ISAÍAS 41:17 - Dios Rimashcata Quillcashcami

¹⁷ Huacchacunapish, imata mana chariccunapish yacuta mashcashpaca mana tarinchu. Shinami yacunayaihuan paicunapac calluca chaquishca. Ñucami paicuna mañashcata uyasha. Israelcunapac Dios ñucaca, manatac saquishachu.

ISAÍAS 41:17 ပူးပေါင်းရင်းမြစ်များ

GÉNESIS 28:15

Ñucaca canhuanmi cani, can maita ricpipish, cuidashpami, cai allpaman cutichimusha. Can ñuca nishcata pactachingacaman cantaca manatac saquishachu» nirca.

1 REYES 17:8

Shina cacpimi Mandac Dios Eliasta rimashpaca:

2 CRÓNICAS 6:17

Shina cashcamanta israelcunata Mandac Dioslla, cunanca canta servic ñuca taita Davidman cushami nishcataca pactachi.

SALMOS 22:15

Ñuca shimipish chaquishca callana shinami. Ñuca callupish chaquishpami, palancarapi llutarin. Huañushpa allpa tucuchunmi saquishcangui.

SALMOS 34:6

Cai huaccha runa caparishpa mañacpica, Mandac Diosca uyashpami tucui llaquicunamanta llucchirca.

SALMOS 37:25

Ñucaca huambrami carcani. Cunanca ñami yuyacyashcani. Cashcata ruhuac runa shitashca causacuctaca mana ricushcanichu. Paipac churicuna micunata mañashpa puricuctapish mana ricushcanichu.

SALMOS 42:2

Ñuca almaca yacunayaihuan huañucuc shinami, causac Diosta mashcan. ¿Ima horastac Diospac ñaupapi ricuringapac rishayari?

SALMOS 50:15

Llaqui punzhacunapi cashpa, ñucata mañangui. Ñuca llaquimanta llucchicpica, ñucata alli ningui» ninmi.

SALMOS 74:21

Llaquita apaccunataca ama ashtahuan sarushca cachun saquichu. Llaquita apacuc huacchacunamari cantaca alabangacuna.

SALMOS 94:14

Mandac Diosca paipac gentecunataca mana saquingachu. Paipaclla causaccunataca manatac cungaringachu.

ÉXODO 17:3

Israelcunaca yacunayaihuan cashpa, Moisesta rimashpaca: —Ñucanchicpish, huahuacunapish, animalcunapish yacunayaihuan huañuchunca, ¿imapactac Egiptomanta llucchimurcangui?— nirca.

ÉXODO 17:6

Ñucaca Horeb urcu jahuapimi cambac ñaupapi casha. Can rumipi varahuan huactacpica, chaimanta yacuca llucshingami. Chaipica ubiangallami— nirca. Moisesca israelcunata pushaccunapac ñaupapimi chashna ruhuashpa ricuchirca.

ISAÍAS 30:19

Sión urcupi tiyac Jerusalenpi causaccunalla, mana ashtahuan huacanguichicchu. Cancunata llaquic Mandac Diosca cancuna caparishpa huacashcata uyashpami, cancuna mañashcata uyanga.

ISAÍAS 42:16

Ñahui mana ricuccunataca paicuna mana ricsishca ñantami pushasha. Paicuna mana ricsishca chaqui ñantami allita pushasha. Paicunapac ñaupapica pura tutataca achictami ruhuasha. Mana puripac ñancunata sumac pamballata ruhuashpami, paicunataca mana saquisha.

ISAÍAS 43:20

Ñuca acllashcacuna ubiachun shitashca pambapi yacuta llucchicpi, chaquishca pambapi yacuta cucpimi, sacha animalcunapish, chacal animalcunapish, huahua avestruzcunapish ñucata alli ningacuna.

ISAÍAS 44:3

Ñucami chaquishca pambapi tamyachishpa, jatun yacucunata ruhuasha. Cancunapac huahua huahuacunaman ñuca Espirituta cachashami. Paicunapac huahuacunata bendiciashami.

ISAÍAS 48:21

Chaquishca pambata pushacpipish mana yacunayachircacunachu. Rumimantami yacuta llucchirca. Jatun rumi quingraita paquicpimi, yacuca callparca” ninguichic» ninmi.

ISAÍAS 49:10

Paicunataca yarcaipish, yacunayaipish mana japingachu. Intipish mana rupachingachu. Paicunata llaquic, Dios ñucami yacu llucshic pushtuman pushasha.

ISAÍAS 55:1

¡Tucui yacunayaihuan causaccuna, yacuta ubiangapac shamuichic! ¡Cullquita mana chariccunapish, japishpa micungapac shamuichic! Ima cullquitapish mana cushpa vinota, lecheta japingapac shamuichic.

ISAÍAS 58:11

Mandac Dios ñucami tucui causaipi michishpa, chaquishca pambapipish, cancuna mañashcata carasha. Cancunapac tullucunatapish sinchiyachishami. Alli parcushca huerta shina, huiñaita tucyacuc yacu shinami canguichic.

ISAÍAS 61:1

Mandac Diosmi ñucataca aceitehuan cahuirca. Chaimantami paipac Espíritu ñucapica causan. Ñucataca llaquilla causaccunaman alli huillaita huillachun, shungu paquirishcacunata ayudachun, prezumanta llucchinata huillachun, carcelpi tiyacuccunaman paicuna llucshina chayamucushcata huillachunmi cacharca.

ISAÍAS 62:12

Paicunataca “Mandac Dios quishpichishca, jucha illac gentecuna” nincunami. Can Jerusalentapish “Dios cuyashpa, mana shitashca llacta” ningacunami.

ISAÍAS 65:13

Chaimantami Mandac Diosca: «Ñucata serviccunaca yallita micucungami, ashtahuanpish cancunaca yarcaihuanmi canguichic. Ñucata serviccunaca yacuta ubiacungami, ashtahuanpish cancunaca yacunayaihuanmi canguichic. Ñucata serviccunaca cushicungami, ashtahuanpish cancunaca pingaihuanmi canguichic.

ISAÍAS 65:24

Manarac cayacpimi, ñucaca uyasha. Paicuna rimaricucllapitacmi ñucaca uyasha.

ISAÍAS 66:2

Tucui caicunataca ñucami ruhuarcani. Chaimantami tucui caicunaca tiyan. Ñucaca shungupi llaquirishpa, ñuca mandashcata manchashpa, causac huaccha gentecunatami alli nishami.

JEREMÍAS 31:25

Shaicushcapac shungutaca sinchiyachishami. Llaquilla causaccunapac almatapish cushichishami» ninmi.

LAMENTACIONES 4:4

Yallita yacunayaihuanmi chuchucuc huahuapac calluca palancarapi llutarirca. Huahuacuna tandata mañacucpica, pi mana cuc tiyanchu.

EZEQUIEL 47:8

Chaimantami ñucataca: «Cai yacuca inti llucshina lado llactamanmi ricun. Arabá pambata urai rishpaca, Cachi Cuchaman chayashpami, mishqui yacu tucunga.

SAN MATEO 5:3

«Juchayuc cashcamanta Diosta mashcaccuna, ¡cushicuichic! Jahua pacha Dios mandacucca cancunapacmi.

SAN MATEO 5:6

Yarcaihuan yacunayaihuan shina, cashcata ruhuanata munaccuna, ¡cushicuichic! Diosmi chaita pactachichun saquinga.

SAN LUCAS 16:24

Chaimanta chayuc runa caparishpaca: “¡Taita Abrahamlla, ñucata llaquiyari! Ñucaca cai ninapimi llaqui nanaihuan apacuni. Chaimanta Lazarota cachai, paipac dedota yacupi satishpa, ñuca callullatapish chiriyachichun” nirca.

2 CORINTIOS 12:9

Shina mañacpipish Apunchic Jesusca: «Chashna llaquicunata apacushpapish, ñuca cuyashcamantaca cushicuilla. Ñuca imatapish ruhuaclla cashcaca, can imatapish mana ruhuaipac cacpimi alli ricurin» nircami. Chaimanta Cristo imatapish ruhuaclla cashca ñucapi ricurichunmi, ñucaca imatapish mana ruhuaipaclaya canata munani.

APOCALIPSIS 21:6

Chai quipaca ñucataca: «¡Ñami tucui pactachishca! Ñucaca callari A shina, tucuri Z shinami tucuita callarichicpish, tucuchicpish cani. Maijanpish yacunayaita charicmanca, huiñai causaita cuc tucyacuc yacutami yanga ubiachisha.

APOCALIPSIS 22:17

Diospac Espiritupish, Pactalla Ovejapac huarmipish Jesustaca «¡shamui!» ninmi. Shinallatac maijan caita uyacpish «¡shamui!» nichun. Maijanpish yacunayaihuan cashpa shamusha nicca shamushpa, causaita cuc yacuta mana imata cushpa ubiachunlla.