ISAÍAS 42:14 - Dios Rimashcata Quillcashcami

¹⁴ Mandac Diosca: «Ñucaca unai huatacunatami upalla carcani. Mana ricushca shina, mana uyashca shinami carcani. Cunanca, sajuaric huarmi nanaihuan caparic shina caparishpami llaquinayaita huañuchishpa tucuchisha.

ISAÍAS 42:14 ပူးပေါင်းရင်းမြစ်များ

JOB 32:18

Ñuca shungupi tauca yuyaicunata charishpami, yallita rimana munaihuan cani.

JOB 32:20

Imallatapish rimashpami cushilla casha. Can ima nishcacunata cutichingapacmi ñuca shimihuan rimasha.

SALMOS 50:2

Tucuita yalli sumac Sión urcumantami Diosca achicyachishca.

SALMOS 50:21

Chai tucuita ruhuacucpipish upalla saquircanillami. Ñucataca can shina cashcatami yuyangui. Ashtahuanpish can chai millaita ruhuashcata ricuchishpami llaquichigrini.

ISAÍAS 30:18

Mandac Diosca cancunata llaquingapacpish shuyacunmi. Paica cancunata llaquic cashcamantami shuyacun. Mandac Diosca cashcata ruhuac Diosmi. ¡Tucui paita yuyarishpa causaccunaca yallita cushicuchun!

ISAÍAS 57:11

¿Pita manchashcamanta ñucata crinata saquircangui? ¿Pi manchachicpitac ñucata crinata saquishpa, mana yuyarircangui? ¿Ñuca imata mana nishpa, upalla saquishcamantachu ñucataca jaicapi mana mancharcangui?

ISAÍAS 64:12

Mandac Dioslla, cai tucuita ricushpaca, ¿manachu imata ruhuagringui? ¿Chashna upalla saquishpachu, ñucanchictaca llaquichicunguilla?

ISAÍAS 65:6

Paicuna ruhuashcaca ñuca ñaupapimi quillcashca tiyacun. Mana upalla saquishachu. Ashtahuanpish paicuna imata ruhuashca shinami,

JEREMÍAS 15:6

Canca ñucata saquishpami, huashaiman cutircangui. Ñucaca llaquicushpami shaicurcani. Chaimantami llaquichisha Chaitaca Mandac Diosmi nin.

JEREMÍAS 4:31

Punta sajuaric huarmi shina, llaquinayaita caparicuctami uyarcani. Sionpi causaccunami yallita caparishpa huacacun. Paicuna maquita chutashpaca: “¡Aij ñucalla, cunanca imachari tucusha! Ñucaca huañugrinimi. Cai runacunami ñucataca tucuchigrin” nishpami caparicun» ninmi.

JEREMÍAS 44:22

Mandac Diosca cancuna yalli mana allicunata, millana mapacunata ruhuashpa causacucpimi, ña mana ashtahuan ricusha nirca. Chaimantami cancunapac llactaca tucuipac mancharina, mana alli nishca, shuc runallapish mana tiyac saquirishca. Cunan punzhacamanmi chashna shitashca saquirishca.

SAN LUCAS 18:7

Diosca, ¿manachu pai acllashcacuna tutapish, punzhapish mañacucpica uyanga? ¿Mañashcata cungapac unayangachu?

2 PEDRO 3:15

Apunchic Jesús pai llaquishcamanta maijanpish quishpirichun nishpa, mana utca shamushpa shuyacushcataca yuyarichicyari. Caicunallamantatacmi ñucanchic cuyashca huauqui Pablopish, Dios yuyaita cucpi cancunamanca ña quillcarca.