ISAÍAS 41:11 - Dios Rimashcata Quillcashcami

¹¹ Riquichic, tucui cancunata piñaccunami pingaihuan musparinga. Cancunata piñashpa rimariccunaca mana tiyashca shinami tucuringa.

ISAÍAS 41:11 ပူးပေါင်းရင်းမြစ်များ

ÉXODO 11:8

Chaimantami tucui canta serviccunaca ñucapac ñaupapi cungurishpa: “Canpish, tucui canta caticcunapish llucshishpa richic” ninga. Chai quipaca ñucapish rishallami— nirca. Shina nishpami, Moisesca yallita piñarishpa, Faraonpacmanta llucshirca.

ÉXODO 12:29

Mandac Diosca Egipto llactapi punta huacharishca cari huahuacunataca chaupi tutami huañuchirca. Faraón mandashpa tiyana huasipi causacuc punta churimanta callarishpa, carcelpi tiyaccunapac punta churicunacamanmi huañuchirca. Shinallatac punta huacharishca cari animalcunatapish tucuimi huañuchirca.

ÉXODO 23:22

Ashtahuanpish pai nishcata uyashpa, tucui ñuca nishcata ruhuacpica, canta piñaccunataca piñashami, shinallatac canta llaquichiccunataca llaquichishami.

ISAÍAS 17:13

Chai gentecunaca achca yacu huaj nicuc shinami, yallita caparinga. Shina cacpipish, Dios rimashpa jarcacpica, urcupi tiyac ucsha shina, ñuto allpa acapana huairapi shinami, maita miticungapac ringa.

ISAÍAS 29:5

Canta piñac achca runacunaca ñuto allpa shinami tucunga. Cutin, mana llaquic runacunaca huairapi ric tamo shinami tucunga. Chaica, cungaillami chashna tucunga.

ISAÍAS 29:7

Ariel llactahuan macanacuc tucui llactacunapish, muyunacushpa shamuc soldadocunapish, baluarteta ruhuashpa chapaccunapish, sueñushpa muscuipi ricuc shinami chingaringa.

ISAÍAS 29:8

Yarcanayaihuan sueñushpa, micucushcata muscushpapish riccharishpaca yarcanayaihuan cac runa shina, yacunayaihuan sueñushpa, yacuta ubiacushcata mushcushpapish riccharishpaca yacunayaihuan cunga chaquishca runa shinami tucunga. Chashnami Sión urcupi causaccunahuan macanacungapac tucui llactamanta shamuc soldadocunaca tucunga.

ISAÍAS 34:12

Chai llactataca: «Jatun mandacta mana charic» nishpami cayanga. Mandaccunapish yangallami tucunga.

ISAÍAS 40:17

Paipac ñaupapica tucui llactacunaca mana tiyashca shinami. Paihuanca imahuan mana chimbapuraichu.

ISAÍAS 40:2

Jerusalenpi causaccunaman sumacta huillashpaca: “Cancunapac juchacunata perdonana huatacunaca ñami pactamushca. Cancunapac juchacunamantaca ñami chaupi yalli llaquihuan Mandac Diosca llaquichishca” nichic» ninmi.

ISAÍAS 41:24

Riquichic, cancunaca imapish mana canguichicchu. Cancuna maipi imata ruhuashcapish mana ricurinchu. Cancunata acllashpa charictaca millanayanmi.

ISAÍAS 41:29

Riquichic, tucui paicunaca yangallami. Paicuna maipi imata ruhuashcapish mana ricurinchu. Imatapish yacuyachishpa ruhuashca dioscunaca huaira shina yangallami.

ISAÍAS 45:24

Ñucamantaca: “Cashcata ruhuanapish, tucui poderpish Mandac Dios-huanmi” ningacunami. Mandac Dios ñucapacmanmi shamunga. Ñucata yallita piñaccunaca tucuimi pingaichishca canga.

ISAÍAS 49:25

Ashtahuanpish Mandac Diosca: «Sinchi runapac maquimanta prezuta llucchishallami. Mana llaquic mandacmantapish quichushallami. Ñucami canta llaquichic-huan macanacunpac shayarisha. Cambac huahuacunataca ñucami llaquimanta quishpichisha.

ISAÍAS 49:26

Saruc shina canta llaquichiccunataca paicunapuratami micunacuchisha. Quiquin yahuarllahuantacmi vinohuan machac shina machanga. Chashna ruhuacpimi, cai pachapi causaccunaca ñucaca Mandac, llaquimanta quishpichic, Jacobota sinchiyachic Mandac Dios cashcata yachanga» nini

ISAÍAS 54:15

Llaquichiccuna shamushpapish mana ñuca cachacpichu shamunga. Canta llaquichingapac pacalla jatariccunaca cambac ñaupapimi urmanga.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

JEREMÍAS 12:17

Ashtahuanpish ñucata mana cazucpica, sapimanta llucchic shinami tucuchisha» ninmi. Chaitaca Mandac Diosmi nin.

JEREMÍAS 2:3

Israelcunaca ñucapaclla chicanyachishca punta pucushca grano shinami carca. Paicunata tucuchiccunataca yallitami llaquichic carcani” ninmi ningui» nirca.

DANIEL 4:35

Paipac ñaupapica tucui cai pachapi causaccuna mana ima canchu. Paimi jahua pachapi tucui tiyaccunatapish, cai pachapi tucui tiyaccunatapish pai munashca shina ruhuan. Paipac poderhuan imata ruhuacucpipish, pi mana jarcai pudinchu. Shinallatac mana pi: ‘¿Imatatac ruhuacungui?’ nishpa tapunchu” nishpa alli nircani

ZACARÍAS 12:3

Chai punzhapica Jerusalentaca muyundi llactacunapi causaccunapac llashac jatun rumi shinatami ruhuasha. Chai rumita alzasha niccunaca tucuimi ñuturinga. Tucui cai pacha llactacunamantami paita llaquichingapac tandanacunga.

HECHOS 16:39

Chai mandaccunaca Pablopacman, Silaspacman rishpa, paicunata cacharishpaca: —Ñucanchicca cancuna Roma llactamanta cashcata mana yachashcamantami, cashnaca ruhuashcanchic. Cunanca cai pueblomanta llucshishpa richiclla— nirca.

APOCALIPSIS 3:9

Ñucaca Satanaspac tandanacuimantami maijan manapish israelcuna cashpa, ‘israelcunami canchic’ nishpa llullaccunataca cambac ñaupapi cungurichisha. Chashna ruhuacpimi ñuca canta cuyashcataca yachangacuna.