ISAÍAS 43:3 - Dios Rimashcata Quillcashcami

³ Ñucami Mandac Dios cani. Quishpichic, israelcunapac jucha illac Diosmi cani. Cancunata quishpichingapacca Egiptopi causaccunatami curcani. Etiopía, Seba llactacunapi causaccunatami cancunapac randi curcani.

ISAÍAS 43:3 ပူးပေါင်းရင်းမြစ်များ

GÉNESIS 10:7

Cuspac churicunaca: Seba, Havila, Sabta, Raama, Sabtecami carca. Raamapac churicunaca: Seba, Dedanmi carca.

SALMOS 72:10

Tarsis llactata jatun mandaccunapish, yacu patapi causac caishuc jatun mandaccunapish, paiman allicunata cungapacmi apamunga. Sabá llacta, Seba llactata jatun mandaccunapish huatantami convidanacunata cungacuna.

ÉXODO 10:7

Chaita uyashpami, Faraonta serviccunaca: —¿Ima horascamantac cai runaca ñucanchictaca llaquichishpa catigrin? Cai runacunata paicunapac Mandac Diosta servigrichun cachai. Tucui Egipto tucuricushcataca, ¿manachu ricungui?— nirca.

ÉXODO 20:2

«Ñucaca Mandac Diosmi cani. Ñucami cancunataca Egipto llactapi huatashca shina llaquita causacushcamanta llucchircani.

PROVERBIOS 11:8

Cashcata ruhuac runataca jatun llaquimantapish quishpichingami. Ashtahuanpish Diosta mana manchac runataca yalli llaquimi tucuchinga.

PROVERBIOS 21:18

Cashcata ruhuac runataca Diosta mana manchac runata cushpa, allita ruhuac runataca yachashca jahua mana cazuc runata cushpami quishpichin.

ISAÍAS 19:20

Tucuita Mandac Diosta yuyachic shuc señaltami Egiptopi causaccunamanca canga. Llaquichiccuna llaquichicucpi, Mandac Diosta caparishpa mañacpica, quishpichic mandactami cachanga.

ISAÍAS 20:3

Chai quipami, Mandac Diosca: «Ñucata servic Isaiasca quimsa huatatami churana illac, lluchu chaquilla purirca. Shina puricushpami, Egipto llactapi, Etiopía llactapi causaccuna llaqui tucunata ricuchirca.

ISAÍAS 30:11

Alli ñanmanta, alli yachaimanta anchurichic. Israelcunapac jucha illac Diosmanta ama ashtahuan ñucanchic ñaupapi rimaichicchu” nincunami» ninmi.

ISAÍAS 41:14

Israelcunapac jucha illac quishpichic Mandac Diosmi caitapish nini: Curucuna shina ashalla Jacobopac huahua huahuacunapish, curucuna shina ashalla israelcunapish ama manchaichicchu. Ñucaca cancunata ayudac Diosmi cani.

ISAÍAS 42:8

Ñucallami Mandac Dios cani. Shuctac dioscunata sumacyachichunca mana saquishachu. Ruhuashcalla dioscunata alabachunpish mana saquishachu.

ISAÍAS 43:11

Ñucallami Mandac Dios cani. Ñucallami quishpichicca cani.

ISAÍAS 45:14

Mandac Diosca: «Egiptopi causaccuna ima charishcapish, Etiopía llactapi randishcapish, Sabá llactapi causac jatun runacuna charishcapish cambacmi tucunga. Cambac huashataca cadenahuan huatashcami catingacuna. Cambac ñaupapi llaquilla tucushpa cumurishpaca: “Diosca canhuantacmari. Shuctac Diosca mana tiyanchu.

ISAÍAS 45:15

Israelcunapac quishpichic Mandac Dioslla, canca mana ricuric Diosmi cangui” ningacuna.

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 60:16

Shuc huahua lecheta chuchuc shinami, shuctac llactacunamanta imacunata chasquishpa causangui. Mama chuchuchic shinami, jatun mandaccunaca imatapish caranga. Shina ruhuacpimi, Mandac Diosca quishpichic cashcata, Jacobota sinchiyachic cashcata yachangui.

ISAÍAS 63:8

Paica: «Paicunaca ñuca acllashca, mana llullac ñuca huahuacunami» nishpami, paicunataca quishpichirca.

JEREMÍAS 14:8

Llaqui punzhacunapi quishpichichun israelcuna shuyana, quishpichic Dioslla, ¿ima nishpatac cai llactapica caru llacta runa shina tucungui? ¿Ima nishpatac puric runa pacaringapac carpata shayachic shina tucungui?

JEREMÍAS 16:21

Chaimantami cunanca ñuca poderta charishcata paicunaman ricsichigrini. Shina ruhuacpimi, ñuca shutica Mandac Dios cashcata yachanga.

EZEQUIEL 39:7

Shinami ñuca shutica jucha illac cashcata ñuca acllashca israelcunapac chaupipi ricsichisha. Ñuca shutita yangapi churachunca, jaicapi mana saquishachu. Shina ruhuacpimi, shuctac llactapi causaccunaca ñucataca israelcunapac jucha illac, Mandac Dios cashcata yachangacuna.

OSEAS 13:4

Mandac Diosca: «Ñucaca Egiptomanta llucchimushca punzhamanta pachami cancunata Mandac Dios cani. Ama ñucapac randi, shuctac diosta charinguichicchu. Shinallatac shuctac quishpichictapish ama charinguichicchu. Ashtahuanpish ñucallami Dios cani.

LEVÍTICO 11:44

Ñucaca cancunata Mandac, jucha illac Diosmi cani. Chaimanta cancunapish jucha illac caichic. Pambata aisarishpa puric animalcunata micushpa ama mapayanguichicchu.

AMÓS 9:7

Mandac Diosca: «Israelcunalla, cancunaca ñuca ñaupapica, ¿manachu Etiopía llactapi causaccuna shina canguichic? ¿Manachu cancunataca Egiptomanta llucchimurcani? ¿Manachu filisteocunataca Caftor llactamanta, cutin arameocunataca Quir llactamanta llucchimurcani?» ninmi.

ZACARÍAS 9:9

¡Sionpi causaccunalla, yallita cushicuichicyari! Jerusalenpi causaccunalla, cushicushpa caparichicyari. Riquichic, cancunata jatun mandacca mama burropac huahua maltón burritopimi cancunapacman shamunga. Paica cashcata ruhuac, quishpichic, cuyac shungumi canga.

SAN JUDAS 1:25

¡Paitaca sarunpish, cunanpish, huiñaipacpish sumaimana jatun cashcamanta, imatapish ruhuaipac mandac cashcamanta, ñucanchic Apunchic Jesucristomanta alli nishunchicyari! Chashna cachun.