ISAÍAS 41:1 - Dios Rimashcata Quillcashcami

¹ Mama cucha patapi causaccuna uyaichic. Tucui mashna sinchiyashpa, ñucapacman shamuichic. Ñucapacman cuchuyashpa rimaichic. Taripangapac caiman tandanacuichic.

ISAÍAS 41:1 ပူးပေါင်းရင်းမြစ်များ

JOB 38:3

Cunanca sinchita chumbillirishpa, ñuca tapushcata cutichingapac allichiri.

SALMOS 46:10

Diosca: «Casilla caichic, ñucataca Dios cashcata ricsichic. Tucui llactacunapimi alli nishca casha. Tucui cai pachami jatunyachishca casha» nircami.

ISAÍAS 1:18

Mandac Diosca: «Cunanca tandanacushpa allichingapac ñucapacman shamuichic. Cancunapac jucha puca tela shina cacpipish, rasu shina yuranllatami ruhuasha. Yana puca tela shina cacpipish, yuranlla millma shinatami ruhuasha.

ISAÍAS 11:11

Mandac Dios pai acllashcacunata paipac maquita alzashpa Asiriamanta, Egiptomanta, Patrosmanta, Etiopiamanta, Elammanta, Sinarmanta, Hamatmanta, mama cucha patapi tiyac llactacunamanta cutichimui punzhacunapipish chashnallatacmi tucunga.

ISAÍAS 34:1

¡Tucui llactacunapi causaccuna ñucata uyangapac tandanacuichicyari! ¡Tucui gentecuna alli uyaichicyari! Cai allpapish, chaipi ima tiyaccunapish, cai pachapish, chaipi ima tiyaccunapish uyaichicyari.

ISAÍAS 40:31

Ashtahuanpish Mandac Diosta shuyashpa causaccunaca mushuc fuerzatami japinga. Volac animalcuna shinami, mana shaicunga. Yallita purishpapish, yallita callpashpapish mana fuerza illac saquiringachu.

ISAÍAS 41:5

Mama cucha patapi causaccunapish, tucui cai pacha causaccunapish chaita ricushpami mancharishpa, tandanacushpa shamurca.

ISAÍAS 43:26

Ñucata yuyachichishpa, Taripachun imata cashpapish ricuchichiclla. Cashcata ruhuashca ricuringapac cancunarac rimaichiclla.

ISAÍAS 43:9

Tucui llactapi causaccunapish, tucui cai pachapi causaccunapish tandanacuichic. Cancunapurapica, ¿caicunata huillacpish, sarun huatacuna ima tucushcata huillacpish tiyanchu? Tiyashpaca shuccuna uyashpa: «Chaica chashnatacmi» nichun huillaccunata apamuichic.

ISAÍAS 48:16

Ñuca ñaupaman cuchuyashpa caita uyaichic. Ñucaca callarimanta pachami maipipish mana pacashpa huillarcani. Tucuita ruhuai callarishcamanta pachami ñucaca chaipi carcani» ninmi. Cunanca, Mandac Diosmi paipac Espirituhuan cacharca.

ISAÍAS 49:1

¡Mama cucha patapi causaccunalla, caru llactapi causaccunalla, alli uyaichic! Mandac Diosca mamapac huicsapi cacllapitacmi ñucataca cayarca. Ñucata manarac huacharicpimi, ñuca shutitaca cayarca.

ISAÍAS 50:8

Ñucata cuidacca ñuca ladopimi. Chaimanta, ¿pitac ñucahuan shayaringa? ¡Tandanacuichic! ¿Pitac ñucata juchanchicca? ¡Ñucapacman cuchuyamuichiclla!

HABACUC 2:20

Ashtahuanpish Mandac Diosca paipaclla chicanyachishca huasipimi causan. ¡Cai pachapi tucui causaccuna paipac ñaupapi upalla caichic!

ZACARÍAS 2:13

¡Mandac Diosca pai causana jucha illac pushtumantami shamun! ¡Chaimanta cai pachapi tucui causaccuna upalla caichic!