ISAÍAS 41:26 - Dios Rimashcata Quillcashcami

²⁶ Chaita yachachunca, ¿pitac utcaman ña huillarcayari? Chaita ricushpa: «Chashna tucunatacmi carca» nichunca, ¿pitac manarac tucucpi, ña huillarcayari? Pipish imata mana huillashcachu. Pipish ima mana rimashcachu. Cancunapac shimihuan nishcataca pipish mana uyashcachu.

ISAÍAS 41:26 ပူးပေါင်းရင်းမြစ်များ

ISAÍAS 41:22

Quipa punzha ima tucunata huillangapac cuchuyaichicyari. Ñucanchic tucui shunguhuan uyangapac callari punzhacunapi ima tucushcata, achca huatacuna pasashca ima tucushcata huillaichicyari. Shamuc punzhacuna ima tucunata yachangapac huillaichicyari.

ISAÍAS 41:4

¿Pitac chashna tiyachun, chashna catichun ruhuan? Callarimanta cai pacha ima shina canataca, ¿pitac yachan? Mandac Dios ñucallatacmi callaripish, tucuripish cani.

ISAÍAS 43:9

Tucui llactapi causaccunapish, tucui cai pachapi causaccunapish tandanacuichic. Cancunapurapica, ¿caicunata huillacpish, sarun huatacuna ima tucushcata huillacpish tiyanchu? Tiyashpaca shuccuna uyashpa: «Chaica chashnatacmi» nichun huillaccunata apamuichic.

ISAÍAS 44:7

¿Pitac ñuca shinaca tiyan? ¡Maijan tiyacpica, shayarishpa huillachun! ¡Gentecuna causai callarishcamanta pacha ima tucushcata huillachun! ¡Quipa punzha ima tucunatapish callarishpa ñuca ñaupapi huillachun! ¡Quipa punzha ima tucunatapish shayarishpa huillachun!

ISAÍAS 45:21

Imata nisha nishpaca ñucapac ñaupapi nichicyari. Chai quipaca tucui tandanacushpa tapunacuichicyari. ¿Pitac ñaupamanta pacha chaicunata huillarca? ¿Pitac utcamanta pacha ña huillarca? Mandac Dios ñucallami huillarcani. Cashcata ruhuac quishpichic Diosca ñucallami cani. Ñucamanta shuctac Diosca mana tiyanchu.

ISAÍAS 46:9

Utca huatacunapi ñuca imata ruhuashcacunatapish yuyarichicyari. Ñucami Dios cani, ashtahuan shuctac Diosca mana tiyanchu. Ñucaman shinaca pipish mana tiyanchu.