ISAÍAS 43:23 - Dios Rimashcata Quillcashcami

²³ Ñucaman cushpa, rupachingapac animalta mana apamurcanguichicchu. Ñucata alli ningapac mana animalcunata curcanguichicchu. Ñucaca ofrendatapish mana mañashcanichu. Inciensota mañashpapish mana piñachircanichu.

ISAÍAS 43:23 ပူးပေါင်းရင်းမြစ်များ

NEHEMÍAS 13:10

Shinallatac levitacunaman micunata mana cucpi, levitacuna, Diospac huasipi servishpa cantaccuna, paicunapac allpacunaman rishcata yachac chayarcani.

ÉXODO 30:34

Cutinllatacmi Mandac Diosca Moisestaca: «Mishquilla ashnacuc resinata, shillulaya alajata ashnacuc yuramanta ashtahuan alli inciensotapish, mishquilla ashnacuc galbanotapish chai shinallatac pezashpa japingui.

PROVERBIOS 15:8

Mandac Diosca paita mana manchaccuna animalta cushpa rupachishcataca millanayachinmi. Ashtahuanpish allita ruhuaccuna mañacpica cushicunmi.

PROVERBIOS 21:27

Diosta mana manchaccunaca animalta Diosman cushpa rupachishcapish millanami. Mana alli shunguhuan cushcatacarin ashtahuanmi mana ricunayachin.

PROVERBIOS 3:9

Mandac Diostaca cambac charishcacunahuan, punta pucushca granocunahuan alli ningui.

ISAÍAS 66:3

Huagrata huañuchishpa ñucaman cushcaca shuc runata huañuchishpa cushca shinami. Ovejata huañuchishpa cushcaca allcuta huañuchishpa, cushca shinami. Ima ofrendata ñucaman cushcaca cuchi yahuarta cushca shinami. Inciensota cushnichishcaca yanga diosta mañashca shinami. Chashna paicuna quiquin munashcata ruhuashpa, millanayaita ruhuashpa shungupi cushicushcamantaca,

JEREMÍAS 7:21

Israelcunapac tucuita Mandac Diosca: «Cancunaca ashtahuan animalta cushpa tucui rupachichic. Chai aichata micuichic.

JEREMÍAS 7:22

Ñucaca cancunapac ñaupa taitacunata Egiptomanta llucchimui punzhapica animalta tucui rupachinamanta mana parlarcanichu, shinallatac mana mandarcanichu.

LEVÍTICO 2:1

Maijanpish grano ofrendata Mandac Diosman cushpaca, ashtahuan alli harinapi aceitetapish, inciensotapish churashpami apamuna can.

LEVÍTICO 24:7

Chai filacunapica imahuan mana chapushca alli inciensota churangui. Chai tandacunami yuyaringapac ñucaman cushpa, rupachishca canga.

AMÓS 5:25

Israelcunalla, cancuna shitashca pambapi chuscu chunga huatata puricushpaca, ¿ñucaman animalta cushpa huañuchircanguichicchu? ¿Ofrendatapish curcanguichicchu?

MIQUEAS 6:3

Ñuca acllashcacunalla, ¿cancunataca imatatac ruhuarcani? Mana cashpaca, ¿imata ruhuashpatac piñachircani? ¡Imata cashpapish huillaichiclla!

MALAQUÍAS 3:8

¿Runaca, Diospacta shuhuanchu? ¡Cancunaca ñucapac cashcata shuhuashcanguichicmari! Shina shuhuashpapish: “¿Imatatac shuhuarcanchic?” ninguichicmi. ¡Cancunaca chungamanta shucta cunata mana cushpami shuhuanguichic!

SAN MATEO 11:30

Ñuca yugoca pangallami. Ñuca cushca aparinapish aparinallami» nirca.