ISAÍAS 41:5 - Dios Rimashcata Quillcashcami

⁵ Mama cucha patapi causaccunapish, tucui cai pacha causaccunapish chaita ricushpami mancharishpa, tandanacushpa shamurca.

ISAÍAS 41:5 ပူးပေါင်းရင်းမြစ်များ

GÉNESIS 10:5

Paicunaca mama cucha lado llactacunapimi causarca. Paicunaca quiquin rimaita rimashpami, paicunapac aillucunapuralla causarca.

SALMOS 65:8

Chashna sumaimanata ruhuacta ricushpami, tucui cai pachapi causaccunapish manchancuna. Canmi inti llucshinamanta callarishpa inti tigrana llactacaman cushichingui.

SALMOS 65:9

Cai pachatapish ricungapac shamushpa, tamyachishpami yallita granota pucuchingui. Cambac jatun yacuta tallishpami sumaimana chagrata pucuchingui. ¡Can munashca shinami tucuita ruhuangui!

SALMOS 66:3

Sumac Diostaca: «Can ruhuashcacunaca sumaimana mancharinacunami. Tucuita ruhuac cacpimi, canta piñaccunaca manchaihuan cumurincuna.

SALMOS 67:7

Dios ñucanchicta bendiciachun. Tucui cai pachapi causaccuna paita manchachun.

ÉXODO 15:14

Gentecunaca chaita uyashpaca chucchungami. Filisteocunaca yallita manchangami.

ISAÍAS 41:1

Mama cucha patapi causaccuna uyaichic. Tucui mashna sinchiyashpa, ñucapacman shamuichic. Ñucapacman cuchuyashpa rimaichic. Taripangapac caiman tandanacuichic.

ISAÍAS 41:6

Tucui paicunapura ayudanacushpaca: «¡Sinchicuichic!» nircami.

EZEQUIEL 26:18

Cunan llaqui tucucpica, mama cucha patapi causaccunapish, islacunapish, chucchushpami mancharinga.

JOSUÉ 2:10

Cancuna Egiptomanta llucshicucpi, cancuna pasachun, Puca Cuchata Mandac Dios chaquichishcata, shinallatac Jordán yacu chimba ladopi causac amorreocunata jatun mandac Sehontapish, Ogtapish imata ruhuashcataca yachanchicmi. Paicunata tucui tucuchishcata uyarcanchicmi.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.