ISAÍAS 42:24 - Dios Rimashcata Quillcashcami

²⁴ Jacobopac huahuacunataca, ¿pitac prezuchircayari? ¿Pitac israelcunataca shuhuaccunapac maquipi churarcayari? ¿Manachu Mandac Dios ñucanchic mana cazushcamanta llaquichicun? Pai mandashcacunata mana cazushpami, pai munashca shina mana causarca.

ISAÍAS 42:24 ပူးပေါင်းရင်းမြစ်များ

2 CRÓNICAS 15:6

Shuctac llacta gentecunaca chaishuc llacta gentecunatami huañuchirca. Shuc pueblopi causaccunaca chaishuc pueblopi causaccunatami huañuchirca. Tucuilaya llaquicunata Mandac Diosllatac cachacpimi, chashna tucurca.

2 CRÓNICAS 36:17

Mandac Diosca chashna yallita piñarishpami, Judá llactapi causaccunata llaquichichunca, caldeocunata jatun mandacta cacharca. Paimi quipa huiñai mosocunatapish, carihuan manarac chayarishca solteracunatapish, yuyaccunatapish, ungushcacunatapish mana llaquishpa, Diospac huasi ucullapitac huañuchirca. Chashnami tucui paicunataca jatun mandacpac maquipi churarca.

SALMOS 81:12

Chaimantami paicunapac shungu munashcata ruhuachun saquircani. Paicunapac yuyarishca shinata ruhuashpami causarcacuna.

SALMOS 81:13

¡Ñuca acllashcacuna ñuca rimashcata uyashca cacpi, israelcuna ñuca mandashca shina purishca cacpica,

ISAÍAS 30:15

Israelcunata Mandac, jucha illac Diosca: «Juchacunata saquishpa, cushilla causashpami quishpiringuichic. Ñucapi shunguta churashpa shuyacushpaca sinchiyanguichicmi» nirca. Shina nicpipish, chaita mana munarcanguichicchu.

ISAÍAS 42:23

Cancunapuramantaca, ¿pitac caitaca uyangayari? Shamuc punzhacuna ima tucunata huillacpipish, ¿pitac yuyaita japingayari?

ISAÍAS 45:7

Ñucami punzhatapish, amsatapish ruhuani. Ñucami cushi causaitapish, llaqui causaitapish cuni. Mandac Dios ñucami tucui caicunata ruhuarcani.

ISAÍAS 47:6

Ñuca acllashcacunahuan piñarishpami ñuca acllashca llactataca cambac maquipi churarcani. Chashna churacpica, mana llaquishpami yuyac runatapish llashac yugota apachic shina llaquichircangui.

ISAÍAS 48:18

¡Ñuca mandashcacunata cancuna uyashpa cazucpica, jatun yacu shinami cushi causaica mana tucurinman carca! Cashcata ruhuanaca mama cucha caiman chaiman cuyuric shinami, canman carca.

ISAÍAS 57:17

Imatapish yallita munashpa, millaita ruhuashcamantami yallita piñarishpa llaquichircani. Chaimantami tigrarishpallapish mana ricurcani. Shina cacpipish, paicunaca mana cazushpami shungu munashcata ruhuashpa catirca.

ISAÍAS 63:10

Ashtahuanpish paicunaca mana cazushpami, paipac jucha illac Espirituta piñachirca. Chaimantami Diosca paicunata piñashpa, paicunahuan macanacurca.

JEREMÍAS 44:10

Cunan punzhacamanmi cancunaca mana llaquirishcanguichic, mana manchanguichic. Ñuca mandashcacunata, pactachichun rimashcacunataca, cancunapac taitacunapish, cancunapish mana cazushcanguichicchu.

JEREMÍAS 5:15

Israelcunalla, cancunata llaquichichunca caru llactamantami ñaupa pachamanta causac, sinchi runacunata apamugrini. Paicunaca mana ricsishca rimaitami rimancuna. Paicuna rimashcataca mana entendinguichicchu.

LAMENTACIONES 1:14

Mandac Diosmi paipac maquihuan ñuca juchataca yugota shina, ñucapi huatarca. Yugota ñuca cungapi huatashpami, yallita irquiyachishpa llaquichirca. Ñucataca maita mana ati pudipac gentecunapac maquipimi churarca.

LAMENTACIONES 1:18

Mandac Diosca cashcata ruhuacmi. Ñucami pai mandashcacunataca mana cazurcani. Tucui llactapi causaccuna, ñuca llaquita ricuichicyari. Carihuan manarac charishca solteracunapish, mosocunapish prezu japi tucurcami.

DANIEL 1:2

Mandac Diosmi Judá llactata mandac Joacimtapish, paipac huasipi tiyac imacunatapish Nabucodonosorpac maquipi churarca. Shina churacpimi, Babiloniaman apashpa, paipac dioscunapac imacuna huacaichinapi churarca.

AMÓS 3:6

Llactapi cornetapi manarac tocacpi, ¿gentecunaca mancharishpa caparingachu? Mandac Dios manarac llaquichicpi, ¿llactapi llaqui tiyangachu?

SAN MATEO 22:7

Chashna ruhuacpimi, jatun mandacca yallita piñarishpa, chai huañuchic runacunataca huañuchishpa, chai pueblotapish rupachichun soldadocunata mandarca.

DEUTERONOMIO 28:49

Mandac Diosca mana entendipac rimaita rimac gentecunatami cai pacha tucurimanta apamunga. Paicunaca carumantami águila shina cungailla shamunga.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JUECES 10:7

Chaimantami Mandac Dios israelcunahuan nina japiric shina piñarishpa filisteocunapac maquipi, shinallatac amonitacunapac maquipi churarca.

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

JUECES 3:8

Chaimantami Mandac Diosca nina japiric shina piñarishpa, israelcunataca Mesopotamia llactata mandac Cusan-risataimpac maquipi churarca. Chaipimi paicunaca pusac huatata servirca.