ISAÍAS 42:20 - Dios Rimashcata Quillcashcami

²⁰ Paicuna imata ricushpapish mana yuyarinchu. Ringrita charishpapish mana uyancunachu.

ISAÍAS 42:20 ပူးပေါင်းရင်းမြစ်များ

SALMOS 107:43

Maijanpish alli yachac, cai yuyaicunata cazucmi Mandac Dios llaquic cashcataca entendinga.

ISAÍAS 1:3

Huagrapish paipac dueñota ricsinmi. Burropish dueñopac corralta ricsinmi. Ashtahuanpish israelcunaca mana ricsincunachu. Ñuca acllashcacunaca mana yuyaita japincunachu.

ISAÍAS 58:2

Paicunaca cashcata ruhuashpa causac shina, ñuca mandashcacunata cazushpa causac shinami, punzhanta ñucata mashcashpa, ñucamanta yachanata munan. Paicunaca cashcata ruhuashpa ricuchichunmi mañan. Shinallatac Diospacmanmi cuchuyanata munan.

ISAÍAS 6:9

Shina nicpimi paica: —Canca gentecunataca: “Allita uyashpapish, mana yuyaita japinguichicchu. Allita ricushpapish mana entendinguichicchu” ningui.

JEREMÍAS 6:10

Ñucaca: «¿Pitatac ama chashna ruhuaichu nishpa rimashayari? Paicunaca ringri huichcashca cashcamantami mana uyancuna. Can Mandac Dios rimashcataca pingashpami mana uyasha nin.

EZEQUIEL 33:31

Paicunapish ñuca acllashca gentecuna shinami, can rimashcata uyangapac cambac ñaupaman shamun. Shina cashpapish mana pactachincunachu. Chai gentecunaca shimillahuanmi alli nincuna, ashtahuanpish shungupica chayucyana manaihuanmi purin.

EZEQUIEL 33:32

Riqui, canca paicunapacca cuyaimanta sumacta cantac, sumacta tocac shinami cangui. Can huillashcata uyashpapish mana pactachincunachu.

NÚMEROS 14:22

Ñuca poderhuan ricuchishcacunata ricuccunapish, Egipto llactapi, cai shitashca pambapi ruhuashcata ricuccunapish, ñuca nishcata mana cazushpa, chunga cutincaman pandachisha niccunapish

SAN MATEO 13:13

Chaimantami paicunamanca chimbapurashpa parlani. Paicunaca ricushpapish, mana ricushca shina, uyashpapish mana uyashca shinami, mana entendincuna.

ROMANOS 2:21

Shuccunata yachachishpaca, ¿ima nishpatac mana canllatac yachacungui? Can “Mana shuhuanachu” nishpa yachachishpaca, ¿ima nishpatac shuhuanata mana saquingui?

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.