ISAÍAS 41:15 - Dios Rimashcata Quillcashcami

¹⁵ Riquichic, cancunataca trillana mushuc fierrota shinami churani. Quirusapa mushuc lastrillo shinatami ruhuani. Urcucunataca trillac shinami polvonguichic. Lomacunataca cupata trillac shinami ñutuchinguichic.

ISAÍAS 41:15 ပူးပေါင်းရင်းမြစ်များ

JOB 41:30

Paipac cuerpoca puntasapa fierrocuna churashca shinami. Pai purishca pambacunaca jutcu jutcumi saquirin.

SALMOS 18:42

Paicunataca ñuto allpata huairapi chingachic shinami chingachircani. Ñanpi siric turuta shinami sarurcani.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

ISAÍAS 21:10

Shina nicpimi ñucaca: «Trillashpa huairachishca shina, ñuca llactapi causaccunalla, israelcunata Mandac Dios rimashcata uyashpami cancunamanca huillani» nircani.

ISAÍAS 28:27

Eneldo granotaca mana trillana pambapichu trillan. Comino granotapish mana carretahuanchu trillan. Ashtahuanpish eneldotaca varallahuanmi huactan. Cominotaca caspillahuanmi huactan.

ISAÍAS 29:5

Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.

ISAÍAS 42:15

Urcucunapi, lomacunapi tiyac tucui quihuata chaquichishpami shitashpa saquisha. Jatun yacucunatapish chaquishca pamba shinatami saquisha. Cuchacunatapish chaquichishami.

ISAÍAS 64:1

¡Jahua pachata lliquic shina, urai shamushpaca, allichari canguiman! Can ricuricpica, urcucunapish chucchunmanmi.

JEREMÍAS 51:20

Babilonia llactalla, ñuca llaquichina martillo shina, ima shuctac macanacuna shinami canguichic. Cancunahuanmi llactacunata urmachisha.

JEREMÍAS 51:33

Israelcunapac tucuita Mandac Diosca: «Sumaimana Babilonia llactaca trigota trillana era shinami. Asha punzha quipaca ñami cosechana punzha chayamugrin» ninmi.

JEREMÍAS 9:10

Cunanca, chai llactataca pipish mana pasanchu. Huagra huacashcallapish mana uyarinchu. Sacha animalcunapish, volac animalcunapish tucui illanmi. Chaimantami urcucunamantapish, shitashca pambacunapi tiyac michina pambacunamantapish llaquillata huacasha» nircani.

EZEQUIEL 33:28

Chai llactaca shitashca pambami saquiringa. Yallita sinchi llactaca tucuringami. Israel urcucunapish llaquinayaitami tucuringa. Chaicunataca pipish mana puringachu.

DANIEL 2:35

Chashna polvocpimi, fierropish, allpamanta ruhuashcapish, broncepish, curipish, cullquipish usyai punzhacunapi trillana erapi tiyac tamo shina tucurca. Chaita huaira apacpimi, chai shayacushca pushtupica jaicapi mana ricurirca. Cutin chai runaman ricchata huactac rumica jatun urcu tucushpami, tucui cai pachata taparca.

MIQUEAS 4:13

Mandac Diosca: «¡Sionpi causaccunalla, jatarishpa trillac shina tucuchichicyari! Cancunamanca fierro gachuyuc, bronce shillucunayuc huagraman shinami fuerzata cusha. Chaimantami achca llactacunata ñutuchic shina tucuchinguichic. Paicunamanta quichushcacunataca Mandac Diosmanmi cunguichic. Imata charishcatapish, tucui cai pacha Mandac Diospaclla cachun, paiman cunguichic» ninmi.

MIQUEAS 5:8

Saquirishca Jacobopac huahuacunaca gentecunapac chaupipica shuc león sacha animalcunapac chaupipi cac shinami canga. Huahua león manada ovejacunapac chaupita rishpa, micuc shinami canga. Chashna micucucpica, pipish mana misai pudingachu.

HABACUC 3:12

Canca yallita piñarishpami, cai pachataca sarurcangui, shuctac llactacunataca nina japiric shina piñarishpami sarunacurcangui.

ZACARÍAS 4:7

Jatun urculla, Zorobabelpac ñaupapica, ¿imatac cangui? ¡Canca Zorobabelpac ñaupapica pugru pambami tucungui! Paimi ucupi cac rumita llucchinga. Shina llucchicpica: ‘¡Sumacmari, sumacmari!’ nishpami caparinga” ninmi.

JOSUÉ 17:18

ashtahuanpish tucui sacha allpatami japinguichic. Chai allpamantaca cancunami sachacunataca anchuchinguichic. Cancunapac allpa linderoca achca carutami canga. Cananeocuna fierromanta ruhuashca carretacunata charicpipish, paicuna sinchi cacpipish, llucchishpami cachanguichic— nirca.

JUECES 6:16

Shina nicpimi, Mandac Diosca: —Ñucami canhuanca casha. Canmi madianitacunataca shuclla runata shina atingui— nirca.