ISAÍAS 42:9 - Dios Rimashcata Quillcashcami

⁹ Ñuca utcaman huillashcaca ñami pactashca. Cunanca manarac pasashca, manarac tucushcatami huillacuni» nirca.

ISAÍAS 42:9 ပူးပေါင်းရင်းမြစ်များ

1 REYES 11:36

Salomonpac churi mandachunca shuc aillullatami cusha. Ñucata servic Davidpac huahua huahuacunataca lámpara shina mana huañuc punzhanta cachunmi Jerusalenpi mandachun saquigrini. Chai pueblotaca ñuca shutipi mañachunmi acllarcani.

ISAÍAS 43:19

Ñucaca cancuna mana ricushca mushuctami ruhuacuni Chaitaca ñallami ricuchisha. Chaitaca, ¿manachu ricunguichic? Cutinmi shitashca pambata ñanta pascashpa, chaquishca pambacunapica jatun yacucunata llucchisha.

ISAÍAS 48:3

Mandac Diosca: «Ñaupa ima tucushcacunataca ñucallatacmi huillarcani. Chaitaca ñuca shimihuanmi huillashpa ricuchircani. Chaicunaca chashnatacmi tucurca.

ISAÍAS 48:5

Cancuna: “Caspita llacllashpa, fierrota yacuyachishpa ruhuashca dioscunami caitaca cachashca” ama nichunmi, utca huatallapitac ña huillarcani. Ñuca huillashca manarac pactacpimi, ña huillarcani.

ISAÍAS 48:6

Chai tucuitami cancunaca uyarcanguichic, ricurcanguichic. ¿Chaicunataca manachu huillagringuichic? Cunanca, cancuna mana yachashca mushuctami huillagrini.

SAN JUAN 13:19

Manarac chaicuna pactacpimi, ñuca pi cashcata cancuna crichun, cunanmanta pacha huillacuni.

HECHOS 15:18

Ñaupamanta pacha tucui ima tucuna cashcata huillac Mandac Dios ñucami, chashnaca nini” ninmi.

JOSUÉ 21:45

Mandac Dios israelcunaman allita ruhuasha nishcataca shuc rimaillatapish mana saquishpami tucui pactachirca.