAÍAS 44:6

Israelcunata jatun mandac, quishpichic, tucuita Mandac Diosca: “Ñucami callaripish, tucuripish cani. Ñucamanta shuctac Diosca mana tiyanchu.

ISAÍAS 46:10

Quipa punzhacuna ima tucunatapish ñucami callarishpa huillani. Manarac imapish tiyacpimi, utcamanta pacha huillarcani. Ñucaca: “Ñuca munashcataca tucuita ruhuashatacmi.

ISAÍAS 48:14

Cancuna tandanacushpa uyaichic. Ruhuashcalla dioscunapuramanta, ¿pitac tucui caicunata huillacca tiyan? Mandac Dios ñuca cuyashca runami Babilonia llactataca ñuca munashcata ruhuanga. Paimi caldeocunataca mandanga.

ISAÍAS 48:3

Mandac Diosca: «Ñaupa ima tucushcacunataca ñucallatacmi huillarcani. Chaitaca ñuca shimihuanmi huillashpa ricuchircani. Chaicunaca chashnatacmi tucurca.

JOEL 3:11

Muyundi llactacunapi causaccuna tandanacushpa shamuichicyari. ¡Mandac Dioslla, fuerzata charic cambac runacunataca paicunapacman cachaiyari!” nishpa caparichicyari» ninmi.